Рим агьларихьна вуйи кагъаз 4:16 - Гирами Китаб

¹⁶ Гьаци вуйиган, адмийириз Аллагьдин гаф чпин хъугъувализ дилигну рубкьура. Му Дугъан рягьимлувалин багъиш ву. Гьаддиз думу неинки Къанундиинди яшамиш шулайидариз, хъа гьацира хъугъувалиинди яшамиш шулайи Ибрагьимдин вари наслариз кайиб ву. Хъа Ибрагьим ихь варидарин аба ву.

Рим агьларихьна вуйи кагъаз 4:16 Referans Kwoze

Эфес 2:8

Гьаддиз Аллагьди учвуз Чан ужʼвал тувну, ичв хъугъувалилантина гъюрхюнчву. Ичв дюрхнайивал ичв гьунар дар, хъа – Аллагьдин багъиш ву.

Галат 3:22

Аммаки Гирами китабари дюнʼяйиин алиб вари, Иса Месигьдихъ хъугъувалиланмина, хъугънайириз тувнайи гаф тамам апӀбан бадали, гунгьин гьюкмикк кка, кӀура.

Рим агьларихьна вуйи кагъаз 9:8

Му гьаци кӀуру гаф вуки: Ибрагьимдилан бабкан гъахьи вари наслар Аллагьдин гьякь веледар дар, хъа анжагъ Ибрагьимдиз туву Аллагьдин гафналантина гъахьи веледар гьякь веледар ву.

Титдиз 3:7

Дугъан зурба вуйи ужувлиинди ухьу, гьякь дапӀнайидар, умуд кивнайи гьаммишандин уьмур рубкьру насларди гъуздихьа.

Эфес 2:5

Гьаддиз ухьу ихь тахсрарилантина дийихнайидар вуйишра, Месигьдихъди чӀиви гъапӀунхьу. Гьадгъан ужувлиинди дюрхнайидар вучва.

Рим агьларихьна вуйи кагъаз 15:8

Месигь суннат гъапӀдарин гъуллугънаъ Аллагьдин гьякьвал дурариз улупуз, Аллагьди дурарин абйирин абйириз тувнайи гаф гьякь вуйивал улупуз ади гъахьну.

Рим агьларихьна вуйи кагъаз 5:1

Ихь Агъа Иса Месигьдихъ хъугъну, ухьу гьякь духьнайиган, Аллагьдихъди Иса Месигьдилантина ихь аьлакьйир дерккунхьа.

Петрин-2 1:10

Магьа гьамдиз, гъардшар, хъана аьхю кьувватниинди учвуз дих дапӀнайивал ва учву кадагънайивал тасдикь апӀинай. Гьамци апӀури гъашиш, гьич саркьан алдакидарчва!

Рим агьларихьна вуйи кагъаз 4:11

Ибрагьимдин суннат, суннат апӀайиз улихьна айи чан хъугъувализ дилигну, Аллагьдин улихь гьякь хьувалин лишан вуди хъасин гъапӀну. Ва гьаддиз Ибрагьим, гьеле суннат дапӀну адарди, хъугънайидаринра кмиди аба гъахьну. Дурарра, чпин хъугъувализ дилигну, Аллагьди гьякь гъапӀну.

Лука 19:9

Исайи дугъаз гъапи: – Гъи му хулазра уьрхювал гъафну, фицики мура Ибрагьимдин насликан ву.

Рим агьларихьна вуйи кагъаз 3:22

Аллагьди адмийир Чан улихь гьякь апӀура Иса Месигьдихъ хъугъбиинди. Му хъугърудариз варидариз кайиб ву, гьаз гъапиш дурарин арайиъ гьич саб фаркьвалра адар,

Рим агьларихьна вуйи кагъаз 3:30

Аллагь сар вуйивализ дилигну, Дугъу вари хъугърудар сабси гьякь апӀура – суннат гъапӀдарра дарапӀдарра.

Галат 3:14

Ибрагьимдиз тувурза дупнайи ужʼвал Иса Месигьдилантина вари халкьариз хьпан бадали ва ихь хъугъувализ дилигну тувурза гъапи Рюгь ухьуз рукьбан бадали, Къанундиъ улупнайи кьаза-балйир Дугъу Чаина гъадагъну.

Галат 3:16

Ибрагьимдиз ва дугъан наслиз Аллагьди гаф тувнайи. Фикир тувай, фици дупнаш: «наслариз» дупнадар – мици, гизафдарикан улхураш, кӀуру, хъа, «яв наслиз» – мици сарикан улхруган кӀурайиб ву. Ари гьадму насил – Месигь ву.