Рим агьларихьна вуйи кагъаз 2:10 - Гирами Китаб

¹⁰ Хъа ужʼвал апӀру гьарсар касдиз, сифте жугьдариз, хъа имбудариз Дугъу ад, гьюрмат ва мясляаьт гьапӀди.

Рим агьларихьна вуйи кагъаз 2:10 Referans Kwoze

Петрин-1 1:7

Аьгъю йибхьайки, гъизилра цӀиинди таза алапӀурайиб. ЦӀихьан гьеле думу зат имдарди деебцӀну гъядапӀузра шулу, хъа ичв хъугъувал гъизилтӀан лап артухъ багьа ву, ва думу, гьякьди вуйиб вуш, ясана – дарш, Иса Месигь кьяляхъ гъафи вахтна гъиямат йигъан жвуван тяриф, ад ва заанвал жвувахьна рубкьбан бадали, ахтармиш дапӀну ккундарин?!

Якьубдин 3:13

Ичв арайиъ фужкӀа дугъридан фагьумлу ва варибдин гъавриъ айи кас адарин? Эгер дицир аш, дугъу чан фагьумлувал гьякь уьмриинди улупну ккунду, фагьумлуйириси кӀул ис дапӀну ккунду.

Рим агьларихьна вуйи кагъаз 8:6

Бедендин тямягьарикан вуйи фикрари аьжалихъна хуру, хъа Рюгьнан ляхнарикан вуйи фикрари уьмур ва архаинвал хуру.

Рим агьларихьна вуйи кагъаз 2:7

Гьаммишан ужувлар апӀури, аднахъ, гьюрматнахъ ва аьжалсузвалихъ хъергнайидариз Дугъу гьаргандин уьмур пешкеш апӀиди.

Лука 1:79

МучӀушнаъ ва аьжалин гъабгъу дяхъникк деънайидариз акв тувуз, ихь рякъяр мясляаьтниина хуз, гъидива.

Якьубдин 2:22

Рябкъюрайвуз, дугъан хъугъувал ляхнариинди шуйи ва ляхнарин кюмекниинди дугъан хъугъувал гьубкӀуб гъабхьну.

Галат 5:6

Эгер Месигь Исайихъди ухьу саб вуш, адмийин суннат дапӀну а – адар, дурар сар сарихьан жара дар. Мушваъ айи метлеб – масанвалиланмина арайиз удубчӀвурайи хъугъвал ву.

Рим агьларихьна вуйи кагъаз 5:1

Ихь Агъа Иса Месигьдихъ хъугъну, ухьу гьякь духьнайиган, Аллагьдихъди Иса Месигьдилантина ихь аьлакьйир дерккунхьа.

Рим агьларихьна вуйи кагъаз 2:9

Дугъу абдал тӀулар апӀбаъ тахсиркар вуйи гьарсар касдиз, сифте жугьдариз, хъа имбудариз дердер ва аьзиятар гьаъди.

Югьан 16:33

Узу му гафар, Узуъ учву мясляаьт абгри пну, гъапидар вуйиз. Му дюнʼяйиъ учвуз дердер алахьидичвуз, аммаки миж макадабтӀанай: Узу му дюнʼяйиин гъалиб гъахьунза.

Филипп 4:7

Хъа Аллагьдихьан гъюрайи, гъавриъ ахъуз даршлу, заан вуйи мясляаьтну, ичв юкӀвар ва фикрар Месигь Исайиъ уьрхиди.

Галат 5:22

Хъа Рюгьнан ляхнарик – масанвал, шадвал, мясляаьт, сабур, ужʼвал, хил ачухъвал, хъугъвал алди хьуб,

Рим агьларихьна вуйи кагъаз 15:13

Гъит, умуд тувру Аллагьди учву ичв хъугъувалилантина, Гирами Рюгьнан кьувватниинди ичв умуд артухъ хьпан бадали, шадвали ва мясляаьтну ацӀричву.

Рим агьларихьна вуйи кагъаз 14:17

Фицики Аллагьдин Паччагьлугъ ипӀруб, я убхъруб дар, думу Гирами Рюгьну багъиш апӀурайи дугъривал, ислягьвал ва шадвал ву.

Рим агьларихьна вуйи кагъаз 9:23

Дугъу мици Чан ккудудубкӀру ад, рягьимлувализ лайикь вуйи ва адлувал кьабул апӀуз гьязур дапӀнайи касариз улупуз гъапӀундайкӀан, яраб?

Рим агьларихьна вуйи кагъаз 9:21

БатӀур гъабар апӀрурин хилиъ адаринхъа? Дугъу чаз ккун гъабшиш, гьадму гъурдсиб батӀрикан багьайин гъаб, ясана ужуз гажин апӀуру.

Ляхнар 10:35

Дугъу Чахьан гучӀрур ва гьякь вуйир, фуну миллетдин адмийир вушра, кьабул апӀура.

Югьан 12:26

Фуж Йиз гъуллугънаъ аш, гъит гьацир Йиз шилнаъди гъюри! Ва Узу наан аш, гьадушваъ Йиз гъуллугъчира хьиди. Фуж Йиз гъуллугънаъ аш, гьацир Йиз Адашди за апӀиди.

Лука 22:14

Хъа вахт гъабшиган, Чан вакиларра хъади, Иса, гъюн йивну, суфрайихъ деънийи.

Лука 19:42

Хъа кӀуру: – Хуб ужу шлийи, эгер увуз мясляаьт шли хураш, гьамус аьгъю гъабхьнийиш! Амма му яв уларихьан гьамусяаьт гьебкна.

Лука 12:37

Агъайиз, хулаз хътакиган, даахнадарди гъяркъю лукӀар хушбахтаврар ву; гьякьди кӀуразачвузки, дугъу, чан юкьʼан идибтӀну, дурар дитди ва, гьарурихьна гъюри, чавра дурариз гъуллугъ апӀиди.

Лука 9:48

ва ученикариз Дугъу гьамци кӀуру: – Шли му бицӀир Йиз ччвурнахъ кьабул гъапӀиш, гьадгъу Узу кьабул апӀура. Хъа шли Узу кьабул гъапӀиш, гьадгъу Узу Гьаур кьабул апӀура, фицики учвкан вартӀан цӀиб вуйир фуж вуш, гьадму зурба ву.

Матта 10:13

Эгер думу хал лайикьлу вуш, душваъ мясляаьт убчӀвди. Эгерки думу хал лайикьлу даршиш, ичв мясляаьт учвухьна кьяляхъ хътабкиди.

Насигьятар 11:18

Писуриз рубкьру пешкеш – кучӀлинуб, хъа гьякьвал убзруриз – дугъривалинуб.

Насигьятар 8:18

Девлет ва ад – узухъди хъа – ккудудубкӀру арбабвал ва гьякьʼвал.

Паччагьлугъар-1 2:30

Гьамци кӀура Израилин Заанури, РАББИЙИ: «Узу гаф тувнийза, яв хизан ва яв тухум Йиз машнан улихь гьарган яшамиш хьиди, кӀури. Хъа гьамусдихъантина дици хьибдар!» – кӀура РАББИЙИ. «Узу Йиз гьюрмат уьбхрудар заан апӀидиза, хъа Узу гьясппикк ккадрудар асккан апӀидиза.

Петрин-1 5:4

ва, Аьхюну Марччлихъан гъафиган, гьич зат дучрубхру адлувалин кунцӀ рубкьидичвуз.

Югьан 14:27

«Мясляаьт ибшри!» – Узу кӀуразачвуз гъярайири. Узу учвуз Йиз мясляаьт тувразачвуз. Узу учвуз, инсанари туврубсиб мясляаьт туврадарзачвуз. Ичв кӀваан дердер адаай! ГучӀ мапӀанай!

Тимофейиз-1 1:17

Гьаци вуйиган, гъит гьаргандин Паччагьдиз, аьжал Хътруриз, Дярякъруриз ва Сар вуйи Аллагьдиз аьсрариан аьсрариз гьюрмат ва ад ибшри! Амин.

Жугьдариз 2:7

Уву думу малайикартӀан цӀиб вахтназтӀан исинди дерккундарва. Уву дугъаз аднан ва гьюрматнан таж тувунва.