Рим агьларихьна вуйи кагъаз 2:9 - Гирами Китаб

⁹ Дугъу абдал тӀулар апӀбаъ тахсиркар вуйи гьарсар касдиз, сифте жугьдариз, хъа имбудариз дердер ва аьзиятар гьаъди.

Рим агьларихьна вуйи кагъаз 2:9 Referans Kwoze

Петрин-1 4:17

Гьаз гъапиш Суд апӀру йигъ багахь хьа. Хъа думу Аллагьдин хуландарилан ккебгъди. Хъа думу ухьлан ккебгърайиган, Аллагьдин Хабар кьабул дарапӀрайидарин аьхир фициб шуйкӀан?!

Рим агьларихьна вуйи кагъаз 1:16

Узуз Агъайин Ужувлан хабар рабгъуз нач дарзуз, гьаз гъапиш дидиъ гьарсар хъугъру кас уьрхюз шлу Аллагьдин гьюкум а – сифте жугьдар, ва хъасин имбу халкьар.

Фессалоник-2 1:6

Учвʼин аьзабар илирчу тахсиркрариз Аллагьди бедбахтвалар тувди – мура гьякь ву.

Рим агьларихьна вуйи кагъаз 9:24

Гьадму касар ухьу вухьа. Дугъу ухьу неинки жугьдаригъян, хъа миди вуйи халкьаригъян, дих дапӀну, гъядягъну.

Рим агьларихьна вуйи кагъаз 2:10

Хъа ужʼвал апӀру гьарсар касдиз, сифте жугьдариз, хъа имбудариз Дугъу ад, гьюрмат ва мясляаьт гьапӀди.

Ляхнар 3:26

Аллагьди сифте учвухьна, ичв чӀуру рякъяриан адаъну, учвуз ужувлар хьпан бадали, Чав чӀиви гъапӀу Чан Гъараваш Иса гьаъна.

Лука 24:47

ва, вардари чпин гунгьар гардандиъ дисруси, Аллагьди чпилан хил алдабгъруси, Ерусалимдилан ккебгъну варишвариъ Йиз ччвурнахъан Ужувлан хабар рабгъиди.

Колосс 3:11

Гьаци гъахьиган, грекна жугьуд миллетдин, суннат дапӀнайиринна адрурин, варваринна скифдин, лукӀранна азад вуйирин арайиъ фаркьвал адар. Месигь вариб ву, ва варибдиъ айир Гьадму ву!

Галат 3:28

Сарун жугьдаринна жара миллетарин фаркьлувал имдар, лукӀранна азад вуйирин фаркьлувал имдар, жилижвуванна дишагьлийин фаркьлувал имдар. Гьаз гъапиш учву вари, Месигь Исайихъди саб вучва.

Рим агьларихьна вуйи кагъаз 10:12

Жугьдарна жара миллетар саб ву, фицики Агъара варидариз Сар ву, ва Чаз дих апӀру варидариз Дугъу ужʼвал тувру.

Ляхнар 28:28

Эй жугьдар! Учвуз аьгъю йибхьайки, Аллагьдин уьрхювал жугьуд дарудариз гьапӀнайиб ву, ва дурар Дугъахъ хъпехъиди! [

Ляхнар 28:17

Шубуд йигълан Павели жугьдарин арайиъ вартӀан гьюрматлу вуйи адмийир сабишвʼина уч гъапӀнийи. Дурар вари уч гъашиган, дугъу дурариз гъапи: – Гъардшар! Узу ихь халкьдиз вая ихь абйирин аьдатариз къаршу вуди фукӀа гъапӀундаршра, узу Ерусалимдиъ римлуйирин хилиз дустагъ дапӀнайирси тувна.

Ляхнар 26:20

Хъа Дамаскдиъ, гьацира Ерусалимдиъ ва вари уьлкейиъ, хъасин жугьуд дарударин арайиъра, дурари, чпин тахсрар гардандиъ дидисну, Аллагьдихьинди илдицбан бадали ва чпин ляхнариинди му тасдикь апӀбан бадали, аьгъювалар улупуз хъюгъюнза.

Ляхнар 20:21

Жугьдаризна грекариз узу Аллагьдин улихь тахсрар гардандиъ дисувалин ва ихь Агъа Исайихъ хъугъвалин жавабдарвалиинди шагьидвал гъапӀунза.

Ляхнар 13:26

Эй йиз гъардшар, Ибрагьимдин наслин веледар ва Аллагьдихьан гучӀрудар! Му, ухьу уьрхбан бадали, дапӀнайи гаф вуйи.

Ляхнар 11:18

Му гафар гъеерхьиган, дурари гьерхбар дерккру. – Рябкъюрайиганси, Аллагьди жугьуд дарударизра цӀийи уьмур бадали чпин тахсрар гардандиъ дисуз ихтияр тувну, – кӀури, дурари Аллагьдин ад апӀуру.

Матта 16:26

Чан уьмур гъудубгу касдиз, вари дюнʼя чаз гъабшишра, фу хайир ахъа? Чан уьмур кьяляхъ апӀбан бадали, дугъу фициб кьимат тувди?

Насигьятар 11:23

Гьякьлударин умудар илтӀикӀиди ужувлаз, хъа гьякьсузарин миж – Заанурин хъюлаз.

Рим агьларихьна вуйи кагъаз 8:35

Ухьхьан Месигьдин масанвал тадабгъуз фтихьан шул? Дердерихьан? читинваларихьан? хъергуваларихьан? гашʼваларихьан? гъяцӀливаларихьан? хатӀйирихьан? ханжларихьан?