Рим агьларихьна вуйи кагъаз 1:6 - Гирами Китаб

⁶ Учвура гьацдар халкьарикан вучва: Аллагьди учвуз Иса Месигьдин терефкрар хьуз дих дапӀна.

Рим агьларихьна вуйи кагъаз 1:6 Referans Kwoze

Ачмиш 17:14

Дурари Ччилахъди дяви гъабхиди, Ччил дурариин гъалиб хьиди, гьаз гъапиш Думу агъйирин Агъа ва паччгьарин Паччагь ву. Дугъахъди сатӀиди, Чав дих дапӀнайидар, Чав кадагънайидар ва Дугъахъ хъугърайидар, аьгьтлу вуйидар хьиди».

Петрин-1 2:9

Хъа учву, кадабгънайи жинс, Паччагьдин гъуллугъчйир, гирами халкь, Аллагьдин хусусият, мучӀушнаан Чан аьжайиб аквнаъ хьуз учвуз Шли дих дапӀнаш, Гьадгъан зурба ляхнарикан хабар дебккбан бадали, гъядягънайидар вучва.

Петрин-2 1:10

Магьа гьамдиз, гъардшар, хъана аьхю кьувватниинди учвуз дих дапӀнайивал ва учву кадагънайивал тасдикь апӀинай. Гьамци апӀури гъашиш, гьич саркьан алдакидарчва!

Жугьдариз 3:1

Гирами гъардшар, учвузра Аллагьди дих дапӀна. Гьаддиз учу хъугърайибдин ва ктибтурайибдин заан Гъуллугъчи – Аллагьди гьаънайи Исайиз лигай.

Коринф-1 1:9

Чан Бай вуйи ихь Агъа Иса Месигьдихъди саб хьуз ухьуз дих дапӀнайи Аллагь хъугъвал Алир ву.

Петрин-1 2:21

Учвуз, учву гьамци хьуз, дих дапӀначвуз, аьхир, гьаз гъапиш Месигь учвхъанди аьзабарикк ккахъну ва Дугъу дурар аьгь гъапӀну. Дугъу учвуз, Чан шилнаъди гъюз, мисал гъибтну.

Тимофейиз-2 1:9

Дугъу ухьу ихь ляхнариз лигну дюрхнадар ва Чан гирами вуйи дихниинди ухьуз дих дапӀнадар, хъа, Чан гьаци апӀуз ккайивалин кьувватназ ва Чан зурба вуйи ужувлаз дилигну гьаци дапӀна. Дугъу ухьуз, Месигь Исайиланмина думу багъиш, вахтар ккергъайиз улихьна дапӀнайи.

Эфес 1:11

Гьадгъахъди саб гъахьиган, Аллагьди Чан вари хушниинди ва ниятниинди улихьмиди апӀурайи ниятнаъ айиси, учу ктагъну.

Фессалоник-2 2:14

Гьаддиз Дугъу учвуз, ихь Агъа Иса Месигьдин адлувал пай апӀбан бадали, учу гъабхи Ужувлан хабарниинди дих гъапӀну!

Фессалоник-1 2:12

ичв уьмур Чан Паччагьлугъдиз ва аднахьна дих апӀурайи Аллагьдиз лайикьлуб хьпан бадали, учу учвуз дих апӀури гъахьунча, ял апӀури гъахьунча ва насигьятар туври гъахьунча.

Колосс 1:6

Ужувлан хабар учвухьна гъафну. Учву, гьякьвали абцӀнайи Аллагьдин ужʼвал деебхьну, гъавриъ ахъунчву. Думу йигъхъанмина Ужувлан хабар, ичв арайиъси, вари дюнʼяйиъ рабгъура ва диди чан бегьер хура.

Галат 1:6

Учву гьамкьан ухди, Чан зурба вуйи ужувлиинди учвуз дих ДапӀнайирихьан гьидицну, саб жара ужувлан хабарнахъ хъергуз кьаст дапӀнайивалиин гъах духьназа.

Рим агьларихьна вуйи кагъаз 9:24

Гьадму касар ухьу вухьа. Дугъу ухьу неинки жугьдаригъян, хъа миди вуйи халкьаригъян, дих дапӀну, гъядягъну.

Колосс 1:21

Ичв чӀуру ляхнариланмина ухди гъярхьрайидар ва улʼан идитнайидар,

Ягьудайин 1:1

Иса Месигьдин гъуллугънаъ айи Якьубдин гъардаш Ягьудайи Адаш Аллагьдиз масан вуйи ва Иса Месигьди уьрхюрайи дих дапӀнайидариз саламар хътаура.