Рим агьларихьна вуйи кагъаз 7:5 - Гирами Китаб

⁵ Фицики ухьу бедендиз ккуниб апӀури яшамиш шулайхьа. Къанундиланмина шулайи ихь гунагькарвалин тямягьяри ихь жанариин агъавал апӀуйи. Диди ухьу аьжализ хурайхьу.

Рим агьларихьна вуйи кагъаз 7:5 Referans Kwoze

Эфес 2:3

Саб вахтназ ухьура гьацдар вуйхьа ва, бедендиз ккуниси, ихь тямягьярин ва ихь чӀуру ниятарин ляхнар апӀуйхьа. Варидарихъди ухьузра, ихь хасиятназ дилигну, Аллагьдин хъял ккилибгурайи.

Галат 5:24

Месигь Исайиндари, чпин гунагькар бедендин вари дерккуз даршлу ва чиркин тямягьяр хачрак карсна.

Галат 3:10

Къанундихъ йирфар хъирчну, дидин аьдатар тамам апӀуз ккунидар агьнакк ккахъуз мумкин ву, гьаз гъапиш «Къанундин китабдиъ дибикӀнайиб вари, сабкьан гъидидипди, тамам дарапӀрур, агьнакк ккахъна» кӀури, дибикӀна.

Рим агьларихьна вуйи кагъаз 6:13

Ичв жандин гьич саб пайра гунгьарин гьюкмиз мутуванай, дурарикан гьякьсуз ляхнарин гъуллугънан яракьар даришри. Дидин ерина, дукӀну чӀиви гъашидарси, Аллагьдин гъуллугънаъ йихьай. Ичв жандин паярра гьякьлувалин яракьди Аллагьдин гъуллугънаъ дерккай.

Рим агьларихьна вуйи кагъаз 6:21

Учву ичв йирси ляхнар апӀруган, фукӀа хайир айчвуз? Дицдар ляхнари аьжалихъна хуруган, гьамус дурарихьан начди ачвуз.

Югьандин-1 3:4

Шли гунагь апӀураш, дугъу законсузвал апӀура, фицики гунагь – законсузвал ву.

Колосс 3:5

Гьаддиз, учву гьаму дюнʼяйихьан дибиснайи учвуъ айиб вари: кьяппавал, чиркинвал, ктирсуз даршлу тямягьяр, асккан тямягьяр, кьискьисвал – гатӀахьай. Мицдар тӀулар идолариз икрам апӀувал ву.

Коринф-1 15:56

Аьжалин галам – гунагь ву, гунгьин кьувват – Къанун.

Якьубдин 4:1

ГьапӀрудар ву ичв гъярхьбарна гьюжатар? Ичв жанариъ урхьурайи тямягьярилан гъюрайидар даринхъа?

Якьубдин 1:15

Тямягьну, дишагьлийикси, гунагь кибшру ва апӀуру, хъа гунгьи, ликриин гъабшиган, аьжал хуру.

Титдиз 3:3

Улихьди ухьура ахмакьарди гъахьидар вухьа: кӀулʼин зигрудар, алдатмиш дапӀнайидар, хьуз мумкин вуйи вари тямягьярин ва ягь адру кьукьарин лукӀар вуйхьа, хъюлу ацӀну ва гъанихвали ургури яшамиш шули гъахьунхьа, чиб-чпин хъял ади ва чиб-чпи даккунди гъахьунхьа.

Эфес 2:11

Гьаддиз кӀваинди гъитай: учву бабкан аллагьсузарди гъахьунчва. Адмийирин хилари бедендин суннат апӀру аьдат гъапӀдари учвуз «кададабтӀдар» кӀури шуйчвуз.

Рим агьларихьна вуйи кагъаз 7:23

Йиз жандиъ жара къайда рябкъюразуз. Му къайдайи йиз фагьмин къайдайихъди дяви гъабхура. Йиз жандиъ айи гунагь къайдайи узу чан йисирвализ дисура.

Рим агьларихьна вуйи кагъаз 6:23

Фицики гунгьин кьимат аьжал ву. Аллагьдин багъиш – ихь Агъа, Месигь Исайихъди вуйи гьаргандин уьмур ву.

Рим агьларихьна вуйи кагъаз 6:19

Узу, адмийир гъавриъ ахъруси, мисалариинди кӀураза, даршиш мидин гъавриъ ахъуб учвуз гизаф читин ву. Фици учву мидиз улихьна ичв жандин паяр чиркинвализ, законсузвалар апӀуз тувуйиш, гьаци гьамус дурар гьякьлувалин гъуллугънаъ гирами ляхнар апӀуз тувай.

Рим агьларихьна вуйи кагъаз 5:20

Къанун гунгьар артухъ хьуз гъафну, хъа гунагь артухъ шлубкьан, Аллагьдин ужʼвал хъана артухъ шуйи,

Рим агьларихьна вуйи кагъаз 4:15

Фицики тамам дарапӀру Къанунди Аллагьдик хъял капӀру, хъа Къанун адрушваъ думу чӀюбгъюзра шулдар.

Рим агьларихьна вуйи кагъаз 3:20

Саб Къанундиъ айиб тамам апӀури гьич сарихьанра Аллагьдин улихь гьякь хьуз хьибдар, гьаз гъапиш, Къанундиан удубчӀвурайиб вари инсан гунагькар вуйиб улупурайиб ву.

Рим агьларихьна вуйи кагъаз 1:26

Гьамцдар апӀруган, Аллагьди дурар чпин аьйибнан тямягьяриъ гъитнийи. Дишагьлийири жиларихъди духьну ккунивал, табиаьтдиз къаршуди, дишагьлийирихъди сатӀи хьувалихъ гьюдюхнийи.

Югьан 3:6

Бедендикан бабкан шлуб беден ву. Анжагъ Гирами Рюгьнакан рюгьтӀан бабкан шулдар.

Матта 15:19

Фицики чӀуру ниятар, йивбар-йихбар, кьяппавалар, аьрбатанвалар, икӀ апӀбар, кучӀлар, футнйир – гьамрар вари кӀваан удучӀвурайидар ву.

Коринф-2 10:3

Ухьу гьаму дюнʼяйиъ яшамиш шулашра, гьаму дюнʼяйин яракьниинди дяви апӀурадархьа.