Петрин-1 4:5 - Гирами Китаб

⁵ Аммаки дурар багарихьди чӀивидаринна гъийихдарин суд апӀуз Гъюрурин улихь чпи гъапибдинна гъапӀубдин жаваб тувуз мажбур хьиди.

Петрин-1 4:5 Referans Kwoze

Якьубдин 5:9

Гъардшар, Аллагьди учвуз жаза гьададабтӀуз, чиб-чпилан мулханай. Лигай, Судья гьамустӀанра урчӀарихъ дийигъна!

Ляхнар 10:42

Аллагьди чӀивидарин ва гъийихдарин зиин Диванбеги вуди дерккнайир гьадму Кас вуйиваликан инсанариз аьгъювалар улупуз ва дидин шагьидвал апӀуз учуз амур гъапӀну.

Тимофейиз-2 4:1

ЧӀивидаринна гъийихдарин суд апӀуз гъюру Месигь Исайин ва Аллагьдин улихь ккун апӀуразавукан (узу мици, Месигьдиз Паччагьлугъ айиган ва Думу багарихьди гъюрайир вуйиган, кӀураза):

Ляхнар 17:31

Фицики Дугъу вари дюнʼяйин гьякьди суд апӀру йигъ улупна. Чав улупнайи Инсанди гьадму суд апӀиди. Аллагьди, Думу, гъачӀихъан, чӀиви дапӀну, варидариз шагьидвал тувну.

Матта 12:36

КӀуразачвузки, инсанари чпин гьарсаб гьавайи гафнан жаваб гъиямат йигъан тувди.

Лука 16:2

Эйсийи дугъаз дих дапӀну гъапи: «Увкан узуз ерхьурайи аьрзйир гьапӀрудар ву? Яв идара апӀбан ляхнарин гьякь-гьисаб ча, фицики сарун увхьан мяишат идара апӀуз шулдарвухьан».

Рим агьларихьна вуйи кагъаз 14:9

Гьамдин бадали Месигь гъакӀну ва чӀиви гъахьну – Дугъкан чӀивидаринра, гъачӀидаринра Агъа гъахьну.