Марк 9:47 - Гирами Китаб

⁴⁷ Эгер яв ули уву тямягьнахьна гъахураш, адабгъ думу! Увуз саб ул ади Аллагьдин Паччагьлугъдиъ учӀвуб ужу ву, кьюбиб уларра амиди жегьеннемдиъ ахъайиз.

Марк 9:47 Referans Kwoze

Матта 18:9

Яв ули уву тямягьнахьна гъахураш, думу адабгъну, ярхлаз гатӀабхь: увуз, кьюб ул ади, жегьеннемдин цӀигъ ургайиз, саб ул ади, ккудудубкӀру уьмриъ учӀвуб ужу вувуз.

Марк 9:43

Эгер яв хили уву тямягьнахьна гъахураш, хъадабтӀ думу! Увуз саб хил хъади женнетдиъ учӀвуб ужу ву, кьюб хил хъади зат ктӀрубшвру цӀа айи жегьеннемдиъ ахъайиз. [

Матта 5:22

Хъа Узу учвуз кӀуразаки, шли чан багахьлу хъюлакк гъидисиш, думу чан суд апӀбакк ккуркьди, ва шли чан гъардшиз «усал кас» гъапиш, думу Заан диванханайиъ чан суд апӀбакк ккуркьди, хъа шли жарариз «ахмакь» гъапиш, думу жегьеннемдин цӀигъ гъитбакк ккуркьди.

Галат 4:15

Гьамус ичв думугандин гьевес-шадвал набши? Думуган, саб шак адарди кӀураза, лазим гъабхьнийиш, ичв ул узуз тувуз гьяйиф хьибдайчвуз!

Лука 14:26

– Эгер сар кас Узухьна, чан адашна дада, хпирна веледар, чвйирна чйир, гьацира чан хусуси уьмур нигь дапӀну дарфиш, дугъкан Йиз ученик хьидар.

Эвел 3:6

Дишагьлийиз гьарин йимишар, итӀуз ужудар, уччвудар ва аькьюл туврудар вуди, рякъюру. Дугъу гьаргъян йимиш гъюдубтӀуру, ипӀуру, жилиризра тувру ва дугъура ипӀуру.

Марк 9:46

]

Югьан 3:3

Исайи дугъаз жаваб вуди кӀуру: – Гьякьлу вуйи гьякь кӀуразавуз: анжагъ учв цӀийикӀултӀан бабкан гъаширихьантӀан Аллагьдин Паччагьлугъдиъ учӀвуз хьибдар.

Югьан 3:5

Исайи дугъаз жаваб туву: – Гьякьлу вуйи гьякь кӀуразавуз: фуж штуан ва Гирами Рюгьнахьан цӀийикӀултӀан бабкан дархьиш, дицирихьан Аллагьдин Паччагьлугъдиъ учӀвуз хьибдар.