Biblia Todo Logo
Bib sou entènèt

- Piblisite -




Петрин-1 1:4 - Гирами Китаб

4 Гьамдиинди ухьук, я аьжалихьан, я камиваларихьан, я вахтнахьан чӀур апӀуз даршлу, чӀиви миж кивунхьук. Ихь миж кайи «девлет» ухьуз аьршариъ уьбхюра.

Gade chapit la Kopi




Петрин-1 1:4
27 Referans Kwoze  

ФукӀара чиркинуб душвазди убчӀвидар, душвазди алчагъвал ва кучӀал апӀрур учӀвидар. Душваъ анжагъ Ччилахь хьайи Уьмрин китабдиъ дидикӀнайидартӀан учӀвидар.


Ари гьаддиз Месигьдилантина ЦӀийи Йикьрар, дих дапӀнайидариз тувнайи гафниинди гьаммишандиз вуйи ирс рубкьбан бадали, гъийитӀну. Дурариз думу ирс, гьеле сабпи Йикьрар кьувватнаъ имидитӀан гъапӀу чпин гунгьарилантина рубкьру аьжалихъанди Исайи Учв аьжализ тувиган, гъурубкьуб ву.


ва, Аьхюну Марччлихъан гъафиган, гьич зат дучрубхру адлувалин кунцӀ рубкьидичвуз.


Гьамус узуз Агъайи, дюзвалин Судьяйи, гьадму Йигъан пешкеш тувди – узу гьякь апӀиди, неинки узу, хъа Думу хъадакну гъюру Йигъаз масанвалиинди ккилигурайи гьарсар гьякь апӀиди.


Учвуз аьршариъ ккилибгурайи умудну хъугъувал ва ккунивал арайиз хуру. Улихьди учвуз дидкан гьякьвалин гаф – Ужувлан хабар гъеебхьунчвуз.


Гьадмуган Паччагьди Чан арччул терефнаъ айидариз пиди: – Гъачай йиз адашдин ужувлакк ккахьнайидар, дюнʼя ккебгъхъанмина учвуз гьязурди дебккнайи Аьршарин Паччагьлугъ ирсди кьабул апӀинай.


Узу, Аллагьди ичв юкӀвариз гьякь рябкъювал туври, кӀури, ккарагураза. Гьадмуган, Чав дих дапӀну, учвуз тувнайи гьадму умуд фу вуш, Аллагьдин гирами халкьдиз ирсди рубкьру аднан девлет фукьан зурбади вуш, ва ухьуъ, Дугъан кьадарсуз кьувватнан кюмекниинди хъугънайи адмийириъ айи ебцуз даршлу Дугъан кьудратнан зурбавал фукьануб вуш, агъю хьибдичвуз.


Гьадму Гирами Рюгь ухьуз тувнайиган, адлу духьнайи Аллагьдин тярифар апӀуз ухьуз ирс рубкьруб ва ухькан Чан адмийир ктаъруб аьгъяхьуз.


Гьадгъахъди саб гъахьиган, Аллагьди Чан вари хушниинди ва ниятниинди улихьмиди апӀурайи ниятнаъ айиси, учу ктагъну.


Ухьу Аллагьдин веледар вуйиган, Месигьдихъди ухьузра ад хьпан бадали, Дугъан аьзабар ухьу кьабул апӀурайиган, Месигьдизси, Аллагьдин ирс ухьузра рубкьиди.


Уву дурарин улар арццну, дурар мучӀушнахьан аквнахьна, иблисдин гьюкмиккан Аллагьдихьна хидива. Дурарихьан гьамци чпин гунгьарилан хил алдабгъувал ва Узухъ хъугъбиинди Аллагьдин терефназ гъафидарин арайиъ чпиз йишв гъазанмиш апӀуз хьибди».


Гьамус, гъардшар, учву Аллагьдиина ва Дугъан хайирнан Гафниина аманат апӀуразачву. Дугъхьан учву хъугъувалиин мюгькам апӀуз ва Чан ужувлакк ккайидарихъди учвузра ирс тувуз удукьуру.


Ригъ гьудубчӀвуру ва убцрушин абхъру. Убцрушнаан укӀ чубхуру, дидин кюкю алдабхьуру ва дидин уччвувал йибкӀуру. Гьамдиз ухшарди девлетлуйирра, чпин вари ляхнарра хъади, терг хьиди.


гъит Адашдиз, Дугъу учвузра Чан гирами халкьдихъди сабси аквнан Паччагьлугъдиъ йишв улупбаз, шадди чухсагъул йипри.


Эгер ирс Къанундилан асиллу вуйиш, думу тувнайи гафналан асиллу хьибдайи. Хъа Аллагьди, Чан гаф тувну, Ибрагьимдиз гьаму ирс тувна.


Иштракчйири, вари чпин тямягьяр дирчну, чӀур дубхьну гъябгъру кунцӀ бадали, гьар йигъан гьязурлугъар гъахуру, хъа ухьу – чӀур даршлу кунцӀ бадали гьязур духьну ккундарин!


Писвализ – писвалиинди, биябурвализ – биябурвалиинди жаваб мутуванай, хъа жараси, ужʼвал апӀбиинди жаваб тувай, гьаз гъапиш, учвуз гьаддиз дих дапӀна ва учвузра, ирс вуди, ужʼвал дебккуз гаф тувна.


Иса рякъюъ учӀврайиган, сар касди, Дугъахьна жаргъури дуфну, икрам апӀури, кьамкьариина дусну, гьерхру: – Я гъяни Мялим, узу женнетдиъ ахъбан бадали гьапӀну ккунду?


Фицики, Агъайи пешкешди ирс тувруб учвуз аьгъячвуз. Учву Агъа Месигьдин гъуллугънаъ ачва.


Учву дустгъариъ айидарин язухъ зигури гъахьунчва, ичв шейъ-шюйъ тадабгъруган, учву шад шули гъахьунчва, гьаз гъапиш учвуз думутӀан ужуб шейъ, гьаммишандиз вуйи Шейъ айиб аьгъяйчвуз.


Swiv nou:

Piblisite


Piblisite