Петрин-1 3:10 - Гирами Китаб

¹⁰ «Шлиз бахтаварвалиинди яшамиш духьну ва ужудар йигъар дяркъну ккундуш, гъит, мелз чӀурубдихьан уьбхри, хъа ушв – кӀучӀлихьан.

Петрин-1 3:10 Referans Kwoze

Якьубдин 1:26

Эгер шли учв дугъри вуза кӀури фикир апӀураш, хъа чан мелзнан эйсивал апӀуз аьгъдарш, дугъу чав чаз кучӀлар апӀура ва дугъан дугъривал файдасуз ву.

Петрин-1 2:22

Дугъу «гунагь гъапӀундар ва Дугъан ушвниин кучӀал илибшундар».

Петрин-1 2:1

Гьаци вуйиган, гьарсаб чӀуруб, гьарсаб кучӀал, кью-кьюб маш гъивнайивал, маш ккадарди хьувал, гьар жюрейин футнийир гатӀахьай.

Ачмиш 14:5

Дурарин мелзназ кучӀал аьгъдайи, дурар кацӀдар дар.

Югьан 1:47

Чахьна гъюрайи Нафанаил гъяркъиган, Исайи дугъкан гьамци кӀуру: – Магьа, затра кучӀал ва цӀарувал ктру, чан дугъри израилжви.

Югьан 12:25

Шлиз чан уьмур багьади вуш, гьацири думу пуч апӀура, хъа шлиз гьаму дюнʼяйиин чан уьмур даккунди вуш, гьацири думу ккудудубкӀру уьмриз уьбхюра.

Насигьятар 8:35

Узу чаз гъадагъури – гъадабгъну уьмур, ва РАББИ хьиди дугъʼин рази.

Насигьятар 3:2

Фицики миди ярхи апӀиди яв йисар-йигъар ва артухъ апӀидивуз ужувлар.

Матта 19:17

Исайира дугъаз кӀуру: – Узхьан ужувлакан гьаз гьерхрава? Ужур вуйир анжагъ сар АллагьтӀан адар. Аллагьди увуз ккудудубкӀру уьмур тувну ккундуш, Дугъу Мусайилантина тувнайи табшуругъар вари тамам апӀин.

Насигьятар 4:22

Фицики йиз гафар гъидисуриз уьмур хьибди, дурари бедендиз сагъʼвалра хибди.

Насигьятар 3:18

Дидик карснайириз думу уьмрин гьар ву, ва дидхьан жара даршлур хушбахтавар ву.

Марк 8:35

Шлиз чан уьмур уьбхюз ккундуш, дугъан думу дубгди. Хъа шли Узу ва Ужувлан хабар бадали чан уьмур пуч гъапӀиш, дугъу думу уьбхиди.