Рим агьларихьна вуйи кагъаз 1:8 - Гирами Китаб

⁸ Сифте нубатнаъ, учвхъан варидарихъанди, Иса Месигьдилантина узу йиз Аллагьдиз баркаллагь кӀураза, фицики, вари дюнʼя вуйибси, адмийириз ичв хъугъуваликан ебхьура.

Рим агьларихьна вуйи кагъаз 1:8 Referans Kwoze

Рим агьларихьна вуйи кагъаз 16:19

Ичв мютӀюгъваликан варидариз деебхьна. Узу учвʼин гизаф шад вуза. Учвуз ужуб аьгъяди ва гьарсаб чӀурувалихьан учву ярхлади ккундузуз.

Коринф-1 1:4

Учвхъан узу йиз Аллагьдиз гьаммишан чухсагъул кӀураза, гьаз гъапиш Гьадгъу учвуз Иса Месигьдиланмина ужувлан багъишар тувначвуз.

Рим агьларихьна вуйи кагъаз 6:17

хъа учву улихьди гунагьвалин лукӀар вушра, Аллагьдин кюмекниинди ичв марцци кӀваан учвуз улупурайи аьгъюваларихъ хъпехъури гъахьунчва!

Петрин-1 4:11

Эгер шлиз гафар апӀувалин хъуркьувалар аш, гъит, дугъу Аллагьдин хабарнакан гаф рабгъри; шлиз гъуллугъ апӀбаъ хъуркьувалар аш, гъит, Аллагьди туврайи кьувватнаъ учв мюгькам ишри. Гъит, варидари Иса Месигьдилантина Аллагьдин ад бадали жафа зигри! Гьадгъаз ибшри аьсрариан-аьсрариз ад ва кьудрат, амин!

Петрин-1 2:5

Учвура, чӀиви гъванарикан хал диврайиси, ичв учвкан рюгьвалин хал тикмиш апӀинай. Гьадмуган, гирами вуйи гъуллугъчйир хьпан кьяляхъ, Месигьдиланмина Аллагьдиз кьабул вуйи, Рюгьниинди вуйи гъурбнар апӀидичва.

Жугьдариз 13:15

Гьаммишан Аллагьдиз, Дугъан ччвур рабгъури, ушвниан удучӀвурайи тярифнан гъурбнар Исайилантина хидихьа.

Колосс 1:3

Учу гьаммишан учвхъан Аллагьдиз ккарагурайиган, ихь Агъа Иса Месигьдин Адашдиз баркалла кӀурача.

Филипп 1:3

Гьар ражари учву кӀваин апӀури, узу йиз Аллагьдиз баркаллагь кӀураза.

Эфес 1:15

Магьа гьаддиз, Агъа Исайихьна айи ичв хъугъуваликан ва Аллагьдин вари гирами халкьдихьна айи ичв масанваликан узуз гъеебхьиган,

Филипп 1:11

учвхьан Аллагьдин ад ва тяриф апӀуз шлуси, Иса Месигьдин кюмекниинди гьякьʼвалин бегьер хуз хьибдичвухьан.

Эфес 5:20

Ихь Агъа Иса Месигьдин ччвур дибисну, Адаш Аллагьдиз гьаммишан ва варибдихъан чухсагъул йипай.

Матта 24:14

Гьарсаб миллетдиз ебхьруганси, Аьршарин Паччагьлугъдикан Ужувлан хабар вари дюнʼяйиъ рабгъиди, гьадмуган гъиямат йигъ улубкьиди.

Эфес 3:21

гъит, Иса Месигьдилантина ва вари дюнʼяйин хъугърударилантина гьаммишандиз наслариан наслариз ад ибшри! Амин.

Ляхнар 11:28

Дурарикан, Гирами Рюгьну гьевесламиш дапӀнайи сар Агав кӀурури, вари дюнʼяйиъ зурба гашʼвал абхъди кӀури, хабар дебккнийи, ва гьаци Клавдийи паччагьвал апӀурайиган гъабхьнура вуйи.

Лука 2:1

Думу йигъари Август кӀуру Римдин паччагьдин чан вари ругариин али агьалйир гьисаб апӀуз амур удубчӀвуру.

Ляхнар 28:22

Хъа учуз, увкан уву фици фикир апӀураш гъеебхьнийиш, ккундийчуз, фицики яв аьгъюваларикан варишвариъ чӀуруди улхурайибдикан хабар вучуз.

Рим агьларихьна вуйи кагъаз 10:18

Амма узу кӀураза: «Дурариз Ужувлан хабар гъеебхьундарин?» ИкибаштӀан, гъеебхьну! «Вари дюнʼя вуйибси дурарин дихар гъарагънийи ва дурарин гафар дюнʼяйин тлихъан кӀулихъна гъурукьнийи».

Коринф-2 2:14

Учу, Месигьдиъ саб духьнайидар, хъуркьувалиинди гьаммишан улихь гъахурайи ва варишвариъ учлантина ширин ниар адаурайи аьгъювалар Дугъкан рагъурайи Аллагьдиз чухсагъул.

Эфес 1:16

йиз ккарагбариъ учву кӀваин апӀури, Аллагьдиз гьаммишан учвхъанди баркаллагь кӀураза.

Фессалоник-1 1:2

Учу ич ккарагбариъ, учву кӀваин апӀури, учвуз гъапӀубдиз Аллагьдиз гьаммишан чухсагъул кӀурача.

Фессалоник-1 2:13

Хъана учу Аллагьдиз зат сикин дарди баркаллагь кӀурача, гьаз гъапиш учву учкан гъеебхьу Аллагьдин Гаф гьаци, адмийин гафарси ваъ, хъа дугъридан гьякь Аллагьдин гафси ва учвуъ, хъугърудариъ, ляхин гъабхурайи кьувватси кьабул гъапӀунчва.

Фессалоник-2 1:3

Вари учвуз гъапӀубдиз учу гьаммишан Аллагьдиз баркаллагь дупну ккунду, гъардшар. Му гьякь ву, гьаз гъапиш ичв хъугъувал кьадар адрубкьан аьхю шула ва учвкан гьарсари вари ккун апӀурайи ва чиб-чпи ккун апӀурайи масанвал айибтӀан артухъ шула.

Тимофейиз-2 1:3

Йиз абйириси марцци намусниинди узу гъуллугъ апӀурайи Аллагьдиз, гьарсаб йиз ккарагбаъ уву кӀваин апӀруган, баркаллагь кӀураза. Узу уву, ккарагури, зат сикин дарди, йигънура йишвнура уву кӀваин апӀураза.

Филимондиз 1:4

Йиз ккарагбариъ уву кӀваин апӀури, увхъан Аллагьдиз гьаммишан чухсагъул кӀураза,