Рим агьларихьна вуйи кагъаз 3:5 - Гирами Китаб

⁵ Эгер ихь дюз дарувалари Аллагьдин гьякьвал ачухъди артухъ апӀураш, Аллагьди ухькан хъял апӀруган, Думу дюз дар, пуз хай шулин? (Узу гьамци йиз адмивалин фагьмиинди кӀураза.)

Рим агьларихьна вуйи кагъаз 3:5 Referans Kwoze

Рим агьларихьна вуйи кагъаз 6:19

Узу, адмийир гъавриъ ахъруси, мисалариинди кӀураза, даршиш мидин гъавриъ ахъуб учвуз гизаф читин ву. Фици учву мидиз улихьна ичв жандин паяр чиркинвализ, законсузвалар апӀуз тувуйиш, гьаци гьамус дурар гьякьлувалин гъуллугънаъ гирами ляхнар апӀуз тувай.

Галат 3:15

Гъардшар, ихь гьар йигъандин уьмриан мисал хибдизачвуз: эгер адмийи дюз гъюруси васиятнан кагъаз дибикӀнаш, думу гьясбикк ккадрапӀуз вая дидик жараб капӀуз хьибдар. Ари гьамшваъра гьаци ву.

Коринф-1 9:8

Му вари узу адмийин улариантӀан дилигди кӀурайинхъа? Къанундин китабдиъра гьаддикан кӀурадаринхъа?

Рим агьларихьна вуйи кагъаз 7:7

Мушваъ фу шула? Къанун – му гунагь вуйинхъа? Ваъ, дици дар. Мидихъди сабси, Къанун адайиш, узуз, гунагь фу вуш, аьгъю хьибдайзуз. Эгер Къанунди, «жараринуб ккун мапӀан», кӀурадайиш, узуз, лайикь даруб ккун мабхьан, фу кӀуру гаф вуйишра, аьгъю хьибдайзуз.

Рим агьларихьна вуйи кагъаз 4:1

Ихь абйирин аба Ибрагьимдикан фу пухьа?

Рим агьларихьна вуйи кагъаз 2:5

Уву инкар ва утӀукьнайир вува, яв гунгьар кӀулʼин гъадагъурадарва ва, гьамдиинди, Аллагьди Чан хъял улупру йигъаз Аллагьдин хъял увʼина артухъ апӀурава; хъа халкьдиз Дугъан гьякь вуйи суд рябкъиди.

Ачмиш 18:20

«Аммаки уву, зав, шадвал хъапӀ! Шадвал хъапӀай, гирамидар, вакилар ва пайгъамбрар, дугъу учвʼан удубзу ифдилантина Аллагьди дугъаз завал гъядябхъюз гъитну!»

Ачмиш 15:3

Дурари, Аллагьдин гъуллугъчи Мусайин мяъли ва Ччилан мяъли апӀурайи: «Зурба ва аьжайиб вуяв ляхнар, Агъа Аллагь, вари хилиъ Дибиснайир! Дугъри ва гьякь вуяв рякъяр, халкьарин Паччагь!

Коринф-1 15:32

Эгер адмийин улариан лигураш, узу фу бадали Эфесдиъ айи вягьшйирихъди дяви гъабхидийи? Узуз дидкан фу файда ка хъа? Гъийихдар чӀиви шлуб дайиш: «Гъачай ипӀухьа, убхъухьа, гьапӀнура закур йикӀурайидар дарин хъа».

Рим агьларихьна вуйи кагъаз 12:19

Аьзиз дустар, хъял алдабгъбахъ махьанай, хъял алдабгъуб Аллагьдин ихтиярнаъ гъибтай. Фицики Гирами китабариъ дибикӀна: «Хъял алдабгъувал Йиз ляхин ву. Узу жаза тувдиза» – кӀура Агъайи.

Рим агьларихьна вуйи кагъаз 6:1

Гьаци вуйиган, фу пухьа? Аллагьдин ужʼвал артухъ хьуз гунгьар апӀури гъузхьахъа?

Рим агьларихьна вуйи кагъаз 3:19

Ухьуз аьгъяхьуз, гьич сарира, учв гьякь вуза, дарпбан бадали, ва вари дюнʼяйи Аллагьдин улихь жаваб тувбан бадали, гьаму Къанундиъ дупнайиб вари Къанундиз мютӀюгъ вуйдариз дупнайиб ву.

Рим агьларихьна вуйи кагъаз 3:7

Увхьан пузра шулвухьан: «Хъа эгер йиз дугъри дарували Аллагьдин дугъривал артухъ апӀураш ва гьаци Дугъан ад артухъ шулаш, гунагькринси йиз суд гьаз апӀура?»

Эвел 18:25

Уву дици дарапӀарва – гуннагькрарихъди гьякьлударра пуч апӀуб, гуннагькриз гъабхьиб гьякьлуризра хьуб мумкин дар. Уву дици дарапӀарва! Вари дюньяйин Диванчийи гьякь дарапӀди гъибтринхъа?

Рим агьларихьна вуйи кагъаз 5:8

Хъа Месигь, гьеле ухьу гунагькрар вушра, ухьхъанди гъакӀну, ва гьамдиинди Аллагьди, ухьухьна вуйи Чан масанвал фукьан аьхюб вуш, улупну.

Рим агьларихьна вуйи кагъаз 8:31

Фу кӀухьа? Аллагь ухьхъанди вуш, ухьуз къаршу шлихьан хьуз шул?

Рим агьларихьна вуйи кагъаз 9:30

Гьамус фу кӀуру? Гьякьвал дарабграйи жара миллетариз чпин хъугъувалилантина гьякьвал гъабхьну.

Коринф-2 6:4

Учу Аллагьдин гъуллугъчйир вуйивал варибдиъ улупурача: зурба сабурнаъ, бедбахтвалиъ, фукӀа гьубкӀну адрувалиъ, читинвалиъ,

Коринф-2 7:11

Аллагьдихьан вуйи пашманвали учвуъ фу арайиз гъабхнуш лигай: аьшкь кади лихуб, гьякьвалихъна гъюб, тахсиркриина алжагъуб, гучӀʼвал кади хьуб, рякъюз юкӀв хъади хьуб, кӀван сикинсузвал, тахсиркрин суд апӀуз гьязурди хьуб. Учвук му ляхниъ сарун тахсир кимдруб гьубкӀну улупунчва.

Галат 2:18

Эгер узу, мугагьназ гатӀахьу аьдатар, хъана хъаай кӀури хъюгъиш, узу Къанун чӀюбгъюрайи гьисаб ву.