Насигьятар 26:12 - Гирами Китаб

¹² Гъяркъюнвуз адми, учв аькьюл айирси гьисаб апӀури? Гьацир адмийикантӀан абдликан хъа артухъ хайир а.

Насигьятар 26:12 Referans Kwoze

Насигьятар 29:20

Гъяркъюнвуз инсан, дав гафар идирчрур? Гьацир адмийикантӀан абдликан хъа артухъ хайир а.

Рим агьларихьна вуйи кагъаз 12:16

Чиб-чпихъди албагну яшамиш йихьай. Фурс мукубчӀванай. Аьжузарихъди дуствал апӀуз нач мапӀанай. Жвувкан заанди фикир мапӀанай.

Насигьятар 28:11

Девлетлуйиз учв аькьюл айирси рякъюра, хъа фикирлу касибур дугъан гъавриъ ахъди.

Ачмиш 3:17

Уву: „узу девлетлу вуза, узу девлетлу гъахьунза, узуз сарун фукӀара ккимбуб имдариз“ – кӀураш, увуз, уву фукьан бахтсуз, аьжуз, касиб, кур ва гъяцӀал вуш, аьгъдарвуз.

Матта 21:31

Му кьюрикан адашдин тӀалаб шли тамам гъапӀну? Дурари кӀуру: «Сарпири». Исайи дурариз кӀуру: – Дугъриди кӀуразачвуз: налук уч апӀрударна чӀуру аднан дишагьлийир учвутӀан ухди Аллагьдин Паччагьлугъдиъ учӀвди.

Насигьятар 26:5

Жаваб тув абдлиз ахмакьвалиинди, дугъаз учв аькьюл айирси дархьбан бадали.

Лука 18:11

Фарисейи, ккарагруган, чакна гьамци кӀуру: «Я Аллагь! Увуз чухсагъул кӀураза, узу миди вуйи пис инсанарсир, тӀарашчйирсир, алдатмиш апӀрударсир, кьяппйирсир вая гьаму налукар уч апӀрурсир дарапӀбаз.

Лука 7:44

Хъа дишагьлийихьинди илдицну, Симондиз гъапи: – Гьаму дишагьли рякъюрануз? Узу яв хулаз гъафунза, уву Узуз ликар жикӀуз шид тувундарва; хъа дугъу Йиз ликар чан нивгъариинди гъижикӀнийиз, чан кушарихьди марцц гъапӀнийиз.

Насигьятар 26:16

Темпли учв, фагьумлуди улхурайи ургуртӀан зина аькьюл айирси гьисаб апӀура.

Насигьятар 22:29

Гъяркъюнвуз инсан, ляхнин устад? Думу паччгьарин гъуллугънаъ а, асккандарин – ваъ.

Насигьятар 3:7

Жвув аькьюл айирси, гьисаб мапӀан, гучӀ апӀин РАББИЙИХЬАН, йихь ярхла писвалихьан –

Югьан 9:41

Исайи жаваб туву: – Эгер учву кур вуйидар вуйиш, учву апӀурайи гунгьариъ ичв тахсир адархьидийи; хъа учву кӀурачва: «учуз рябкъюрачуз», гьаддиз ичв гунагь учвʼин гъубзра.

Насигьятар 12:15

Ахмакьри чан жилгъа дишуб вуди гьисаб апӀури шулу, хъа аькьюл айири теклифариз иб туври шулу.

Насигьятар 28:26

ЖвувʼинтӀан хъугъвал алдрур абдал ву, хъа аькьвлин жилгъйириъди гъярайир, уьрхиди.