Рим агьларихьна вуйи кагъаз 3:4 - Гирами Китаб

⁴ ИкибаштӀан, даршул! Юкьуб аьтраф вари кучӀлари ацӀнашра, Аллагь аьгьтлуди гъузди, Гирами бикӀбариъ дибикӀнайиси: «Уву Яв улхбариъ гьякьди гъуздива ва Уву Яв суд апӀруган, гъалиб хьидива».

Рим агьларихьна вуйи кагъаз 3:4 Referans Kwoze

Галат 2:17

Эгер, Месигьдик кидикьну, гьякь духьнайиганра ухьу имбударси гунагькрар вуш, Месигь, гунгьар апӀинай, кӀури, дуфнайир вуйинхъа? ИкибаштӀан ваъ!

Жугьдариз 6:18

Ва гьаму кьюб гьюдюдюхру мутму – гаф тувувална ху апӀувал – Аллагьдин мурар кучӀал кайидар дар, ухьуз, чара абгури, улубкьру ихь умуднахъан хъичӀихнайидариз, мюгькамди юкӀв капӀувал вухьуз.

Титдиз 1:2

дурарик гьаргандин уьмрин умуд капӀуз гьаънайир вуза. Дициб ужʼвал вари дюнʼя арайиз хайиз улихьна гьич саб вахтнара кучӀал дарапӀру Аллагьди тувнайи гаф ву.

Югьан 3:33

Дугъан гафар кьабул апӀурайир гьякь Аллагь вуйивалихъ хъугъра.

Ачмиш 3:7

Филаделфияйин хъугънайидарин малайикдиз бикӀ: «Гьамци кӀура Гирамири, Гьякьлури, Давудрин ачар Хьайири – Дугъу абццхъанмина, гьич сарихьанра хъябкьюз хьибдар, Дугъу хъябкьхъанмина, гьич сарихьанра абццуз хьибдар:

Югьандин-1 5:20

Ухьуз, Аллагьдин Бай гъафиваликан ва гьякь Аллагь аьгъю хьуз ухьу гъаврикк ккауваликанра аьгъяхьуз. Ухьу гьякь Вуйириъ айибра аьгъяхьуз, фицики ухьу Дугъан Бай – Иса Месигьдиъ ахьа. Думу – гьякь вуйи Аллагь ву. Думу – гьаргандин уьмурра ву.

Рим агьларихьна вуйи кагъаз 9:14

Гьамус фу пухьа? Аллагь дюз дарур шлуб дарки, гьаци дарин? ИкибаштӀан, шлуб дар!

Югьандин-1 5:10

Аллагьдин Балихъ хъугърайири му шагьидвал чан кӀваъ дибисна. Хъа Аллагьдихъ хътругърайири Аллагь кучӀляхиз илтӀикӀура, гьаз гъапиш, Чан Балкан вуйи Аллагьдин шагьидвалихъ дурар хъугърадар.

Галат 2:21

Дугъу узуз гьамци дапӀнайиган, фици узу Аллагьдин му багъиш гатӀабхьуза?! Эгер Къанундихьан адми гьякь апӀуз шуйиш, Месигь давди гъакӀнуки?!

Рим агьларихьна вуйи кагъаз 6:15

Гьа, фу дапӀну ккунду ухьу? Ухьу, Къанундикк ккадарди, хъа Аллагьдин ужувлакк ккайидари гунагь шлу ляхнар дапӀну ккундин? ИкибаштӀан, ваъ!

Рим агьларихьна вуйи кагъаз 3:31

Ухьуз хъугъвал а кӀури гьамус Къанун тина апӀухьахъа? ИкибаштӀан, ваъ! Ухьу ихь хъугъувалиинди Къанун мюгькам апӀурахьа.

Матта 11:19

Инсаниятдин Бай гъафну, Дугъу ипӀуру ва убхъуру, ва дурари Дугъаз: «Лигай, магьа уьж ва пияниска, налукар гъюдюхрударинна гунагькрарин дуст», кӀура. Аькьюллувал ляхнариинди улупну ккун.

Галат 6:14

Хъа узуз, ихь Агъа Месигь Исайин хачрииндитӀан гъайри, жарабдиинди фурс апӀуз ккундарзуз. Узуз – дюнʼя думу хачрак кабсна ва дюнʼяйиз – узу думу хачрак карсна.

Рим агьларихьна вуйи кагъаз 11:1

Хъа магьа узу гьерхраза: «Аллагьди Чан халкь Чахьан гьадаънадарин?» ИкибаштӀан, ваъ! Узура Ибрагьимдин насил, Вениаминдин тухмиан вуйи израилжви вуза.

Коринф-2 1:18

Аллагьдин улихь тасдикь апӀураза: узу учвуз кӀурайиб саб гагьди «авра» «ваъра» кӀури кӀурадарза.

Рим агьларихьна вуйи кагъаз 11:11

Узу кӀураза: «Жугьдар, хъахъну, гъудужвуз даршлуси, алдакнинхъа?» ИкибаштӀан, ваъ! Гьадрарин алдакувалиланмина имбу халкьариз, жугьдар бахил хьпан бадали, уьрхювал гъабхьну.

Рим агьларихьна вуйи кагъаз 7:7

Мушваъ фу шула? Къанун – му гунагь вуйинхъа? Ваъ, дици дар. Мидихъди сабси, Къанун адайиш, узуз, гунагь фу вуш, аьгъю хьибдайзуз. Эгер Къанунди, «жараринуб ккун мапӀан», кӀурадайиш, узуз, лайикь даруб ккун мабхьан, фу кӀуру гаф вуйишра, аьгъю хьибдайзуз.

Рим агьларихьна вуйи кагъаз 6:2

ИкибаштӀан, ваъ! Ухьу гунгьариъ гьапӀу ихь уьмур дебккунхьа, фици ухьу хъана гунгьар апӀухьахъа?

Лука 20:16

Учв дуфну, му тӀумутӀчйир йихиди ва багъ жарадарихьна тувди. Му гъеебхьдари кӀуруки: – Дициб ляхин саб вахтнара дарибшри!

Рим агьларихьна вуйи кагъаз 7:13

Му ужубди узуз аьжал гъабхну. Гьаци вуйин? ИкибаштӀан, ваъ! Гунгьи, узуз аьжал хьпан бадали, ужуб мутму ишлетмиш гъапӀну. Гьамци апӀури, гунгьи чан ляхин гъапӀну. Табшуругъну гунагь гизаф пис шейъ вуйиб улупура.

Коринф-1 6:15

Учвуз, ичв жанар Месигьдин жандин паяр вуйиб, аьгъданчвуз? Гьаци вуйиган, узхьан Месигьдин пай гъадабгъну, кьяппавализ фици тувуз шулу? Аллагьди уьрхри!

Тимофейиз-1 3:16

Саб гаф адарди ихь хъугъувалин сир зурба ву: Думу бедендиъди гъафну, Рюгьну гьякь гъапӀну, Думу малайикариз гъяркъну, Дугъкан халкьариз ктибтну, Думу дюнʼяйиъ хъугъувалиинди кьабул гъапӀну, Думу адлуди завариз за гъахьну.