Насигьятар 1:22 - Гирами Китаб

²² «Фукьандиз гъузди авамар авамди, ккуниб апӀури, ягьсузар – ягь адрувалиин аьшкьлуди, абдлар – аьгъювалар даккунди?

Насигьятар 1:22 Referans Kwoze

Насигьятар 5:12

«Гьаз ибак гъапӀундайкӀан насигьятар узу, тягьнийирра тина апӀуйи йиз юкӀву,

Насигьятар 1:29

Дурари аьгъювалар даккун гъапӀну, РАББИЙИХЬАН вуйи гучӀ гьадабгъну,

Ачмиш 22:17

Рюгьнура ва швушвура кӀура: гъач! Хъпехъурайирира, гъит, йипри: гъач! Дахаргнайирра, гъит, гъюри! Шлиз ккундуш, гъит, уьмрин шид чӀанади гъадабгъри!

Петрин-2 3:3

Сифтена-сифте учвуз аьгъю дубхьну ккундуки, аьхиримжи йигъари чпин хусуси тямягьярихъди гъягъру рихшанд апӀувалар арайиз гъиди.

Югьан 3:20

Фицики чӀуруб апӀурайи гьарсар касдиз акв даккун шулу ва, чан чӀуру ляхнар ашкар даришри пну, думу аквнахьна гъягъюрдар.

Лука 19:42

Хъа кӀуру: – Хуб ужу шлийи, эгер увуз мясляаьт шли хураш, гьамус аьгъю гъабхьнийиш! Амма му яв уларихьан гьамусяаьт гьебкна.

Матта 9:13

Учву сабан «Гъурбан апӀуб ваъ, хъа рягьим апӀуб ккун апӀураза», – кӀуру гафарин мяна аннамиш апӀинай. Узу марцци касар ваъ, хъа гунагькрар дюз рякъʼина хуз Дуфнайир вуза.

Насигьятар 21:11

Ягьсузриз жаза адабтӀара – дюзенйир фикирлу хьиди, аькьюл айир насигьятнахъ хъаъ – дугъан аьгъювалар за хьиди.

Матта 23:37

Эй, пайгъамбрар йивну йихру ва чахьна гьау илчйириин гъван уьлюбхру Ерусалим! Швнубан Узуз, пеъли чан хлинццариккна шюхъярси, яв халкь уч апӀуз ккун гъабхьунзуз, хъа учву кӀул ккивундарчва!

Матта 17:17

– Эй хътругъру инсанар! – кӀуру гьадмуган Исайи. – Узу учвухъди филадизкьан гъузди, кӀурачва?! Узу учву филадиз аьгь апӀуза?! Думу Узухьна аькъинай!

Насигьятар 19:29

Ягьсуз ккутӀурччвидар суддиккан, хъа абдлин йирфар – йивбариккан.

Насигьятар 15:12

Ягьсузриз учв дюз алаъну ккундар, ва, аькьюл айидарин арайиъ гъузузра гъузидар.

Насигьятар 14:6

Ягьсузри абгура аькьюл, дабгну ккудубкӀурадар, хъа фикирлуйиз рягьятди аьгъю шула аьгъювалар.

Насигьятар 8:5

Уьмрин тажруба цӀибди айидар, фагьум апӀуз дубгъай, абдлар, фикрихьди ацӀай!

Насигьятар 7:7

ва авамарин арайиъ гъяркъюнзуз, жигьиларин арайиъ ккархьниз уларикк сар жигьил фагьумсуз.

Насигьятар 6:9

Фукьан дахъну гъузру, я темпел, вахт дарин нивкӀʼан хъергуз?

Насигьятар 3:34

Кялхърудариин Думу аьлхъиди, хъа фурс ктру ксариз бахш апӀура масанвал.

Насигьятар 1:7

РАББИЙИХЬАН гучӀ апӀуб – магьа фтиъ аш аьгъюваларин эвел! Аькьюлна насигьят нигь апӀрур ву ахмакь.

Насигьятар 1:4

гъитди дурари авамарихьди фикир апӀуз, жигьиларихьдира аьгъюваларна аьяндарвал дубгъуз;

Насигьятар 1:21

уч духьнайи адмийириз дих апӀура, гимихъ гаф кӀура:

Насигьятар 1:32

Авамар, аькьвлихьна гъюз дархьиш, йикӀиди. Абдлар чпин гъайгъусузвали ккадахьиди.

Насигьятар 21:24

Гьяясузрин ва фурслурин ччвур «ягьсуз» ву, дугъан гьяясузвалин аьхир айиб дар.

Насигьятар 22:3

Фикирлуйиз харжиб гъябкъиш – кӀул ккадабгъиди, хъа авамар дидихьна диш дапӀну гъягъиди – хъасин хьиди чиб швумал.