Рим агьларихьна вуйи кагъаз 3:9 - Гирами Китаб

⁹ Мидиз фу пухьа? Имбу миллетартӀан ухьу, жугьдар, фтин артухъ ву? Гьич сабдинра! Гьаддиз узу зиихъ дупназа: жугьдарра ва имбударра сабси гунагьвалин гьюкмиъ а,

Рим агьларихьна вуйи кагъаз 3:9 Referans Kwoze

Галат 3:22

Аммаки Гирами китабари дюнʼяйиин алиб вари, Иса Месигьдихъ хъугъувалиланмина, хъугънайириз тувнайи гаф тамам апӀбан бадали, гунгьин гьюкмикк кка, кӀура.

Рим агьларихьна вуйи кагъаз 6:15

Гьа, фу дапӀну ккунду ухьу? Ухьу, Къанундикк ккадарди, хъа Аллагьдин ужувлакк ккайидари гунагь шлу ляхнар дапӀну ккундин? ИкибаштӀан, ваъ!

Рим агьларихьна вуйи кагъаз 11:32

Аллагьди вари халкьариз, хъасин чпилан хил алдабгъбан бадали, хъпебехъри гъузуз шлу вахтар улупнийи.

Рим агьларихьна вуйи кагъаз 3:19

Ухьуз аьгъяхьуз, гьич сарира, учв гьякь вуза, дарпбан бадали, ва вари дюнʼяйи Аллагьдин улихь жаваб тувбан бадали, гьаму Къанундиъ дупнайиб вари Къанундиз мютӀюгъ вуйдариз дупнайиб ву.

Филипп 1:18

Фу пухьахъа? Дурари чӀуру вая марцци ният ади кӀурашра, Месигьдикан кӀура – гьаддиз узу гьацибдизра рази вуза. Узу шадвали ацӀдиза,

Галат 3:10

Къанундихъ йирфар хъирчну, дидин аьдатар тамам апӀуз ккунидар агьнакк ккахъуз мумкин ву, гьаз гъапиш «Къанундин китабдиъ дибикӀнайиб вари, сабкьан гъидидипди, тамам дарапӀрур, агьнакк ккахъна» кӀури, дибикӀна.

Коринф-1 14:15

ГьапӀза? Узу рюгьниинди ккарагидиза, йиз фикрииндира ккарагидиза. Рюгьниинди Аллагьдиз мяълийир апӀидиза, йиз фикрииндира мяълийир апӀидиза.

Коринф-1 10:19

ИкибаштӀан, узу, идолиъ вая дидиз гъурбан дапӀнайибдиъ фу-вуш саб мяна а, кӀурадарза.

Коринф-1 4:7

ИмбудартӀан артухъ за шли апӀураву? Аллагьдихьан даруб фу авуз? Увуз вари пешкеш дапӀнайиган, увуз тутрувганси яв тярифар гьаз апӀурава?

Рим агьларихьна вуйи кагъаз 11:7

Гьамус фу шула? Израилин халкьдиз чпи абгурайиб гъибихъундар. Анжагъ кадагънайидаризтӀан гъибихъундар, имбударин инсанвал гъудубгну.

Рим агьларихьна вуйи кагъаз 3:5

Эгер ихь дюз дарувалари Аллагьдин гьякьвал ачухъди артухъ апӀураш, Аллагьди ухькан хъял апӀруган, Думу дюз дар, пуз хай шулин? (Узу гьамци йиз адмивалин фагьмиинди кӀураза.)

Рим агьларихьна вуйи кагъаз 1:18

Гьякьвал чпин нягьякьвалихьди ккапӀрайи адмийири апӀру вари чӀурубдиз ва гьякьсузвализ аьршариан Аллагьдин хъял гъюру.

Лука 7:39

Му ляхин гъябкъиган, теклиф дапӀну, Иса хулаз хъади гъафи фарисейи чав-чакди фикир апӀуру: – Эгер Думу дугъриданра пайгъамбар вуйиш, Чак хилар катрайи дишагьли фуж вуш, Дугъаз аьгъю шлийи. Думу гунагькар даринхъа!

Насигьятар 20:9

Шли пиди: «Адариз кӀваъ харживал, йиз гунгьихьан узу марцц гъахьунза»?

Рим агьларихьна вуйи кагъаз 2:1

Эгер уву гьамцдар касарик тахсир кипраш, увлан хил алдабгъуб адар; эгер уву сар шлик-вуш тахсир кипраш, уву яв увук тахсир киправа. Жарар тахсиркар апӀурайири, увура тахсиркри апӀруб апӀурава.

Рим агьларихьна вуйи кагъаз 3:1

Гьаци вуйиган, жугьдар фтин артухъ ву, суннат апӀбан мяна фу ву?

Рим агьларихьна вуйи кагъаз 7:14

Ухьуз Къанун рюгьнануб вуйиб аьгъяхьуз, хъа узу, беден ади, гунгьиз лукӀди тувнади гъахьунзу.