Петрин-1 1:3 - Гирами Китаб

³ Ихь Агъа Иса Месигьдин Адаш ужувлиинди ишричав. Дугъу, Иса Месигь чӀиви апӀбиинди Чан зурба вуйи ужʼвал улупну, ухьу заълан бабкан гъахну ва цӀийи уьмрихъ хъаъну.

Петрин-1 1:3 Referans Kwoze

Петрин-1 1:23

Учвуз цӀийи уьмур тувру тум алаур йибкӀру тум даричв, аьхир, хъа – дирибкӀру тум. Думу тум чӀиви ва гьаммишандиз вуйи Аллагьдин Гаф ву.

Югьандин-1 5:4

Гьаз гъапиш, Аллагьдихьан вуйи гьарсар му дюнʼяйиин гъалиб хьиди. Хъа дюнʼяйиин гъалиб гъабхьи кьувват ихь хъугъувал ву.

Рим агьларихьна вуйи кагъаз 15:13

Гъит, умуд тувру Аллагьди учву ичв хъугъувалилантина, Гирами Рюгьнан кьувватниинди ичв умуд артухъ хьпан бадали, шадвали ва мясляаьтну ацӀричву.

Эфес 1:7

Гьадгъахъди саб гъахьиган, Дугъан ифди ухьу дюрхна ва Аллагьдин аьхир адру ужʼвали ихь гунгьарилан хил алдабгъна.

Коринф-2 1:3

Рягьимлувалин Адаш, ухьу ккаарцурайи Аллагь, ихь Агъа Иса Месигьдин Адаш ва Аллагь, гъит ужувлан аднаъ ишри.

Югьандин-1 3:3

Ва шли чан миж Гьадгъак кивраш, дугъу, марцци Месигьдиз ухшар вуди, чан уьмурра марцц апӀура.

Рим агьларихьна вуйи кагъаз 12:12

Умудвалиъ шадди, бедбахтвалариъ сабурлуди, ккарагбариъ мюгькамди гъузай.

Югьандин-1 2:29

Эгер учвуз Думу дугъри вуйиб аьгъяш, учвуз гьацира аьгъячвузки: дугъривалиинди яшамиш шулайидар Аллагьдин веледар вуйибра.

Эфес 1:3

Гъит адлу ишри ихь Агъа Иса Месигьдин Адаш, Аллагь. Дугъу аьршариъ ухьуз, Месигьдихъди ухьу саб гъашиган, рюгьнан вари ужувлар тувунхьуз:

Эфес 3:20

Хъа, ухьуъ Чан кьувват гьяракатнаъ ипну, ухьу ккун апӀрубтӀан вая ккунийкӀан, кӀурубтӀан гизаф артухъ тувуз Шлуриз,

Эфес 1:17

Ихь Агъа Иса Месигьдин Аллагьди, адлу Адашди, фагьум туврайи Рюгь ва Чан гъавриъ ахъуз шлу ачмишʼвал учвуз тувуз кӀури, узу сикин дарди ккарагураза.

Петрин-1 3:21

Думу шид, цӀийи хьуз, штуан хьувалин лишан ву. Думу лишан гъира кмиди учву уьбхюрайиб ву. Штуан хьувал – му ичв жандилан чиркшин алдапӀувал дар, хъа ичв марцци кӀвахьан Аллагьдиз тувнайи гаф ву, Иса Месигь чӀиви хьубʼинди учву уьрхюрайи.

Тимофейиз-1 1:14

Хъа, Иса Месигьдик ктикьхъан, рябкъру масанвална хъугъвал хъайи ихь Агъайин ужʼвал Аллагьди узʼин бегьем улубзну.

Эфес 2:4

Хъа, зурба рягьим айи Аллагьди Чан зурба масанвалиинди ккун гъапӀунхьу.

Якьубдин 1:18

Дугъу Чан гьякь вуйи Гафналантина, Чав халкь гъапӀубдик варибдик варитӀан заан вуйидар хьпан бадали, ухькан Чаз веледар ктаъну. Хъпехъуз ва кӀул ккивуз аьгъю йибхьай.

Титдиз 2:13

Диди ихь умудар тамам шлу хушбахтавар Йигъ гъяйиз ккилигури гъузуз улупурахьуз. Думу Йигъ Чан аднаъди зурба вуйи Аллагь ва ухьу Уьрхрур – Иса Месигь гъюру Йигъ хьибди.

Коринф-1 15:20

Месигь, дугъриданра, чӀиви гъахьну! Думу гъачӀидаригъян сарпирди чӀиви гъахьну!

Коринф-1 13:13

Хъа сабан магьа гьаму шубуб а: хъугъвал, умуд ва масанвал, дурарикан заануб масанвал ву.

Югьандин-1 3:9

Аллагьдин веледар гъахьидарикан гьич сарира гунгьар давам апӀдар, гьаз гъапиш дицир касдиъ Аллагьдин тум а. Гьаддиз дицирихьан гунагь тӀулар апӀури гъузуз шулдар, гьаз гъапиш думура Аллагьдин веледарикан сар духьна.

Петрин-1 2:2

Тазади бабкан духьну имбу бицӀидарси, рюгьнан тӀяаьмлу никкдихъ, гьаддин кюмекниинди аьхю хьуз ва уьрхювал гъазанмиш апӀуз, тямягь хъивай.

Жугьдариз 3:6

Хъа Месигьди, дугъри Балиси, Аллагьдин вари Хулʼин аьхювал гъабхура. Ари гьадму Дугъан Хал, эгер ухьу аьхиризкьан ухьу тяриф апӀурайибдиз кӀубанди ва гьаддик миж кади гъузиш, ухьу вухьа.

Фессалоник-1 1:3

Учу ихь Адаш Аллагьдин улихь ичв ляхнариинди вуйи хъугъвал, юкӀв абцӀну зигру масанвалин жафа, ихь Агъа Иса Месигьдихъ хъугъувалиин ичв мюгькамди дийигънайивал гьаммишан кӀваинди гъибтрача.

Колосс 1:27

Аллагьди думу сирнан вари хазна ва ад Аллагь аьгъдру халкьариз улупуз кӀури ачмиш гъапӀну. Дидин сир Месигь ухьуъ яшамиш хьувалиъ а. Месигь ихь гъюз ккайи адлувалин умуд ву.

Рим агьларихьна вуйи кагъаз 8:24

Ихь умудну ухьу гъюрхну. Ихь умуд ухьуз гъурубкьиш, думу умудди гъубзрадар. Адмийир, миж кайиб тамам гъабхьихъан, фтиккӀа миж кади гъуздар.

Рим агьларихьна вуйи кагъаз 8:11

ЙикӀбан кьяляхъ Иса чӀиви ГъапӀурин Рюгь учвуъ яшамиш шулаш, Месигь чӀиви ГъапӀури, учвуъ яшамиш шулайи Рюгьналанмина ичв жанариз уьмур багъиш апӀура.

Югьан 1:13

Дурар инсанарин ниятариинди, ясана адмийириз ккун гъабшиган бабкан шлудар дар. Думу веледар Аллагьдихьан ву.

Юнус 4:2

Ва дугъу, ккарагури, РАББИЙИЗ гъапну: – Я РАББИ! Узу гьеле йиз уьлкейиъ имиди, гьамци шлуб аьгъяйзуз. Гьаддиз узу Таршишдиз гъажаргънийза. Уву кӀваъ ккунивал айи, рягьимлу, хъял дебккру, язухъ апӀру Аллагь вуйивал ва Увуз мициб мусибат даккнивал аьгъяйзуз.

Югьандин-1 5:18

Ухьуз аьгъяхьуз, Аллагьдин велед гъахьир гунгьарихьан ярхла шула. Думу Аллагьдин Бали уьрхюра ва иблисдихьан дугъак кучуз шулдар.

Югьандин-1 5:1

Иса – Аллагьдин Месигь вуйивалихъ хъугънайидарикан Аллагьдин веледар ктучӀвура. Адаш ккунириз, Гьадгъулантина гъахьирра ккунду.

Колосс 1:23

Учву мици, хъугъувалин ижми ва мюгькам бинайиин дугъужвну ва Ужувлан хабарну учвуз бахш дапӀнайи умуднахъ хъади гъузиш, хьидичва. Думу Ужувлан хабарнакан учвуз гъеебхьунчвуз – аьршарин кӀанакк вари халкь дапӀнайибдиз дидкан хабар дебккна, ва узу, Павел, гьаддин гъайгъушнаъ айир вуза.

Рим агьларихьна вуйи кагъаз 5:10

Фицики, гьеле ухьу Аллагьдин душмнарди имиди, Дугъу ухьу Чан Балин аьжалниинди албагнуш, хъа гьамус албагну айиган, хъана ужуйи Чан Балин уьмриланмина Дугъу ухьу уьрхиди.

Рим агьларихьна вуйи кагъаз 4:25

Думу ихь гунгьарихъанди гъакӀну ва, Аллагьдин улихь ухьу гьякь апӀбан бадали, Думу чӀиви гъахьну.

Паччагьлугъар-3 8:15

Хъасин дугъу гъапнийи: – Чан мелзналан йиз адаш Давуддиз гаф тувуб Чан хилихъди тамам гъапӀу РАББИЙИЗ, Израилин Заануриз, шюкюр ибшри! Дугъу гъапнийи аьхир:

Югьандин-1 4:7

Багьалу вуйи дустар, гъачай чиб-чпи ккун апӀухьа, гьаз гъапиш масанвал Аллагьдихьан гъюрайиб ву. Масанвал айи гьарсар касди гьаци апӀуру, гьаз гъапиш думу Аллагьдин веледарикан сар гъахьну ва Аллагь дугъаз аьгъя.

Фессалоник-1 4:13

Гъардшар, учуз учву гъийихдарикан фукӀа-мукӀа аьгъдарди гъитуз ккундарчуз. Сабдикра миж кимдру имбу адмийириси, дурарин дердер мизиганай.

Галат 6:16

Мясляаьт ва ужʼвал ибшри гьамци апӀрудариз ва Аллагьдин Израилиз!

Фессалоник-2 2:16

ва гъит ухьу ккун гъапӀу, ва Чан ужувлиинди ухьуз зат ккудудубкӀру ккарцувал ва ужувлан умуд багъиш гъапӀу Чав, Агъа Иса Месигьди, ва Аллагьди, ихь Адашди,

Петрин-1 1:13

Гъит, гьаддиз ичв фагьум фагьмихъ хъади ибшри, ва ляхнар апӀуз гьаммишан гьязурди гъузай. Вари ичв умуд Аллагьдин гъянивалиин илипай, хъа гъиямат йигъан Иса Месигь гъафиган, учвуз ичв умуд кайиб вари багъиш апӀиди.

Петрин-1 1:21

Учву Думу гъачӀидаригъян чӀиви гъапӀу ва Дугъаз ад туву Аллагьдихъ, Гьадгъулантина хъугъначва. Гьаци вуйиган, ичв хъугъвал ва миж Аллагьдиъ авучв.

Петрин-1 3:5

Фила-вуш садар вахтари, Аллагьдиин хъугъвал али дишагьлийири, чпи гьамцдариинди балгуйи, аьхир! Дурар чпин жиларихъ хъпехъуйи.

Петрин-1 3:15

Хъа Агъа Месигьдин гьюрмат ичв юкӀвариъ гирамиди уьбхяй. Учвуъ яшамиш шулайи умуд фтиин биналамиш дубхьна, кӀури, гьерхруриз, ккунириз жаваб тувуз шлубси гьязурди гъузай;