Рим агьларихьна вуйи кагъаз 15:1 - Гирами Китаб

¹ Ухьу, ижми рюгь айидари, зяиф рюгь айидарин гъалатӀар сабурлуди аьгь дапӀну ккунду, хъа жвуваз ккуниб дапӀну ккундар.

Рим агьларихьна вуйи кагъаз 15:1 Referans Kwoze

Фессалоник-1 5:14

Гъардшар, учвкан ккун апӀурача: ляхин апӀуз даккнидарин кӀулиъ аькьюл апӀай, кагьлидариъ кӀубанвал тӀапӀай, зяифдариз гъюн ккивай, варидарихъди сабурлу йихьай.

Рим агьларихьна вуйи кагъаз 14:1

ЦӀибди хъугъувал айир ичв арайиз кьабул апӀинай. Дугъанна ичв фикрар сабсдар дар кӀури, дугъахъди гьюжатар мапӀанай.

Коринф-1 9:22

Зяифдариз узу, дурарра хузди, зяифурси гъахьунза. Варидиз узу, аьхирки гьадрарикан сакьюдаркьан уьрхбан бадали, варибди гъахьунза.

Югьандин-1 2:14

Узу учвуз, бицӀидар, Адаш аьгъю гъахьунчвуз, кӀури, гъибикӀнийза. Узу учвуз, абйир-бабар, дюнʼя-бина хьайиз Айир аьгъю гъахьунчвуз, кӀури, гъибикӀнийза. Узу учвуз, жигьилар, кьувватлу вучва, Аллагьдин Гаф учвуъ яшамиш шула ва Писубдиин гъалиб гъахьунчва, кӀури, гъибикӀнийза.

Тимофейиз-2 2:1

Гьаци, йиз бай, Аллагьдин ужувлаан кьувват адабцӀ, думу ухьуз, Месигь Исайиъ сатӀи вуйиган, туврайиб ву.

Рим агьларихьна вуйи кагъаз 4:20

Думу Аллагьдин гафниин шаклу гъахьундайи, хътругъри гъузундайи. Хъа думу, Аллагьдин тяриф апӀури, ижмиди хъугъну гъузнийи.

Эфес 6:10

Аьхирки, Агъайиъ саб хьувалиъ, Дугъан удукьувалиъ ва кьувватнаъ ижми йихьай.

Коринф-2 12:10

Гьаддиз узу зяифди вуйиган, гиран ктапӀруган, гьубкӀну фукӀа адруган, хъергруган, читинвалариъ итруган, Месигь бадали разиди гъузраза, гьаз гъапиш йиз зяифвалиъ кьувватлу вуза.

Коринф-1 4:10

Месигь бадали абдлар духьначу, хъа Месигьдихъ хъугърударин арайиъ учву – фагьумлуйир! Учу – зяиф, хъа учву – кьувватлу! Учву – адлу апӀура, хъа учу – беябур!

Рим агьларихьна вуйи кагъаз 14:2

Сариз фунуб вушра хураг ипӀуз ихтияр хъугъували тувру, хъа тмунури, хъугъувал цӀиб айири, бистнин мейвйиртӀан итӀурдар.

Филипп 2:4

Учвкан гьарсари неинки чан, хъа гьацира имбударин хайирнаканра фикир апӀри!