Рим агьларихьна вуйи кагъаз 2:3 - Гирами Китаб

³ Гьаци вуйиган, уву, гьамцдар тӀулар апӀрур тахсиркар апӀурайир, гьеле гьацдар увура апӀурайир, Аллагьдин суддиккан ккутӀурччвидиза кӀури, фикир апӀурана?

Рим агьларихьна вуйи кагъаз 2:3 Referans Kwoze

Насигьятар 16:5

Фурслу юкӀв хяви ву РАББИЙИЗ – фу гъапӀишра, жазайиккан хьибдар ккудучӀвуз.

Рим агьларихьна вуйи кагъаз 1:32

Дурари, Аллагьдин гьякьвалиинди гьамци тахсиркар вуйириз аьжал гьадабтӀуб лазим ву, кӀури, хабар ашра, неинки чпи гьаци апӀура, хъа гьаци апӀрударин терефра бисура.

Фессалоник-1 5:3

Адмийири: «Варишвариъ мясляаьт а ва гьич саб жюрейинра хатӀа имдар!» – пуз хъюгъиган, бицӀир кайи дишагьли сабпну бицӀир апӀуз иццрушну гъадагърубси, гьадмуган дурариина аьжал гъядябхъиди, ва дурарихьан гьергбиинди чпи уьрхюз хьибдар!

Лука 12:14

Исайи гьадму касдиз гъапи: – Ичв диван апӀуз вая пай апӀуз Узу шли дерккну?

Лука 22:58

Саб бицӀи арайилан, Петр дяркъну, дугъаз сар жарарира: «Увура гьадрарикан вува», – кӀуру. Петр, му касдизра: «Ваъ, дарза» пну, инкар шулу.

Матта 26:53

Ваяки Узу Йиз Адашдикан тӀалаб гъапӀиш, Дугъу Узуз гьамусяаьт малайикарин йицӀикьюб кьушумтӀан артухъ тутрувур, кӀурана?

Матта 23:33

Эй битӀар, битӀран ифи айидар! Учву жегьеннемдин цӀигъ гъитру жазайиккан фици гьергдичва?

Даниял 10:19

Дугъу гъапи: – ГучӀ мапӀан, Аллагьдин гирами! Сагъ ишриву, кӀубанди гъуз, кӀубанди гъуз! Дугъан гьаму гафарихъди йиз жандиз кьувватра гъафи. Узу гъапиза: – Йип, я аьхюр! Уву йиз кьувват кьяляхъ тувунва.

Насигьятар 11:21

Аьгъю йибхь: писуриз жаза гьададабтӀди гъибтдар, хъа гьякьлуйирин насил дюрюбхди гъибтдар.

Паччагьлугъар-2 10:3

аммунарин регьбрари чпин агъа Ханундиз кӀуру: – Давудди гьаму адмийир увухьна яв адашдин гьюрматназ теклифар кауз гьаъна кӀуру фикир апӀурашалва яраб? Давудди дурар увухьна шагьриз лигуз, думу ахтармиш апӀуз ва хъасин шагьур дабгъуз гьаънайидар даринхъа?

Жугьдариз 12:25

Лигай, учвухьна илтӀикӀурайи Аллагь тина мапӀанай. Израиларихьан гьаму жилиин гафар апӀурайирихъ хъпебехъган гьадабтӀу жазайиккан кӀул ккадабгъуз дархьиган, дидлан артухъ аьршариан гафар АпӀурайирихьан гьудучӀвиш, ухьхьанра кӀул ккадабгъуз хьибдар.

Жугьдариз 2:3

Хъа гьамус, зурба уьрхювал кьабул дарапӀиш, гьадабтӀру жазайиккан ухьхьан сарун фици гьергуз хьибди? Чав Агъайи сифте му уьрхювал ухьуз дебккну, му Гьадгъукан гъеебхьдари тасдикь гъапӀунчуз.

Лука 22:60

Хъа Петри думу касдиз кӀуру: – Уву фу кӀурашра, аьгъдарзуз. Дугъу му гафар кӀури имиди, даттли уьъйир гъапӀу.

Рим агьларихьна вуйи кагъаз 2:1

Эгер уву гьамцдар касарик тахсир кипраш, увлан хил алдабгъуб адар; эгер уву сар шлик-вуш тахсир кипраш, уву яв увук тахсир киправа. Жарар тахсиркар апӀурайири, увура тахсиркри апӀруб апӀурава.

Рим агьларихьна вуйи кагъаз 2:2

Ухьуз аьгъяхьуз, аьхир, гьамцдар апӀрударик Аллагьди, Чан гьякьʼвализ дилигну, тахсир кипди.

Рим агьларихьна вуйи кагъаз 9:20

Уву фуж вувахъа, инсан, Аллагьдихъди гьюжатар апӀуз? Мутмуйи учв гъапӀурихьан гьерхдар, аьхир, узу гьамциб уву гьаз гъапӀунва, кӀури?