Рим агьларихьна вуйи кагъаз 2:4 - Гирами Китаб

⁴ Ясана уву Дугъан зурба вуйи гьюрмат, сабур ва аьгь апӀувал гьаци улʼан идипнана, дарш, ва увуз вуйи Дугъан гьюрмат, уву яв тӀулариин швумал хьуз вуйибдин гъавриъ адарна?

Рим агьларихьна вуйи кагъаз 2:4 Referans Kwoze

Петрин-2 3:9

Агъайи Чав гъапиб тамам апӀуз, гьеле сакьюдари кьан апӀура кӀурашра, кьан апӀидар. Гьатци, Думу ухьуз гъилигиган гизаф сабур айир ву, Дугъаз ухькан фужкӀа дукӀну ккундар, хъа вари, чпи гъапибдиин ва гъапӀубдиин швумал духьну, Чахьна илтӀикӀну ккунду.

Эфес 1:18

Узу, Аллагьди ичв юкӀвариз гьякь рябкъювал туври, кӀури, ккарагураза. Гьадмуган, Чав дих дапӀну, учвуз тувнайи гьадму умуд фу вуш, Аллагьдин гирами халкьдиз ирсди рубкьру аднан девлет фукьан зурбади вуш, ва ухьуъ, Дугъан кьадарсуз кьувватнан кюмекниинди хъугънайи адмийириъ айи ебцуз даршлу Дугъан кьудратнан зурбавал фукьануб вуш, агъю хьибдичвуз.

Эфес 2:7

Гьаци Дугъаз Иса Месигьдилантина гъюз ккимбу вахтари ухьуз тувру Чан ужувлан кӀан-кӀул адру девлет варидариз улупуз ккун гъабхьну.

Эфес 1:7

Гьадгъахъди саб гъахьиган, Дугъан ифди ухьу дюрхна ва Аллагьдин аьхир адру ужʼвали ихь гунгьарилан хил алдабгъна.

Рим агьларихьна вуйи кагъаз 3:25

Аллагьди Думу гъурбан гъапӀну. Дугъан ифди Дугъахъ хъугърударин гунгьар марцц гъапӀну. Адмийирин ухди гъапӀу гунгьарилан хил алдабгъну, Аллагьди Чан гьякьвал улупну.

Петрин-2 3:15

Хъанара, Аллагьдин гьадмукьан зурба сабур – учву уьрхюз мумкинвал туврайивал – ичв хайирназ вуди гьисаб апӀинай. Мидкан Аллагьди чаз тувнайи фагьумлувалиинди вари чан кагъзариъ ихь масан гъардаш Павелира гъапнийи.

Рим агьларихьна вуйи кагъаз 11:33

Фукьан дарин Аллагьдин фагьмин ва зигьмин деринвал ва булвал! Фукьан дарин Дугъан ниятар ктитуз даршлувал! Фукьан дарин Дугъан рякъярин гъавриъ ахъуз даршлувал!

Рим агьларихьна вуйи кагъаз 11:22

Гьаци вуйиган, увуз Аллагьдин ужʼвалра, хъялра рябкъюравуз. Дугъан хъял Чахьан гьудучӀвдарихьна шулу. Хъа увухьна вуйи ужʼвал, эгер уву Дугъан ужувлакк гъузруш, рябкъюравуз. Гъудрузиш, гьаркан увура кадабтӀиди.

Эфес 2:4

Хъа, зурба рягьим айи Аллагьди Чан зурба масанвалиинди ккун гъапӀунхьу.

Петрин-2 3:3

Сифтена-сифте учвуз аьгъю дубхьну ккундуки, аьхиримжи йигъари чпин хусуси тямягьярихъди гъягъру рихшанд апӀувалар арайиз гъиди.

Тимофейиз-1 6:17

Гьаму дюнʼяйиин девлетлу вуйидариз йип: фурсар дарапӀри ва чпин девлетарихъ йирфар хътричри – думу мюгькам вуйиб дар. Уьмрикан кьукь ктабгъури яшамиш хьуз вари лазим вуйиб артухъра кади тувру Аллагьдихъ йирфар хъирчиш, хъа ужу ву.

Филипп 4:19

Ва йиз Аллагьдира Чан зурба вуйи девлетниинди, Месигь Исайилантина вари учвуз ккунди имбубдихьди артухъра кади ацӀдичва.

Ачмиш 3:20

Магьа, Узу дийигъназа урчӀарихъ ва кучраза. Шлиз Йиз дих ебхьураш, гьадгъу Узуз урчӀар арццди, Узу гьадму касдихьна учӀвдиза ва учу, сатӀиди деъну, хябяхъдин уьл ипӀидича.

Тимофейиз-1 1:16

Аммаки Иса Месигьди гьамциб ужʼвал узуз, сарпирди, Чан сабурлувал фукьан зурба вуш дябкъну, имбударра хъугъуз ва дурариз гьаргандин уьмур рубкьуз, улупну.

Колосс 1:27

Аллагьди думу сирнан вари хазна ва ад Аллагь аьгъдру халкьариз улупуз кӀури ачмиш гъапӀну. Дидин сир Месигь ухьуъ яшамиш хьувалиъ а. Месигь ихь гъюз ккайи адлувалин умуд ву.

Рим агьларихьна вуйи кагъаз 6:15

Гьа, фу дапӀну ккунду ухьу? Ухьу, Къанундикк ккадарди, хъа Аллагьдин ужувлакк ккайидари гунагь шлу ляхнар дапӀну ккундин? ИкибаштӀан, ваъ!

Рим агьларихьна вуйи кагъаз 6:1

Гьаци вуйиган, фу пухьа? Аллагьдин ужʼвал артухъ хьуз гунгьар апӀури гъузхьахъа?

Колосс 2:2

Йиз метлеб ичв юкӀвариъ масанвалин сатӀивал ва кӀубанвал тӀапӀуб вуйиз. Масанвалин сатӀивал ва кӀубанвал аш, учвуз Аллагьдин сир, яна Месигьдикан вуйи аьгъюваларин гьубкӀу девлет хьибдичвуз.

Эфес 3:16

Узу, Аллагьди Чан аднан булвалиан Чан Рюгьниинди ичв рюгь кьувватлу апӀуз,

Эфес 3:8

Узуз, Аллагьдин халкьдин арайиъ варитӀан асккануриз, гьаму багъиш тувназуз: Аллагь аьгъдрудариз ебцуз удудубкьру Месигьдин девлетнакан Ужувлан хабар дебккуб.

Рим агьларихьна вуйи кагъаз 10:12

Жугьдарна жара миллетар саб ву, фицики Агъара варидариз Сар ву, ва Чаз дих апӀру варидариз Дугъу ужʼвал тувру.

Юнус 4:2

Ва дугъу, ккарагури, РАББИЙИЗ гъапну: – Я РАББИ! Узу гьеле йиз уьлкейиъ имиди, гьамци шлуб аьгъяйзуз. Гьаддиз узу Таршишдиз гъажаргънийза. Уву кӀваъ ккунивал айи, рягьимлу, хъял дебккру, язухъ апӀру Аллагь вуйивал ва Увуз мициб мусибат даккнивал аьгъяйзуз.

Коринф-2 8:2

Дурар гъагъи гьялнаъ ади гъахьну, дурариз учӀвру касибвал, дарвал гъябкъну, амма дурарин шадвалина жумартвали вари читинвалар ккагъну.

Петрин-2 1:11

Гьадмуган учвуз ихь Агъа ва Уьрхрур Иса Месигьдин гьаммишандиз вуйи Паччагьлугъдиъ учӀвуз ихтияр жумартлуди багъиш дапӀну хьибди, аьхир.

Ачмиш 2:21

Узу дугъаз чан тӀулар дирчуз вахт тувунза, хъа дугъаз чан намуссузвалиин швумал хьуз ккунди адар.