Марк 9:7 - Гирами Китаб

⁷ Гьадмуган диф арайиз гъюру ва диди дурар чан сирникк ккаъру, хъа дифрагъян сес шулу: «Му Йиз масан Бай вуйиз. Гьамгъахъ хъебехъай!»

Марк 9:7 Referans Kwoze

Петрин-2 1:17

Дугъахьна «Му Йиз масан Бай вуйиз, Гьадгъаъ Йиз шадвал айиз» кӀуру зурбавалин Аднан дих гъабхьиган, Дугъу Аллагь Адашдихьан гьюрмат ва ад кьабул гъапӀну.

Матта 3:17

Ва завʼан дих шулу: «Му Йиз масан Бай вуйиз, Узу Дугъʼин гизаф рази вуза!»

Марк 1:11

завʼан дих шулу: «Уву Йиз масан Бай вува, Узу Увʼин гизаф рази вуза!»

Ачмиш 1:7

Магьа гьамус Думу дифар хъади гъиди ва гьарсариз Думу рякъиди, гьеле Дугъан мурглин тӀуларигъянзина жида гъюбччвдаризра кмиди. Дугъан улихь дюнʼяйиин али вари миллетари суза зигиди. Ав, дугъриданра гьаци ву! Амин.

Жугьдариз 2:1

Магьа гьаддиз, дюз рякъʼан ададахъбан бадали, ухьуз гъеебхьубдиз варитӀан уччвуйи фикир тувну ккунду.

Югьан 20:31

Аммаки гьаму вари дибикӀнайиб, учву Иса Месигь вуйибдихъ, Думу Аллагьдин Бай вуйибдихъ хъугъри пну ва Дугъахъ хъугъбиинди учвуз зат ккудудубкӀру уьмур хьпан бадали дибикӀнайиб ву.

Югьан 6:69

Гьамус учу хъугърача ва аьгъячуз, Уву Аллагьдин Гирамир вуйиб.

Югьан 1:34

Магьа узу адмийирин улихь шагьидвал апӀураза: Ари Гьадму ву Аллагьдин Бай».

Югьандин-1 5:20

Ухьуз, Аллагьдин Бай гъафиваликан ва гьякь Аллагь аьгъю хьуз ухьу гъаврикк ккауваликанра аьгъяхьуз. Ухьу гьякь Вуйириъ айибра аьгъяхьуз, фицики ухьу Дугъан Бай – Иса Месигьдиъ ахьа. Думу – гьякь вуйи Аллагь ву. Думу – гьаргандин уьмурра ву.

Рим агьларихьна вуйи кагъаз 1:4

хъа Гирами Рюгьналантина Думу, гъачӀихъан, чӀиви духьну, Аллагьдин Бай вуди кьудратниинди улупна. Му ихь Агъа, Иса Месигь ву.

Ляхнар 8:36

Рякъ давам апӀури, дурар штухъна гъюру ва хасижвуву Филипдихьан гьерхру: – Магьа шидра: узуз штуан хьуз фти машат апӀидихъа? [

Ляхнар 7:37

Израилин баяриз: «Ичв Агъа Аллагьди учвухьна ичв чвйирин арайиан, узуси, Пайгъамбар гьаъди» гъапирра гьадму Муса ву.

Ляхнар 1:9

Гьамци дупну, Иса, дурариз рякъюри, аьршариз за гъахьну ва дифру Думу дурарихьан ккеркру.

Югьан 19:7

– Учуз закон ачуз, – гъапи жугьдари, – закондиинди Думу дукӀну ккунду, гьаз гъапиш Дугъу, Учв Аллагьдин Бай вуза, гъапну.

Югьан 9:35

Исайиз думу утӀурккуваликан аьгъю шулу ва, дагну, гьерхру: – Уву Инсаниятдин Балихъ хъугърана?

Югьан 5:37

Гьаци Узу гьау Адашдира Узкан шагьидвал апӀура. Хъа учвуз Дугъан дих затра гъеебхьундарчвуз, ва учвуз Думу затра гъяркъюндарчвуз.

Югьан 5:18

Жугьдарин гьюкумдрари Иса, неинки Дугъу султ йигъандин къайда гъючӀюбгъну кӀури, хъа гьацира, Аллагьдин Бай вуза, кӀури, Учв Аллагьдихъди барабар апӀурайиган, айибтӀан артухъ Думу йивну йикӀуз чпин кьаст ижми апӀуру.

Югьан 1:49

– Агъа! Уву Аллагьдин Бай вува – Израилин Паччагь! – гьевесниинди гъапи Нафанаили.

Матта 27:54

Исайин гъаравлиъ айи юзбашийина дугъахъди хъайи эскрари, жилар тӀурччвувал ва мушвʼин гъаши жара гьядисйир гъяркъиган, бегьем гучӀ кабхъну, гъапи: – Му дугъриданра Аллагьдин Бай вуйиштӀан.

Матта 27:43

Дугъу Аллагьдик миж кивнайи. «Узу Аллагьдин Бай вуза», – КӀурайир, Думу, Аллагьдиз Гирамир вуш, Аллагьди уьрхри.

Даниял 7:13

Ва гъябкъзуз йишвандин йиз нивкӀукди: Дифарихъди завʼан фуж-вуш сар шула багахь – инсансир ву думу. Хъади гъушний, хъуркьси, думу Йисар Кюгьне вуйирихьна.

Марк 9:6

Петри мици, фу кӀуруш ва гьапӀруш аьгъдрури, гъапиб вуйи, фицики ученикариз яман гучӀ дубхьнайи.

Марк 9:8

Гьадму сяаьт дурар вари терефаризди лигуру, амма дурариз чпин багахь Исайилан гъайри фужкӀа гъяркъюндайи.

Лука 3:22

ва Аллагьдин Рюгь луф жюрейиинди Исайиина ис шулу, хъа завʼан дих шулу: – Уву Йиз масан Бай вува! Узу Увʼин гизаф рази вуза!

Югьан 12:28

Гьадму арайиъ завариан дих атӀабгуру: – Адлу гъапӀунза ва хъана адлу апӀидиза!