Петрин-1 3:8 - Гирами Китаб

⁸ Аьхирки, гъит ичв сабсдар фикрар ва гьиссар ишри, ичв гъардшарихьна вуйи саб масанвал ибшри, язухъ зигуб ва фурс ктрувал ибшри.

Петрин-1 3:8 Referans Kwoze

Рим агьларихьна вуйи кагъаз 12:10

Чвйирси чиб-чпи ккун апӀинай. Гьарсари жвувазтӀан чиб-чпиз артухъ гьюрмат апӀинай.

Петрин-1 1:22

Учвуз ичв хъугънайи гъардшар, жвув гьякьвалихъ хъебехъну марцц гъахьиган, кью-кьюб маш гъидривру масанвалиинди, марцци юкӀвариинди ва жандин вари кьувватниинди ккун гъахьунчвуз!

Эфес 4:31

КӀван гьарсаб кьутӀкьливалихьан, хъял гъювалихьан, тюнтвалихьан, чӀигъарихьан, люкьнар-агьрарихьан, гьар жюре хъял бисувалихьан азад йихьай.

Якьубдин 3:17

Заълан гъюрайи фагьумлувал, сифте нубатнаъ, марцциб ву, гьацира мясляаьт хурайиб ву, аькьюллуб ву, аьлакьайихъна хруб ву, рягьимлувалихьди ва ужувлан ляхнарихьди абцӀна, диди адмийир ккунидаризна даккнидариз жара апӀдар ва машназ лигдар.

Эфес 4:2

Дамагъсузди ва гъюдалди гъузай, чиб-чпихьна сабурлуди ва масанди йихьай.

Колосс 3:12

Гьаддиз, Аллагьдин кадагънайи гирами ва масан вуйидариз лайикь вуйиси, учвура рягьимлувалин, язухъ зигувалин, юкӀв айивалин, гъянивалин ва сабурлувалин палтар алахьай.

Коринф-1 12:26

Эгер саб пайназ аьзият каш, вари паяризра аьзият кади шулу. Эгер саб пайназ гьюрмат апӀураш, дидихъди вари паярира шадвал хъапӀри шулу.

Матта 18:33

Узу увуз гьялал гъапӀубси, увхьанра яв юлдшиз гьялал апӀуз шулдайнухьанхъа?»

Югьандин-1 3:14

Ухьуз аьгъяхьуз ухьу аьжалнахьан гьаргандин уьмрихьна дуфнайиб, фицики ухьуз ихь гъардшар ккундухьуз. Хъа шлиз ккундарш, думу, чан дукӀнайир, дукӀну гъузди.

Коринф-1 1:10

Ихь Агъа Иса Месигьдин ччвурнахъан, гъардшар, учвуз миннат апӀураза, чиб-чпихъди вари рази духьну гъузай. Гъит учву чиб-чпихьан жара даришри, фагьмар ва фикрариъ саб ишричву!

Ляхнар 4:32

Вари хъугънайидар саб юкӀвси ва саб жанси гъахьнийи. Дурарикан сарира чаз айи мал-мутмуйиз, йизуб ву, кӀурдайи, хъа вариб дурарин уртахъуб вуйи.

Петрин-1 5:5

Учвура, жигьилар, аьхюдарихъ хъпехъури апӀинай; чиб-чпин гъайгъушнаъ духьну, разивалиъ кӀул ипай, гьаз гъапиш, «Аллагь фурсачйириз къаршу удучӀвуру, хъа разивал улупрудариз Думу рягьим апӀрур ву».

Жугьдариз 13:1

Учву гъардшарси чиб-чпи ккун апӀинай.

Петрин-1 2:17

Варидариз гьюрмат апӀинай, гъардшар ккун апӀинай, Аллагьдихьан гучӀ апӀинай, паччагь гьисабназ гъадагъай.

Якьубдин 5:11

Учвуз аьгъячвуз, аьхиризкьан мюгькамди гъуздариз учу бахтаврар кӀурача. Учвуз Аюбдин ижмиваликан гъеебхьунчвуз ва, Агъайи дугъаз чан уьмриъ фициб аьхир тувнуш, аьгъячвуз, гьаз гъапиш Агъа рягьимлур ву ва язухъ Зигрур ву.

Якьубдин 2:13

Фицики Аллагьдин судди жарариз ужʼвал дарапӀрурин язухъ апӀидар. Ужʼвал судтӀан зиина ву!

Филипп 3:16

Фициб жюрейиинди вушра, гъачай, ухьу гьамусдиз хъуркьнайи хъуркьувалар, аьгъювалар гьисабназ гъадагъну, яшамиш шулахьа.

Рим агьларихьна вуйи кагъаз 15:5

Гъит сабурлувал ва ккарцрувал туврайи Аллагьди, Иса Месигь мисал вуди Гьадгъахъди гъяри, ухьу сатӀиди, саб гьарайниинди Аллагьдин, ихь Агъа Иса Месигьдин Адашдин тяриф апӀруси, ичв мясляаьтнаъ яшайиш туври.

Ляхнар 28:7

Душвхьан ярхла дарди островдин гьюкумдар Публийин мулкар хьайи. Дугъу учуз чан хулаз теклиф апӀуру ва шубуд йигъан учу ужуди хялижв апӀуру.

Ляхнар 27:3

Хъайигъан учу Сайдайиъ гимийиан эдеъча, ва Юлийи, Павелиз чан дустарихьна гъягъюз ихтияр тувну, ужуб ляхин гъапӀну. Дустарра дугъан гъайгъушнаъ шулу.

Ляхнар 2:1

ХьуцӀдарин машквраз вари Исайин вакилар сабишвʼина уч гъахьнийи.

Насигьятар 28:8

Буржназ пул туври гьаддилан ацӀрайирин девлет тувди касибарин гъайгъу кайириз.

Лука 10:33

Самария уьлкейиан вуйи сар кас, гьадлинтина даждиинди гъягъюрайир, дугъʼин алахъуру ва, дугъаз думу дяркъну, дугъан язухъ шулу.

Эфес 4:32

Сар-сарихьна гьюрмат ади йихьай, учву Месигьдиъ саб гъахьиган Аллагьди учвлан фици хил алдабгънуш, учвура чиб-чпилан хил алдабгъури гъузай.

Филипп 2:3

Жвуван заанвал, ясана тяриф бадали, фукӀара мапӀанай. Хъа жвувтӀан багахь хьайир заанди дисури апӀинай.