Рим агьларихьна вуйи кагъаз 13:8 - Гирами Китаб

⁸ Саризра буржлуди мугъузанай; гъит, учвук анжагъ саб буржтӀан дарибшри, думура – чиб-чпихьна улупру масанвалин бурж, фицики, шли чан багахь хьайир ккун гъапӀиш, гьадгъу Къанун тамам апӀура.

Рим агьларихьна вуйи кагъаз 13:8 Referans Kwoze

Рим агьларихьна вуйи кагъаз 13:10

Масанвали багахь хьайириз писвал хурдар. Гьаддиз масанвал Къанун тамам гъапӀу гьисаб ву.

Галат 5:14

Гьаз гъапиш, мушваъ вари Къанун гьаму саб гафнаъ а: «Яв багахь хьайир, увуз увуси, ккун апӀин».

Матта 7:12

Инсанар учвухъди фици духьну учвуз ккундуш, учвура дурарихъди гьаци йихьай. Фицики Къанундин ва Пайгъамбрарин Китабарин мяна гьамдиъ а.

Рим агьларихьна вуйи кагъаз 13:7

Гьардиз лайикь вуйиб тувай: шлиз – налогар, шлиз – харжар, шлиз – гучӀ, шлиз – гьюрмат.

Якьубдин 2:8

Эгер учву дугъриданра, Гирами китабариъ улупнайи: «Багахь хьайир жвуваз жвувси ккун апӀин» кӀуру паччагьвалин закондиъ айиси апӀураш, учву дюзди апӀурачва.

Колосс 3:14

Хъа гьацдар палтарин зиълан масанвалиндар алахьай. Фицики масанвали варибдикан тамам вуйи сатӀивал апӀуру.

Югьан 13:34

Узу учвуз цӀийи табшуругъ тувраза: сари-сар ккун апӀинай, Узу учву ккун гъапӀиганси, гьаци учвура сари-сар ккун апӀинай.

Тимофейиз-1 1:5

Гьаму йиз тӀалабнан метлеб – марцци кӀваан, гъяни намуснаан ва дугъри хъугъувалиан удубчӀвурайи масанвал вуйиз.

Югьандин-1 3:10

Фуж – Аллагьдин, хъа фуж иблисдин велед вуш, магьа гьамци аьгъю апӀуз шулвухьан: гьякьвалиинди дарапӀрур ва чан гъардаш даккнир Аллагьдихьан дар.