Рим агьларихьна вуйи кагъаз 7:6 - Гирами Китаб

⁶ Гьадму Къанундин бацариъ айхьа. Ухьу, Къанундиз дукӀну, дидккан азад гъапӀунхьу. Сарун дидикӀнайи йирси аьдатарин хиликкди ваъ, хъа Рюгьнан хиликкди цӀийи духьну, Аллагьдиз гъуллугъ апӀуз шулу.

Рим агьларихьна вуйи кагъаз 7:6 Referans Kwoze

Коринф-2 3:6

Дугъу учкан, ЦӀийи Йикьрарнан гъуллугънаъ хьуз, гъуллугъчйир ктаъну. Думу Йикьрар – дидикӀнайи гьярфар дар, ваъ, хъа Рюгьнахьан ву. Фицики гьярфну йикӀуру, хъа Рюгьну уьмур хуру.

Рим агьларихьна вуйи кагъаз 7:4

Гьаму жюрейиинди, йиз гъардшар, Месигьдин Бедендилантина учвура гъачӀидаригъян чӀиви гъахьирин ихтиярнаъ ахъбан бадали ва, Аллагьдиз бегьер хпан бадали, Къанунди кӀуруб апӀбаккан азад вучва.

Рим агьларихьна вуйи кагъаз 6:4

Гьаци вуйиган, штуан шлуган, ухьу Дугъахъди сатӀиди гъакӀунхьа ва, Аллагьдин адлу кьудратниинди Месигь чӀиви гъахьиганси, ухьура чӀиви апӀбан бадали ва цӀийи уьмриинди яшамиш хьпан бадали, Гьадгъахъди кивну гъахьунхьа.

Галат 3:13

Месигьди ухьу, Къанун тамам дарапӀруган, ухьʼин улубкьру агьнаккан ккадаъну. Дугъу Чав Къанундиъ улупнайи кьаза-балйир ухьу бадали Чаина гъадагъну, гьаз гъапиш гьамци дупна: «гьарикк ккерхнайир агьнакк ккахъна».

Колосс 3:10

Учву ГъапӀуриз ухшар айи, Аллагьдин гьякьвал аьгъяди, цӀийитӀан цӀийи алапӀурайи адмивалин цӀийи халиъ учӀвначва.

Галат 6:15

Суннат дапӀну ашра – адаршра, мидлан фукӀара шулайиб адар. Мушваъ ккундайиб: жвув Аллагьдиз цӀийи кас хьувал ву.

Рим агьларихьна вуйи кагъаз 12:2

Гъит, му дюнʼяйин гьюкмари учвʼин агъавал дарапӀри. Аллагьдин ужуб, рази ктаъру ва гьубкӀу ният фу вуш, аьгъю хьпан бадали, ичв фагьум цӀийи алапӀури, дигиш йихьай.

Рим агьларихьна вуйи кагъаз 6:22

Хъа гунгьариккан азад духьнайиган ва Аллагьдин лукӀар духьнайиган, гьамус, марцци яшайишдин хайир ачвуз, хъа диди гьаргандин уьмрихъна хуру.

Коринф-2 5:17

Гьаддиз, Месигьдик кидикьнайир, цӀийиди бабкан духьнайир ву. Йирсивал имдар, цӀийиб дуфна!

Рим агьларихьна вуйи кагъаз 7:1

Учвуз аьгъдарди айинчвуз, гъардшар (учвуз, Къанундин гъаври ахънайидариз кӀураза), Къанунди инсан чӀивиди имиди дугъʼин агъавал апӀурайиб?

Рим агьларихьна вуйи кагъаз 6:2

ИкибаштӀан, ваъ! Ухьу гунгьариъ гьапӀу ихь уьмур дебккунхьа, фици ухьу хъана гунгьар апӀухьахъа?

Рим агьларихьна вуйи кагъаз 6:19

Узу, адмийир гъавриъ ахъруси, мисалариинди кӀураза, даршиш мидин гъавриъ ахъуб учвуз гизаф читин ву. Фици учву мидиз улихьна ичв жандин паяр чиркинвализ, законсузвалар апӀуз тувуйиш, гьаци гьамус дурар гьякьлувалин гъуллугънаъ гирами ляхнар апӀуз тувай.

Рим агьларихьна вуйи кагъаз 6:11

Гьаци учвура, гунгьар апӀбаз дукӀнайидарси, Иса Месигьдиъди Аллагь бадали яшамиш шулайидарси йихьай.

Рим агьларихьна вуйи кагъаз 1:9

Вари йиз юкӀв хъипну, Аллагьдин гъуллугънаъ аза. Дугъан Балкан варидариз Ужувлан хабар дебккри, гьарган узу учву кӀваин алауразачву. Магьа дидин шагьид Аллагь.

Филипп 3:3

Гьякь суннат дапӀнайидар, ухьу вухьа, гьаз гъапиш, ухьу Аллагьдин Рюгьну хъаъри, Дугъан гьякь гъуллугънаъ ахьа; Месигь Исайин уьмриинди ухьу заан, яни дамахлу вухьа ва му дюнʼяйинубдихъан хъичӀихнадархьа.

Рим агьларихьна вуйи кагъаз 7:2

Мисалназ, жилирихь хьайи шив, сабан думу чӀивидимидикьан гагьди, Къанундиинди чан жилирик китӀна, хъа эгер дугъан жилир гъачӀиш, Къанунди думу нюкгьин гьюкмиккан азад апӀура.

Эфес 4:24

Аллагьдин хасият – гьякь вуйи дюзвал ва гирамивал улупурайи цӀийи табиаьт «алабхьай».