Петрин-1 1:1 - Гирами Китаб

^1-2 Иса Месигьдин вакил Петрихьан гъурабйирди жара жилариин Понтдиъ, Галатдиъ, Каппадокияйиъ, Азияйиъ ва Вифанияйиъ дарагънайи, Аллагьди Чан рябкъювалиинди кадагънайи хъугънайидариз, учву, Рюгьну гирами дапӀнайидар, Иса Месигьдихъ хъпехъбан ва Дугъан ифдиинди марцц хьпан бадали, учвуз гьуркӀну вуйи ужʼвал ва мясляаьт ибшричвуз!

Петрин-1 1:1 Referans Kwoze

Якьубдин 1:1

Аллагьдин ва Агъа Иса Месигьдин лукӀ Якьубдихьан вари дюнʼя вуйибси дарагънайи Израилин йицӀикьюб тухмин Аллагьдин адмийириз – саламар!

Жугьдариз 11:13

Вари гьадму адмийир, хъугъну ва, чпиз гаф тувнайиб улубкьайиз, гъийихну. Дурариз думу гаф тувнайи уьлке ярхлаан гъябкънийи ва рази гъахьнийи. Дурариз, чпи му дюнʼяйиъ гъурабйирди айиб ва вахтназтӀан даруб аьгъю гъабхьнийи.

Эфес 2:19

Гьаци вуйиган, учву сарун жарадар ва гъирагъдилан дарчва. Учву Аллагьдин гирами халкьдизстар ихтиярар айи саб пай вучва ва Дугъан хизандин адмийир вучва.

Ляхнар 8:4

Чпин йишвариан утӀурккну, гьар йишвариъ гъадаргъу хъугънайидари Ужувлан хабар рабгъуйи.

Югьан 11:52

ва неинки гьаму халкьдихъанди, хъа гьацира вари дюнʼя вуйибси дарагънайи Аллагьдин веледар сабвалихъна хпан бадалира.

Матта 24:22

Хъа гьадму йигъар Аллагьди кам гъапӀундайиш, сар каскьан ккададархьрийи, амма Чав кадагънайидар бадали Дугъу гьадму йигъар кам апӀиди.

Петрин-1 2:11

Йиз багьа вуйидар, гьаму дюнʼяйиин улукьуз дуфну, кьяляхъ гъягъюри рякъʼин алидарси, кӀвахьди дяви гъабхурайи жандин тямягьярихьан ярхлади гъузуб учвкан ккун апӀураза.

Эстер 3:8

Аманди паччагь Ахашʼверушдиз гъапну: «Яв паччагьлугъдин вари вилаятарин халкьарин арайиъ сабсан халкь а. Думу халкьдин къанунар вардаринстар дар, мидланра савайи дурари паччагьдин къанунарра тамам апӀурадар. Паччагь му аьгьвалатнахъди рази духьну ккундар.

Петрин-2 1:1

ЛукӀвал апӀурайи Иса Месигьдин вакил Петрихьан – Аллагьди гьякь апӀбиинди ва Уьрхрурин – Иса Месигьдин кюмекниинди ухьуз гъабхьибсиб багьа хъугъувал гъабхьидариз – саламар.

Эфес 2:12

Думу вахтари учву Месигь хътарди гъахьунчва. Учву Аллагьдин халкь вуйи Израиларик кахьрайидар дайчва. Гирами Йикьрариъ Аллагьди тувнайи гаф учвуз кайиб дайи. Учву му дюнʼяйиъ миж ктарди, я Аллагь адарди яшамиш шулайидар вуйчва.

Коринф-2 1:8

Узуз, гъардшар, Азияйиъ айиган учʼин улукьу читинваларикан учвузра аьгъю дубхьну ккундузуз. Дурар гьадмукьан аьгь апӀуз даршлукьандар вуйики, сарун учу чӀивиди гъузур кӀури, миж кимдайич.

Ляхнар 18:2

Душваъ дугъаз Понт юрднаан вуйи Акила кӀуру сар жугьуд дихъуру. Думу чан шив Прискилайихъди Италияйиан удучӀвну дуфнайир вуйи, фицики Римдин паччагь Клавдийи вари жугьдариз Римдиан удучӀвну гъягъюз буйругъ дебккнайи. Павел дурариин улуркьуз гъафнийи.

Ачмиш 1:11

Диди гъапи: «Вари увуз рябкъюрайиб кагъзик бикӀ ва Эфесдиъ, Смирнайиъ, Пергамдиъ, Фиатирайиъ, Сардисдиъ, Филаделфияйиъ ва Лаодикияйиъ айи ургбиб жямяаьтариз хъадапӀ».

Тимофейиз-2 1:15

Асия уьлкейиъ, Гермогенна Фигелра кади, узхьан вари гьидицнайиваликан аьгъявуз.

Галат 1:2

гьамшваъ узухъди хъайи вари гъардшарихьан – Галатдиъ айи хъугърударин жямяаьтриз саламар.

Коринф-1 16:19

Азияйиъ хъугърудари учвуз саламар хътаура. Агъайихъ хъугънайивалиъ гъардашна чи вуйи Акилайина Прискилайи ва дурарин хулаъ уч шулайи хъугъру варидари мани саламар хътаурачвуз.

Ляхнар 19:10

Гьамци кьюд йис гъябгъюру ва вари жугьдаризна Асияйиъ яшамиш шулайи грекариз Агъа Исайин Ужувлан хабарнакан гъеебхьнийи.

Ляхнар 18:23

Душваъ сацӀиб вахтна гъузбалан кьяляхъ, дугъу чан рякъ давам апӀуру ва, Галатияйиъна Фригияйиъ шагьриан шагьриз гъягъюри, душвариъ вари ученикарин хъугъувал мюгькам апӀури гъахьну.

Ляхнар 6:9

Киринеяйиан, Александрияйиан, Киликияйиан, Асияйиан вуйидар ва Азадлуйирин мистан терефкрар Стефандихъди гьюжатнаъ учӀвру.

Югьан 7:35

Жугьдари чпин арайиъ кӀури гъахьну: – Думу, ухьхьан агуз даршлуси, наана гъягъюз ккайкӀан? Белки Дугъаз, Грек уьлкейин шагьрариз душну, дурарин арайиъ яшамиш шулайи ихь агьалйириз вая грекариз аьгъювалар улупуз ккунди ашул гьа?

Матта 10:2

Магьа йицӀикьюр ученикдин ччвурар: сарпир Петр кӀури шлу Симон ва дугъан чве Андрей, Зеведейин бай Якьубна дугъан чве Югьан,

Матта 4:18

Иса Галилей гьюлхъантина гъягъюрайиган, Дугъаз чвйир вуйи кьюр кас гъяркънийи: Петри лакӀам хъайи Симон ва дугъан чве Андрей. Дурар балугъчйир вуйи, ва думу вахтна дурари гьюликк чул ккипрайи.

Лука 18:7

Аллагьди уьрхидаринхъа, Чаз йигъ-йишвди ккарагурайи, Чав ктагъдар, гьеле дурар уьрхюз кьан апӀурушра?