Рим агьларихьна вуйи кагъаз 16:12 - Гирами Китаб

¹² Агъайин ад бадали юкӀв хъипну лихурайи чйир Трифенайизна Трифосайиз – саламар. Агъа бадали гизаф жафа гъизигу йиз ккуни чи Персидайиз саламар йипай.

Рим агьларихьна вуйи кагъаз 16:12 Referans Kwoze

Коринф-1 16:16

гьацдар адмийирин, гъуллугънаъ айи вардарин ва дурариз кюмек апӀрударин гъайгъушнаъ йихьай.

Коринф-1 15:58

Гьаддиз, йиз ккуни гъардшар, ижмиди гъузай. Минди-тинди хъахърудар махьанай. Агъа бадали вуйи ляхниз фукӀара гьяйиф мапӀанай ва аьгъю йибхьай: Агъайиз вуйи ичв ляхин давди гъюдубчӀвидар.

Тимофейиз-1 4:10

Гьаддин бадали ухьу лихурира ахьа, гьаддихьна гьачӀарккурира ахьа, гьаз гъапиш умуд чӀиви Аллагьдик кайихь, хъа Думу вари адмийир Уьрхрур ву, иллагьки – Чаин хъугъвал алидар.

Фессалоник-1 1:3

Учу ихь Адаш Аллагьдин улихь ичв ляхнариинди вуйи хъугъвал, юкӀв абцӀну зигру масанвалин жафа, ихь Агъа Иса Месигьдихъ хъугъувалиин ичв мюгькамди дийигънайивал гьаммишан кӀваинди гъибтрача.

Колосс 4:12

Ичвдарикан саламар Месигь Исайин гъуллугънаъ айи Эпафрасди хътаура. Думу гьарган учвхъанди, учву тамамвалинна дугъривалин мюгькамвалиинди Аллагьдин ниятнахъ хъпехъури гъузри кӀури, ижмиди ккарагура.

Колосс 1:29

Гьациб метлеб бадали узу, узуъ бегьемди артмиш шулайи Месигьди тувнайи кьувватниинди дяви гъабхури, жафа зигураза.

Коринф-1 15:10

Амма, Аллагьдин ужувлиинди, узу йиз вуйир вуза, ва Дугъан узухьна вуйи ужʼвал давди гъюдубчӀвундар: узу варидитӀан гизаф ляхин гъапӀунза, яни, гъилихур узу ваъ, хъа узухъди хъайи Аллагьдин ужʼвал ву.

Матта 9:38

Гьаддиз игнин Агъайиз, Чан игниз убгрудар гьаъ, кӀури, ккарагай.

Матта 5:47

Хъа нагагь учву анжагъ ичв гъардшартӀан тебрик апӀури шулдаш, имбудари апӀурайибтӀан артухъ учву фу апӀурачвахъа? Гьаци апӀури шулдаринхъа аллагьсузарира?

Рим агьларихьна вуйи кагъаз 16:11

Йиз багахьлу Иродиандиз – саламар. Агъайин терефкар вуйи Наркиссайин хуландариз варидариз саламар йипай.

Рим агьларихьна вуйи кагъаз 16:13

Саламар йипай Агъа бадали кадагънайи чве Руфдиз ва узузра дада гъахьи дугъан дадайиз.