Петрин-1 4:4 - Гирами Китаб

⁴ Хъа гьамус дурариз учву, чпихъди чпи айи аьгьвалиъ имдруган, аьжайибди гъугъубжвура ва ушвнихъна гъафиб вари кӀурачвуз.

Петрин-1 4:4 Referans Kwoze

Петрин-1 3:16

анжагъ аькьюллудина гьюрматлудитӀан жаваб мутуванай. Учву яшамиш шулайи ичв гъяни уьмур кьабул дарди, люкьнар апӀру адмийириз, Месигьдихъ хъугъиган, чпин гъапӀу гафарихьан нач шлуси, ичв намус марцциди уьбхяй.

Петрин-1 2:12

Гъит, ичв хасият Аллагьдихъ хътругърударин арайиъ марцциб ибшри. Ва гьадмуган, гьаму ражари учвуз, пис касар ву, кӀури люкьнар апӀурайидари, учву апӀурайи ужувлан ляхнар рякъюри, Аллагь гъафи гъиямат йигъан, Дугъан ад апӀиди.

Ляхнар 18:6

Дурари, мидʼин рази даршули, дугъаз люкьнар апӀури гъахьну, хъа дугъу чан ликарик кайи бишируг гьадму адмийириина кутӀубччвну, гъапи: – Учву ичв уьмрин тахсиркрар хьидичва. Ичв кӀулʼина гъюрубдин узу жаваб тувидарза. Гьамус узу жугьуд дарударихьна гъягъюраза.

Ягьудайин 1:10

Хъа гьаму касари чпи гъавриъ адрубдиз люкьнар апӀура. Дурариз саб аьгъя – чпин табиаьт. Вари гьамди дурар, фагьумсуз гьяйванатарси, пуч апӀура.

Ляхнар 13:45

Гизаф халкь гъябкъиган, жугьдар хъюлу ацӀну, Павели кӀурайи гафариз къаршу удучӀвуз ва дугъаз люкьнар апӀуз хъюгъру.

Петрин-2 2:22

Дурарихъди гъабхьибди гьаму мисалнаъ дупнайиб дюз вуйиб улупура: «Ху хъана чан ибичубдихьна хътабкуру» ва «Сил жибкӀ – думу хъана батӀриан идибгъиди».

Петрин-2 2:12

Дурар сабдизтӀан хай дару – дисуз ва йихуз пну бабкан шлу, чпин нефстӀан аьгъдру фагьумсуз гьяйванатарсдар ву. Дурари варибдиз чпин фагьмихьан аннамиш апӀуз даршлу агьрар апӀуру. Гьадму гьяйванатарси дурарра йихиди.

Рим агьларихьна вуйи кагъаз 13:13

Гъачай, йигъандин аквназ барабар вуйиси, намуслуди яшамиш шулхьа. Пиянискаваларикк ва сатӀи кьяппаваларикк кӀул ккивдархьа. Аьйиб апӀруб ва гьяясузуб апӀидархьа, гьюжатар апӀидархьа ва сар-сариин бахил хьидархьа.

Лука 15:13

Сакьюдар йигъарилан бицӀину чве, чаз ккубкьуб вари уч дапӀну, ярхла юрдариз гъягъюру ва, душвариъ кефниинди яшамиш шули, чаз айи девлет вари хътипӀуру.

Эфес 5:18

Ички гизаф мубхъанай, диди ягь-намус дубгуз гъитру, хъа Рюгьнахьди ацӀай.

Матта 23:25

Ичв гьял пис хьибди, кьюб маш гъяйи къанунчйирна фарисйир, гьаз гъапиш учву захна бушгъаб заълан марцц апӀури шулучва, хъа дурарин айитӀишв угърашʼвалинна тямягькарвалин йимишари абцӀри шулучва.