Петрин-1 1:21 - Гирами Китаб

²¹ Учву Думу гъачӀидаригъян чӀиви гъапӀу ва Дугъаз ад туву Аллагьдихъ, Гьадгъулантина хъугъначва. Гьаци вуйиган, ичв хъугъвал ва миж Аллагьдиъ авучв.

Петрин-1 1:21 Referans Kwoze

Ляхнар 2:24

Хъа Аллагьди, аьжалин кьюкьяр дармадагъин дапӀну, Думу чӀиви гъапӀну, фицики Думу аьжалихьан дерккуз гъабхьундайи.

Жугьдариз 2:9

Ухьуз Иса сацӀиб вахтназ малайикартӀан исинади Дерккур гьамус адлуди ва гьюрматлуди рякъюрахьуз, гъаз гъапиш аьжаликк ккахъур Гьадму ву. Фицики Аллагьди ухьуз ужʼвал дебккбан бадали, гьарсарин аьжалнахъанди Думу Учв аьжализ гъушну.

Югьан 12:44

Исайи аьхю дихниинди гъапи: – Фуж Узухъ хъугъраш, гьацир Узухъ хъугърадар, хъа Узу Гьаурихъ хъугъра.

Петрин-1 3:22

Завариина за духьну, Думу гьамус Аллагьдин арччул хилихъинди хъа. Дугъаз вари малайикар, гьюкмар ва кьудратар мютӀюгъ гъахьну.

Петрин-1 1:11

Дурари, Месигьдин Рюгьну фуну вахтнакан кӀураш, фицдар гьялариъ Месигьдин аьзабар шулуш, ва гьадму аьзабарин кьяляхъ шлу Дугъан аднакан аьгъю апӀуз ккунди, ахтармишʼвалар гъухнийи.

Жугьдариз 7:25

Гьаддиз Дугъʼан, Чан кюмекниинди Аллагьдихьна гъюрудар гьуркӀну уьрхюз удукьуру. Думу Гьаммишанур ву ва Дугъу гьарган дурарихъанди гафра йивура.

Эфес 1:15

Магьа гьаддиз, Агъа Исайихьна айи ичв хъугъуваликан ва Аллагьдин вари гирами халкьдихьна айи ичв масанваликан узуз гъеебхьиган,

Тимофейиз-1 1:1

Ухьу уьрхру Аллагьдин ва ихь умуд кайи Месигь Исайин амриинди кадагънайи Иса Месигьдин вакил Павелихьан

Колосс 1:27

Аллагьди думу сирнан вари хазна ва ад Аллагь аьгъдру халкьариз улупуз кӀури ачмиш гъапӀну. Дидин сир Месигь ухьуъ яшамиш хьувалиъ а. Месигь ихь гъюз ккайи адлувалин умуд ву.

Рим агьларихьна вуйи кагъаз 10:9

Эгер уву яв ушвниинди: «Иса Агъа ву», – кӀури, Аллагьди Думу гъачӀидаригъян чӀиви гъапӀубдихъ, юкӀв хъипну, хъугъиш, уьрхидиву.

Рим агьларихьна вуйи кагъаз 4:24

хъа ухьу бадали дупна. Ихь Агъа Иса Месигь чӀиви ГъапӀурихъ хъугъруш, ухьура гьякь апӀиди.

Ляхнар 4:10

учвуз варидариз ва вари Израилин халкьдиз аьгъю ибшри, му, учву дариз гъизигу ва Аллагьди чӀиви гъапӀу Назаретдиан вуйи Месигь Исайин гьунарниинди думу ичв улихь сагъ духьну, дийигъна.

Ляхнар 3:15

Учву уьмур Туврайир гъакӀунчва. Ари Гьадму Аллагьди, гъачӀихъан, чӀиви гъапӀну, ва учу мидин шагьидар вуча.

Ляхнар 3:13

Му Аллагьди гъапӀуб ву: Ибрагьимдин, Исакьдин ва Якьубдин Аллагьди, ихь абйирин Аллагьди Чан Гъараваш Иса адлу гъапӀну. Хъа учву Думу йикӀуз гъитунчва ва, Пилатдиз Думу азад апӀуз ккун гъабшиган, Думу нигь гъапӀунчва.

Югьан 17:1

Му гафар гъапиган, Исайи завузди кӀул за апӀру ва кӀуру: – Я Адаш! Йиз сяаьт улубкьну. Яв Бай адлу апӀин, Яв Бали Уву адлу апӀбан бадали.

Югьан 14:6

Исайи жаваб туву: – Узу вуза Рякъ, Узу вуза Гьякь ва Уьмур. Анжагъ УзхьанминатӀан Адашдихьна гъягъюз шулдар.

Югьан 14:1

Исайи варидариз кади кӀуру: – Гъит ичв юкӀвариан шаклувалар удучӀври! Учву Аллагьдихъ хъугърачва, гьаци Узухъра хъугъай!

Югьан 3:34

Фицики Аллагьди Гьаънайир Аллагьдин гафариинди улхура, гьаз гъапиш Аллагьди Дугъаз бегьем Гирами Рюгь тувна.

Матта 28:18

Багахьна дуфну, Исайи дурариз гъапи: – Узуз завариин ва жилариин вари гьюкум тувназуз.

Жугьдариз 6:1

Гьаддиз гъачай, Месигьдикан вуйи аьгъюваларин бинайиланзина яшназ дуфнайидариз вуйи аьгъювалариина улдучӀвидихьа. Ухьу гьамус хъана аьжалихъна гъахру гунгьар гардандиъ дисуваликан, Аллагьдихъ хъугъну ккуниваликан, штуан хьуваликан, хилар иливбакан, гъачӀидар чӀиви хьуваликан ва гьаргандин Суддикан вуйи аьгъюваларин бин хъана ккивуз хъюгъидархьа.

Югьан 17:5

Ва гьамус, дюнʼя ккебгъайиз улихьна, Узу Увухъди хъайиган, Узуз фици ад айиш, гьациб адниинди Узу адлу апӀин, эй Адаш.

Югьан 17:24

Я Адаш! Узуз ккундузуз, Уву Узуз тувдар Узу шлушваъ Узухъди духьну. Гъит дурариз Уву Узуз туву Йиз ад рябкъри. Фицики дюнʼя арайиз хайиз Уву Узу ккун гъапӀунва.

Коринф-2 6:15

Месигьдин Велиарихъди (иблисдин ччвур) аьлакьа хьуз мумкин вуйин? Ясана хъугърурна хътругърур саб шулин?

Тимофейиз-1 3:16

Саб гаф адарди ихь хъугъувалин сир зурба ву: Думу бедендиъди гъафну, Рюгьну гьякь гъапӀну, Думу малайикариз гъяркъну, Дугъкан халкьариз ктибтну, Думу дюнʼяйиъ хъугъувалиинди кьабул гъапӀну, Думу адлуди завариз за гъахьну.

Петрин-1 1:3

Ихь Агъа Иса Месигьдин Адаш ужувлиинди ишричав. Дугъу, Иса Месигь чӀиви апӀбиинди Чан зурба вуйи ужʼвал улупну, ухьу заълан бабкан гъахну ва цӀийи уьмрихъ хъаъну.