Рим агьларихьна вуйи кагъаз 1:4 - Гирами Китаб

⁴ хъа Гирами Рюгьналантина Думу, гъачӀихъан, чӀиви духьну, Аллагьдин Бай вуди кьудратниинди улупна. Му ихь Агъа, Иса Месигь ву.

Рим агьларихьна вуйи кагъаз 1:4 Referans Kwoze

Жугьдариз 9:14

хъа Месигьдин Ифди фукьан ужуди марцц апӀур?! Гьаммишандин Рюгьнан кюмекниинди Дугъу Аллагьдиз Учв гьич саб тахсир ктру гъурбан вуди тувну. Ва Дугъан Ифди, ухьу чӀиви Аллагьдиз икрам апӀрудар хьузди, аьжалихъна гъахру ляхнарихьан ихь намус-гъирʼят марцц апӀуру!

Коринф-2 13:4

Гьеле Месигь зяифди айиган хачрак карснийишра, Думу Аллагьдин кьудратниинди чӀивиди а! Учура Дугъахъди саб вуди зяифдар вуча, аммаки ичв гъуллугънаъ хьпан бадали Аллагьдин кьудратниинди Гьадгъахъди яшамишра хьидича.

Петрин-2 1:21

фицики адмийин ниятниинди гьич саб вахтнара пайгъамбрарихьан вуйи гъюз имбубдикан гафар гъахьидар дар. Ваъ, адмийири Аллагьдихьан гъюруб кӀуйи ва дурар гьаддихъна Гирами Рюгьну хуйи.

Петрин-1 1:11

Дурари, Месигьдин Рюгьну фуну вахтнакан кӀураш, фицдар гьялариъ Месигьдин аьзабар шулуш, ва гьадму аьзабарин кьяляхъ шлу Дугъан аднакан аьгъю апӀуз ккунди, ахтармишʼвалар гъухнийи.

Рим агьларихьна вуйи кагъаз 1:3

Му Хабарнаъ, Чан жилʼин гъабхьи уьмриз дилигну, Давудрин тухмиъ бабкан гъахьи Аллагьдин Балкан кӀура,

Ляхнар 3:15

Учву уьмур Туврайир гъакӀунчва. Ари Гьадму Аллагьди, гъачӀихъан, чӀиви гъапӀну, ва учу мидин шагьидар вуча.

Ляхнар 2:32

Аллагьди гьадму Иса чӀиви гъапӀну, ва учу вари мидин шагьидар вуча.

Ляхнар 2:24

Хъа Аллагьди, аьжалин кьюкьяр дармадагъин дапӀну, Думу чӀиви гъапӀну, фицики Думу аьжалихьан дерккуз гъабхьундайи.

Ачмиш 19:10

Узу, му малайикдиз икрам апӀарза кӀури, дугъан ликариккна ис алахъза, хъа дугъу узуз гъапи: «Лиг, мици мапӀан! Узура, увуси ва яв гъардшарси, Исайикан шагьидвал апӀурайи лукӀ вуза! Аллагьдиз икрам апӀин! Гьаз гъапиш гьаму пайгъамбарвалин гафарин мяна Исайикан шагьидвал апӀуб ву».

Ачмиш 1:18

Яшамиш шулайир Узу вуза. Узу гъакӀнийза, хъа магьа Узу хъана аьсрариан-аьсрариз яшамиш шулаза. Узухь хьазухь аьжалин ва жегьеннемдин ачар.

Ляхнар 17:31

Фицики Дугъу вари дюнʼяйин гьякьди суд апӀру йигъ улупна. Чав улупнайи Инсанди гьадму суд апӀиди. Аллагьди, Думу, гъачӀихъан, чӀиви дапӀну, варидариз шагьидвал тувну.

Матта 4:3

Думуган иблисди, Дугъахьна дуфну, Дугъаз гьамци кӀуру: «Эгер Уву Аллагьдин Бай вуш, гьаму гъванарикан уьлер хьуз гъит».