Рим агьларихьна вуйи кагъаз 11:8 - Гирами Китаб

⁸ Гирами китабариъ дупнайиси: «Аллагьди дурар дерин нивкӀуъ аънийи». «Дурариз дярябкъбан бадали, Аллагьди дурарин улар хъяркьнийи, дурариз деребхьбан бадали, ибариъ итӀишвнийи, ва гьамци гъийин йигъазкьан ими».

Рим агьларихьна вуйи кагъаз 11:8 Referans Kwoze

Лука 8:10

Дугъу гъапи: – Учвуз Аллагьдин Паччагьлугъдин сирар аьгъю хьуб тувначвуз, хъа имбудариз му тахалусариътӀан аьгъю хьуб тувнадар. Гьаци вуйиган, лигурашра, дурариз рябкъюрадар ва, ебхьурашра, дурари аннамиш апӀурадар.

Ляхнар 28:26

«Душну гьадму халкьдиз йип: Учву хъпехъури ва учвуз ебхьури гъашишра, фтинкӀа гъаври ахъидарчву, лигури, рябкъюри гъашишра, фукӀа рябкъидарчвуз.

Паччагьлугъар-4 17:41

Гьятта РАББИЙИЗ ибадат апӀури, думу халкьари бутариз ибадат апӀуйи. Гъийин йигъазкьан дурарин бицӀидари ва худлари чпин абйири гъапӀуб апӀувал давам апӀура.

Паччагьлугъар-4 17:34

Дурари гъийин йигъазкьан улихь вахтнан аьдатар уьрхюра. Дурариз РАББИЙИХЬАН гучӀурдар. Якьубдин наслариз РАББИЙИ туву Дугъан тяйинвалар ва рякъяр-ражар, къанунар ва амрар дурари тамам апӀурдар. РАББИЙИ Якьубдиин Израил ччвур иливнийи.