Рим агьларихьна вуйи кагъаз 1:21 - Гирами Китаб

²¹ Дурариз Аллагь аьгъяйишра, дурари хай шлуси Дугъаз гьюрмат гъапӀундайи. Мидин ерина, дурар чпин файдасуз фикрар-фагьмариъ ахъну, ва дурарин ахмакь юкӀвар кӀару гъахьну.

Рим агьларихьна вуйи кагъаз 1:21 Referans Kwoze

Паччагьлугъар-4 17:15

Дугъан къайдйир, чпин абйирихъди гъийитӀу Дугъан йикьрар, Дугъу дурариз туври гъахьи улупбар дурари ярхла гъапӀнийи. Дурар фукӀа дару бутарихъди гъягъюйи ва чибра фукӀа дарудар гъахьнийи. Израилин ва Ягьудайин агьалйири гургутум айи ва дурари апӀруб апӀуз РАББИЙИ гъадагъа дапӀнайи халкьарихъан мисал гъадабгъуйи.

Тимофейиз-2 3:2

Адмийириз, чпина пултӀан ккунди гъубзидар, чпин тярифар апӀрудар хьиди, хъюхъ дазабгну лицрудар хьиди, ушвниин чӀуру гафар алидар хьиди; абйир-бабарихьна гьюрмат гъубзидар, чухсагъул кӀурудар хьидар, инсанарин юкӀвариъ гирамивал гъубзидар.

Ачмиш 14:7

Дугъу аьхю дихниинди гьарай гъапӀу: «Аллагьдихьан гучӀ апӀинай ва Дугъан ад за апӀинай! Гьаз гъапиш Дугъу суд апӀру сяаьт хъубкьна! Гьаддиз зав, жил, гьюл ва булагъар яратмиш ГъапӀуриз икрам апӀинай!»

Югьан 3:19

Диван апӀувал гьаддиъ аки, дюнʼяйиз акв гъафну, хъа адмийириз аквтӀан мучӀушин артухъди ккун гъабхьну, гьаз гъапиш дурарин ляхнарра чӀурудар ву.

Ачмиш 15:4

Шлиз, Агъа, Увхьан гучӀ хьибдар, ва шли Яв ччвур адлу апӀидар?! Гьаз гъапиш Уву сар вува, Гирамир! Ва Яв улихь дахьди икрамназ! Гьаз гъапиш Яв гьякьвал ачухъ гъабхьну!»

Петрин-1 2:9

Хъа учву, кадабгънайи жинс, Паччагьдин гъуллугъчйир, гирами халкь, Аллагьдин хусусият, мучӀушнаан Чан аьжайиб аквнаъ хьуз учвуз Шли дих дапӀнаш, Гьадгъан зурба ляхнарикан хабар дебккбан бадали, гъядягънайидар вучва.

Рим агьларихьна вуйи кагъаз 11:10

Гъит, дурариз дярябкъбан бадали, дурарин уларихь мучӀушин гьабхъри. Гъит, дурарин юкьвар гьаргандиз кьяни ишри».

Рим агьларихьна вуйи кагъаз 1:28

Дурариз Аллагь аьгъю апӀуз даккниган, Дугъу дурарихьди чпин дюз дару фагьмин лайикьсуз тӀулар апӀуз гъитнийи.

Рим агьларихьна вуйи кагъаз 1:19

Адмийирихьан удукьру Аллагьдикан вуйи аьгъювалар, дурариз аьгъю гъахьну, гьаз гъапиш, Аллагьди Чав Чакан аьгъю хьуз гъитну.

Рим агьларихьна вуйи кагъаз 15:9

Гьадмуган жара халкьарира Аллагьди чпиз гъапӀу ужувлантина Дугъан ад апӀиди. Гирами китабариъ дупнайиси: «Гьаци вуйиган, узу Уву Аллагь аьгъдру халкьарин арайиъ адлу апӀидизаву ва Яв ччвурназ тярифнан мяълийир апӀидиза».

Ляхнар 26:18

Уву дурарин улар арццну, дурар мучӀушнахьан аквнахьна, иблисдин гьюкмиккан Аллагьдихьна хидива. Дурарихьан гьамци чпин гунгьарилан хил алдабгъувал ва Узухъ хъугъбиинди Аллагьдин терефназ гъафидарин арайиъ чпиз йишв гъазанмиш апӀуз хьибди».

Петрин-1 1:18

Аьгъю йибхьайки, ичв абйирихьан дурубкьнайи гьаму файдасуз уьмриккан учву, гъизилна арсси чӀур дубхьну гъябгърубдихъ кьимат тувну гъадагъну азадвалиъ тӀаънадар,

Эвел 8:21

РАББИЙИЗ кабалгру ниъ гъюру ва Чан кӀваъ гьамци кӀуру: «Инсан себеб духьну, сарун Узу дюнʼя балайикк ккипидарза. БицӀидихъанмина инсандин апӀурайи фикир ужуб даршра, Узу вари жан алиб сарун тӀанкь апӀидарза.

Эвел 6:5

РАББИЙИЗ жилиин инсанарин улдугнайивал, дурарин кӀван фикрар ва хиялар гьаммишан писдар вуйивал рябкъюру.

Паччагьлугъар-3 20:23

Гьадму вахтна Арамдин паччагьдин багахь гъуллугъ апӀурайидари дугъаз насигьятар тувуйи: – Дурарин Заанур – му дагъларин Заанур ву, гьаддиз дурар ухьухъди кьадарсуз гужлидар ву. Хъа эгер ухьу дурарихъди дюзендиин дяви гъапӀиш, ухьу дурартӀан мумкинсузди гужлидар хьиди.