Рим агьларихьна вуйи кагъаз 1:16 - Гирами Китаб

¹⁶ Узуз Агъайин Ужувлан хабар рабгъуз нач дарзуз, гьаз гъапиш дидиъ гьарсар хъугъру кас уьрхюз шлу Аллагьдин гьюкум а – сифте жугьдар, ва хъасин имбу халкьар.

Рим агьларихьна вуйи кагъаз 1:16 Referans Kwoze

Марк 8:38

Гьаму гунагькар ва Аллагь аьгъдру халкьдин улихь шли Узхьан ва Йиз гафарихьан нач гъапӀиш, дугъхьан Инсаниятдин Балира, Чан Адашдин аднаъди гирами малайикарихъди му жилиина гъафиган, нач апӀиди.

Тимофейиз-2 1:8

Гьаддиз, ихь Агъайикан ктибтуз нач мапӀан, ва Гьадму бадали дустагъдиъ айи узхьан нач мапӀан, хъа узухъди Ужувлан хабар бадали, узʼин улукьнайи аьзабарин пай гъадабгъ. Фицики Аллагьди ухьуз Чан ужувлакан ктибтуз кӀури кьувват тувна.

Петрин-1 4:16

Учву Месигьдихъ хъугънайивалилантина аьзиятариъ ахьнаш, гъит, дицири нач дарапӀри, хъа, гъит: «му Исайихъ хъугърур ву», – кӀуруган, Аллагьди учвуз гьациб ужʼвал дебккнайивализ дилигну, гьацири Дугъан ад апӀри!

Тимофейиз-2 1:12

Магьа гьамдиз дилигну, узу гьацдар аьзабар аьгь апӀураза. Хъа узуз начди дарзуз! Узуз узу Шлихъ хъугънаш, аьгъязуз. Дугъу узʼин илипнайи гьадму ляхин Аьхиримжи йигъ гъяйизкьан вари уьбхрувалик йиз гьич саб шакра кадариз.

Лука 9:26

Шли Узхьан ва Йиз гафарихьан нач гъапӀиш, Адашдин, Чан ва марцци малайикарин гьяйбатлувалиъди гъафиган, дугъхьан Инсаниятдин Балира нач апӀиди.

Коринф-2 4:4

Гьаму дюнʼяйин аллагь-иблисди хътругърударин фагьум, Чаъ Аллагь ачмиш апӀурайи Месигьдин адлуваликан вуйи Ужувлан хабарнан акв дярябкъюз, кур апӀура.

Коринф-1 2:4

Узу туврайи хабарнаъ ва йиз улхбариъ инсандин фагьмин эсер апӀру гафар адайиз, хъа дидиъ Рюгьнан кьувват ачмиш хьувал рябкъюйи.

Коринф-1 2:2

Учвухъди хъайиган, узуз аьгъюр сар Иса Месигь вуйзуз, Думура – хачрак карсур. Дугълан гъайри, сарун фукӀа аьгъю дарапӀуз гьял гъапӀунза.

Рим агьларихьна вуйи кагъаз 10:17

Гьаци вуйиган, Ужувлан хабар гъеебхьиган, хъугъвал гъюру. Хъа Ужувлан хабар, Месигьдикан ктибтруган, гъюру.

Жугьдариз 4:12

Фицики Аллагьдин гаф яшамиш шула ва либхура. Думу гаф кьюбиб мурзарра учӀру дапӀнайи ханжалтӀан учӀруб ву. Думу гаф, ихь инсанвалин варитӀан деринариз: юкӀвна рюгь, йиккна кӀураб жара шлушвариз ва кӀурбарин мааризкьан гъябгъюру. Гьадму Гафну фикраринна кӀван хияларин суд апӀуру.

Коринф-1 15:2

Гьадму Хабарну уьрхидичву, эгер узу учвуз гъапибдихъан ижмиди хъчӀихиш, даршиш – учву гьавайиди хъугърачва.

Галат 1:7

Ужувлан хабар сарун жараб айиб дар! Ичв ара бикьурайи, Месигьдикан вуйи хабар айтӀлан апӀуз ккуни адмийир а.

Рим агьларихьна вуйи кагъаз 2:9

Дугъу абдал тӀулар апӀбаъ тахсиркар вуйи гьарсар касдиз, сифте жугьдариз, хъа имбудариз дердер ва аьзиятар гьаъди.

Ляхнар 3:26

Аллагьди сифте учвухьна, ичв чӀуру рякъяриан адаъну, учвуз ужувлар хьпан бадали, Чав чӀиви гъапӀу Чан Гъараваш Иса гьаъна.

Фессалоник-1 2:13

Хъана учу Аллагьдиз зат сикин дарди баркаллагь кӀурача, гьаз гъапиш учву учкан гъеебхьу Аллагьдин Гаф гьаци, адмийин гафарси ваъ, хъа дугъридан гьякь Аллагьдин гафси ва учвуъ, хъугърудариъ, ляхин гъабхурайи кьувватси кьабул гъапӀунчва.

Тимофейиз-1 1:11

Му аьгъювалар гьарсаб тярифназ лайикь вуйи Аллагьди узʼин илипнайи Ужувлан хабарнахъди сабси гъюру.

Коринф-2 9:13

Ва ичв гьаму гъуллугънан бегьер рябкъюри, учвлантина адмийири Аллагьдин ад апӀиди, гьаз гъапиш учву рабгъурайи Месигьдин Ужувлан хабарнакк кӀул ккиврачва ва учвуз айибдикан шадди дураризра, имбударизра туврачва.

Коринф-2 2:12

Узу Троадайиз Месигьдикан Ужувлан хабар рабгъури гъафиган, Агъайи душваъ ляхин апӀуз раккнар арццунзуз.

Коринф-1 9:18

Йиз пешкеш фтилан арайиз гъюра? Хъа гьамдилан: Ужувлан хабар узу кьимат дарди рабгъураза ва узуз улупнайи ихтиярар ишлетмиш апӀурадарза.

Коринф-1 9:12

Жарадариз учвхьан кюмек рубкьуз ихтияр айиган, учуз хъа аьхю ихтияр ачуз! Аммаки, учу сабанкьан учуз айи гьадму ихтияр ишлетмиш гъапӀундарча, хъа, Месигьдикан Ужувлан хабар рабгъуз машат дарибшри кӀури, учу вариб аьгь апӀурача.

Рим агьларихьна вуйи кагъаз 15:29

Узуз аьгъязуз, узу учвухьна гъафиган, Месигьди туву ужувлар гьуркӀну хидизачвуз.

Тимофейиз-2 1:16

Гъит Агъайи Чан рягьимлувал Онисефордин вари хуландариз улупри. Дугъу гагь-гагьнак йиз кӀваз архаинвал хури гъахьну ва узу йитӀнайи зунжрарихьан нач гъапӀундар!

Рим агьларихьна вуйи кагъаз 4:11

Ибрагьимдин суннат, суннат апӀайиз улихьна айи чан хъугъувализ дилигну, Аллагьдин улихь гьякь хьувалин лишан вуди хъасин гъапӀну. Ва гьаддиз Ибрагьим, гьеле суннат дапӀну адарди, хъугънайидаринра кмиди аба гъахьну. Дурарра, чпин хъугъувализ дилигну, Аллагьди гьякь гъапӀну.

Югьан 7:35

Жугьдари чпин арайиъ кӀури гъахьну: – Думу, ухьхьан агуз даршлуси, наана гъягъюз ккайкӀан? Белки Дугъаз, Грек уьлкейин шагьрариз душну, дурарин арайиъ яшамиш шулайи ихь агьалйириз вая грекариз аьгъювалар улупуз ккунди ашул гьа?