Насигьятар 1:9 - Гирами Китаб

⁹ му – зурба таж ву яв кӀулʼина, багьа зунжур ву яв гардандиккна.

Насигьятар 1:9 Referans Kwoze

Даниял 5:29

Думуган Балтасари амур гъапӀу – ва Даниялиин уьру палат алабхьнийи, дугъан гардандиъ гъизилин зунжур абхънийи ва, гьюкуматдиъ думу шубурпи кас ву, кӀури, мялум гъапӀнийи.

Насигьятар 4:9

КӀулʼин иливидияв гизаф успагьи кунцӀ, хибди увуз думу крабчӀурайи таж.

Насигьятар 3:22

Дурари увуз уьмур тувди, адмийирин масанвал увуз жавагьирси хьибди.

Эвел 41:42

Дугъу чан тӀубхъан чан мугьур кайи тӀублан хътапӀу ва Юсуфдин тӀубахъ хъапӀу. Дугъу Юсуфдиин назук парчайин палат алабхьу ва гардандиъ гъизилин зунжур ипу.

Даниял 5:16

Хъа узуз сир айиб ачухъ апӀуз ва дючӀюбгънайиб гъюдубчуз увʼан удукьуру кӀури, деебхьнайиз. Ари гьамус, гьаму дибикӀнайиб урхуз ва узуз дидин мяна ктибтуз увʼан удукьиш, увʼин уьру палат алабхьидивуин, гардандикк ккабхъуз гъизилин зунжур тувдивуз ва гьюкуматдиъ шубурпи кас хьидиву.

Даниял 5:7

Паччагьди, фалчйир, фахрийир, хядарихъди лигрудар хъади гъачай кӀури, гьарйир-чӀигъар апӀуз хъюгъю – хъасин Вавилондин му аьяндрариз гъапи: – Шли узуз гьаму дибикӀнайиб гъурхиш ва дидин мяна ктибтиш, дугъʼин уьру палат алабхьиди, дугъаз гардандикк ккабхъуз гъизилин зунжур тувди ва думу гьюкуматдиъ шубурпи кас хьиди.

Насигьятар 3:3

Гъит гьякьну ва рягьми уву гатӀатӀахьри: гавагьирарси яв гардандиъ ахь дурар, бикӀ яв кӀвак –