Петрин-1 1:7 - Гирами Китаб

⁷ Аьгъю йибхьайки, гъизилра цӀиинди таза алапӀурайиб. ЦӀихьан гьеле думу зат имдарди деебцӀну гъядапӀузра шулу, хъа ичв хъугъувал гъизилтӀан лап артухъ багьа ву, ва думу, гьякьди вуйиб вуш, ясана – дарш, Иса Месигь кьяляхъ гъафи вахтна гъиямат йигъан жвуван тяриф, ад ва заанвал жвувахьна рубкьбан бадали, ахтармиш дапӀну ккундарин?!

Петрин-1 1:7 Referans Kwoze

Якьубдин 1:12

Читинвалариъ ахърур хушбахтавар ву. Читинвалариан Аллагь ккунди удучӀвуриз, Аллагьдихьан, Чав Гаф тувнайиси, гьаргандин уьмрин таж рубкьиди.

Петрин-1 4:12

Йиз багьаллуйир, учвухъди фу-вуш саб аьжайиб шула, кӀури, учвʼин алахьурайи гъагъи аьзабариин-аьзиятариин мюгьтал махьанай.

Рим агьларихьна вуйи кагъаз 2:7

Гьаммишан ужувлар апӀури, аднахъ, гьюрматнахъ ва аьжалсузвалихъ хъергнайидариз Дугъу гьаргандин уьмур пешкеш апӀиди.

Насигьятар 17:3

Арс ебцбан бадали – баттил лазим ву, гъизил ебцбан бадали – жадан, хъа юкӀвариз – РАББИЙИХЬАН ахтармишʼвалар.

Коринф-1 3:13

Хъа шли фици дивнуш, улупру Йигъ гъибди. Думу Йигъан вари цӀиинди ахтармиш апӀиди ва гьарсарин ляхниз цӀи кьимат тувди.

Ягьудайин 1:24

Учву алдакуз Гъидритруриз, Чан улихь учву марцциди ва лап шадди дерккуз Шлуриз –

Петрин-2 1:4

Гьаму Касдиланмина ухьуз, гаф тувнайиси, варитӀан багьа ва варитӀан зурба ужувлар дурукьнахьуз. Дурар ухьуз, гьаму дюнʼяйин тямягьяриланмина гъюру аьжалнахьан гьадрарин кюмекниинди учву ярхла духьну, Аллагьдин хасиятнак ктикьбан бадали, багъиш дапӀнайидар вухьуз.

Петрин-1 2:4

Гьадгъахьна гъачай – чӀиви Гъвандихьна, адмийири тина гьадапӀубдихьна, хъа Аллагьди ктабгъубдихьна, Дугъан уларихь багьа вуйибдихьна.

Матта 25:21

Агъайи дугъаз кӀуру: – Аферин увуз, ужур ва вафалу гъуллугъчи, бицӀи ляхниъ узуз вафалу гъахьунва, аьхю ляхнар табшурмиш апӀидизавуз; яв агъайин мяракайиз дуфну, дугъахъди шадвал апӀин.

Ачмиш 3:10

Узу увуз, мюгькамди гъуз, гъапиган, уву гьаци гъузунва, гьаддиз вари адмийир ахтармиш апӀуз дюнʼяйиина гъюру бедбахтваларин вахтна, Узу увура уьрхидизаву.

Ачмиш 2:10

Увʼин улукьуз ккайи аьзабарихьан гучӀ мапӀан. Магьа багарихьди иблисди учвкан сакьюдар ахтармиш апӀуз, кӀури, дустагъдиъ ирчди, ва йицӀуд йигъан учву аьзабар зигидичва. ЙикӀайизкьан вафалуди гъуз ва Узу увуз уьмрин паччагьвалин таж тувдиза.

Ачмиш 1:7

Магьа гьамус Думу дифар хъади гъиди ва гьарсариз Думу рякъиди, гьеле Дугъан мурглин тӀуларигъянзина жида гъюбччвдаризра кмиди. Дугъан улихь дюнʼяйиин али вари миллетари суза зигиди. Ав, дугъриданра гьаци ву! Амин.

Коринф-1 4:5

Гьаддиз, Агъа хъадакну гъюру вахт шайизра, улихьмиди тахсрар агури мюхъюгъянай. Дугъу вари жиниб ачухъ апӀиди, инсанарин юкӀвариъ гьитӀибкӀнайиб арайиз адабгъиди ва гьадмуган Дугъу гьардин тяриф апӀиди.

Ляхнар 8:20

Петри дугъаз кӀуру: – Яв пул кӀулик кубкӀрияв, гьаз гъапиш уву Аллагьдин багъиш пулихъ гъадабгъуз ният гъапӀунва.

Югьан 12:26

Фуж Йиз гъуллугънаъ аш, гъит гьацир Йиз шилнаъди гъюри! Ва Узу наан аш, гьадушваъ Йиз гъуллугъчира хьиди. Фуж Йиз гъуллугънаъ аш, гьацир Йиз Адашди за апӀиди.

Югьан 5:44

Учву сар-сарин тярифар апӀури, сар Аллагьдихьан вуйи тярифарихъ хъергну даршлуган, учву Узу фици кьабул апӀидичва?

Лука 12:33

Ичв мулкар масу туври, садакьади пай апӀинай. Жвуваз аьршариъ угъри удручӀвру, йирси даршлу ужагъ, камк ктрабхьру ва хътӀатӀабццру хазна гьязур апӀинай.

Матта 25:23

Агъайи дугъаз кӀуру: – Увузра аферин, ужур ва вафалу гъуллугъчи, бицӀи ляхниъ узуз вафалу гъахьунва, аьхю ляхин табшурмиш апӀидизавуз; йиз мяракайиз дуфну, узухъди йиз шадвал пай апӀин.

Матта 19:28

Исайира дурариз гьамци кӀуру: – Дюзди кӀуразачвуз: цӀийи дюнʼяйиъ, Инсаниятдин Бай Чан тахтниин деиган, Узухъди гъафи учвура йицӀикьюб тахтниин деъну, Израилин йицӀикьюб тухмин суд апӀидичва.

Насигьятар 16:16

Аьгъювалар уч апӀуб ужу ву, багьа гъизилтӀан, фагьум гъадабгъуб ужу ву, марцци арстӀан.

Насигьятар 8:19

Ужудар ву йиз йимишар багьа гъизилтӀан, узу зина вуза марцци арстӀан.

Паччагьлугъар-1 2:30

Гьамци кӀура Израилин Заанури, РАББИЙИ: «Узу гаф тувнийза, яв хизан ва яв тухум Йиз машнан улихь гьарган яшамиш хьиди, кӀури. Хъа гьамусдихъантина дици хьибдар!» – кӀура РАББИЙИ. «Узу Йиз гьюрмат уьбхрудар заан апӀидиза, хъа Узу гьясппикк ккадрудар асккан апӀидиза.

Ачмиш 3:18

Узу увуз саб насигьят тувраза: уву девлетлу хьуз, Узхьан цӀиъ марцц гъапӀу гъизил ва яв гъяцӀливалин нач ккебкуз алабхьру лизи палат гъадабгъ. Гьацира увуз уларикан ктатуз ва рябкъюри хьуз ччимра гъадабгъ.

Петрин-2 1:1

ЛукӀвал апӀурайи Иса Месигьдин вакил Петрихьан – Аллагьди гьякь апӀбиинди ва Уьрхрурин – Иса Месигьдин кюмекниинди ухьуз гъабхьибсиб багьа хъугъувал гъабхьидариз – саламар.

Петрин-1 2:7

Гьаци вуйиган, учвуз, хъугърудариз, Думу зурба хазна ву, хъа хътругърудариз – «Устайи тина гъапӀу гъван мурччвануб гъабхьну»,

Петрин-1 1:5

Учвуз, ичв хъугъувализ дилигну, Аллагьдин кьудратнакк ккайидар, гъиямат йигъахъна аьхиримжи вахтари ачмиш шлу уьрхювал рубкьидичвуз.

Рим агьларихьна вуйи кагъаз 2:29

Гьякь вуйи жугьуд чан кӀваантӀан Аллагь ккун апӀурайир ву. Му, дерккнайи аьдатариинди ваъ, хъа кӀваантӀан, рюгьналан вуйи гьякь суннатдик гьисаб ву. Ва гьамцир касдин апӀурайи тяриф адмийирихьан дар, хъа Аллагьдихьан ву.

Лука 17:30

Инсаниятдин Бай гъафи йигъанра гьаци хьибди.

Рим агьларихьна вуйи кагъаз 2:10

Хъа ужʼвал апӀру гьарсар касдиз, сифте жугьдариз, хъа имбудариз Дугъу ад, гьюрмат ва мясляаьт гьапӀди.

Рим агьларихьна вуйи кагъаз 8:19

Фицики Аллагьдин веледар фужар вуш, ачмиш апӀру вахт хьайиз, Аллагьди халкь дапӀнайиб вари, аьгь апӀуз даршули, ккилибгура.

Петрин-1 1:13

Гъит, гьаддиз ичв фагьум фагьмихъ хъади ибшри, ва ляхнар апӀуз гьаммишан гьязурди гъузай. Вари ичв умуд Аллагьдин гъянивалиин илипай, хъа гъиямат йигъан Иса Месигь гъафиган, учвуз ичв умуд кайиб вари багъиш апӀиди.

Петрин-1 4:13

Хъа гьатцидарихъинди, учву Месигьдин аьзабариъ иштирак шулачва ва, гьаддиз, шад йихьай, хъа гъиямат йигъан, Иса Чан аднаъди гъафиган, шадвали ацӀдичва ва гьарай ипдичва.

Петрин-1 5:1

Гьаци вуйиган, гьамус узу ичв аьхюдарихьна илтӀикӀураза. Даршуз узура йиз марччарин – хъугърударин аьхюр вуза. Мидлан гъайри, Месигьдикан кчӀикьу аьзабарин шагьид вуза ва, магьа, гьамус – хъа дюнʼяйиз гъиямат йигъ хьади гъюрайи Дугъан ад рубкьрударикан сар духьназа.

Петрин-2 3:14

Магьа гьаддиз, йиз ккунидар, учву Аллагьдихъди мясляаьтнаъ хьпан бадали, гьамци шлувализ ккилигбиинди марццидар ва гаф ктрудар хьуз чара зигай.