Рим агьларихьна вуйи кагъаз 11:6 - Гирами Китаб

⁶ Аллагьдин ужувлиинди дубхьнайиб, инсандин ляхнариз дилигну, дубхьнадар. Гьаци дайиш, ужʼвал ужʼвалси гъубзидайи.

Рим агьларихьна вуйи кагъаз 11:6 Referans Kwoze

Тимофейиз-2 1:9

Дугъу ухьу ихь ляхнариз лигну дюрхнадар ва Чан гирами вуйи дихниинди ухьуз дих дапӀнадар, хъа, Чан гьаци апӀуз ккайивалин кьувватназ ва Чан зурба вуйи ужувлаз дилигну гьаци дапӀна. Дугъу ухьуз, Месигь Исайиланмина думу багъиш, вахтар ккергъайиз улихьна дапӀнайи.

Галат 2:21

Дугъу узуз гьамци дапӀнайиган, фици узу Аллагьдин му багъиш гатӀабхьуза?! Эгер Къанундихьан адми гьякь апӀуз шуйиш, Месигь давди гъакӀнуки?!

Титдиз 3:5

Думу, ухьу апӀури гъахьи ихь «гьякь ва дугъри» ляхнариз дилигну, Гъафир дар, хъа Чан ужʼвалилантина гьаци гъабхьиб ву. Дугъу ухьу гъюрхну, штухьди марцц дапӀну, таза алаъну ва Гирами Рюгьнахьди цӀийи гъапӀну.

Галат 5:4

Эгер Къанундиинди гьякь хьуз ичв умуд каш, гьамусдихъантина Месигьдихъди вуйиб гьич фукӀара адаричв ва Аллагьдин ужувлихьан жара гъахьунчва.

Коринф-1 15:10

Амма, Аллагьдин ужувлиинди, узу йиз вуйир вуза, ва Дугъан узухьна вуйи ужʼвал давди гъюдубчӀвундар: узу варидитӀан гизаф ляхин гъапӀунза, яни, гъилихур узу ваъ, хъа узухъди хъайи Аллагьдин ужʼвал ву.

Лука 6:13

Йигъ улубкьиган, Чан ученикариз дих дапӀну, дурарикан йицӀикьюр кас ктагъуру ва дурариз Чан вакилар кӀуру ччвур тувуру.