Марк 9:43 - Гирами Китаб

⁴³ Эгер яв хили уву тямягьнахьна гъахураш, хъадабтӀ думу! Увуз саб хил хъади женнетдиъ учӀвуб ужу ву, кьюб хил хъади зат ктӀрубшвру цӀа айи жегьеннемдиъ ахъайиз. [

Марк 9:43 Referans Kwoze

Матта 25:41

Гьадмуган Дугъу чан гагул терефнахъ хъайидариз пиди: – Йиз улариккан дург духьну гъарахай, нянайикк ккайидар, иблисдиз ва дугъан хликк ккайидариз гьязур дапӀнайи жегьеннемдин цӀиз гъарахай.

Жугьдариз 12:1

Лигай, ухьлан, дифаркьан, шагьидар илтӀикӀна! Гьаддиз гъачай, ухьлан ухьуз гьергуз машат апӀурайиб ва гьацира ухьу алдакуз гъитрайи гунагь вари илдипурхьа ва сабурлуди ухьуз кадабтӀнайи манзил ккадапӀурхьа.

Матта 5:22

Хъа Узу учвуз кӀуразаки, шли чан багахьлу хъюлакк гъидисиш, думу чан суд апӀбакк ккуркьди, ва шли чан гъардшиз «усал кас» гъапиш, думу Заан диванханайиъ чан суд апӀбакк ккуркьди, хъа шли жарариз «ахмакь» гъапиш, думу жегьеннемдин цӀигъ гъитбакк ккуркьди.

Галат 5:24

Месигь Исайиндари, чпин гунагькар бедендин вари дерккуз даршлу ва чиркин тямягьяр хачрак карсна.

Матта 3:12

Дугъан хилиъ йирф хьибди, Дугъу дяхинна нахъв жара апӀиди: дяхин Чан танхариъ абхьди, хъа нахъвар гьаммишан убгру цӀигъ гъяхьну ургиди».

Титдиз 2:12

Аллагьдин ужувлу ухьуз гьаму дюнʼяйиъ, аллагьсуз уьмрихьан ва му дюнʼяйин тямягьярихьан ярхла духьну, жвув хилиъ дидисну, марцциди ва намуслуди яшамиш йихь кӀурахьуз.

Колосс 3:5

Гьаддиз, учву гьаму дюнʼяйихьан дибиснайи учвуъ айиб вари: кьяппавал, чиркинвал, ктирсуз даршлу тямягьяр, асккан тямягьяр, кьискьисвал – гатӀахьай. Мицдар тӀулар идолариз икрам апӀувал ву.

Рим агьларихьна вуйи кагъаз 8:13

Эгер учву ичв бедендин гьюкмиъ яшамиш шулуш, йихидичву. Хъа эгер учву рюгьниинди ичв гунагькар бедендин тямягьар гъачӀиш, уьмур гъазанмиш апӀидичва.

Лука 14:13

Хъа шадвал апӀру вахтна аьжузариз, шикастариз, ликудариз, курдариз дих апӀин.

Петрин-1 2:1

Гьаци вуйиган, гьарсаб чӀуруб, гьарсаб кучӀал, кью-кьюб маш гъивнайивал, маш ккадарди хьувал, гьар жюрейин футнийир гатӀахьай.

Коринф-1 9:27

Ваъ, жарадариз Ужувлан хабарнакан ктибтруган, жвув тина дарапӀузди, узура йиз беден вердиш апӀураза, думу узуз мютӀюгъ апӀураза.

Лука 14:21

Хъа хъадакну гъафи гьадму лукӀру чан агъайиз гьамрар вари ктитну. Гьадмуган хъял кубчӀву хулан эйсийи чан лукӀраз гъапну: «Гъарах, шагьрин кючйиригъян дагну, тяди мина аьжузар, шикастдар, ликудар ва курдар хъади гъач».

Матта 17:27

Амма ухькантина дурар инжик дархьбан бадали, гьюлихъна душну, гъармах ккипну, сифте хъабхъу балугъ гъянзуйихъан хъадабгъ; ва дидин ушв абццган, душваъ лазим кьадар арсран пул бихъидивуз; думу балугъин ушвниан адабгъну, Узхъандина увхъанди вуйи налукнаанди дурарихьна тув.

Марк 9:44

]

Лука 3:17

Дугъан хилиъ йирф хьибди, Дугъу дяхинна нахъв жара апӀиди: дяхин Чан танхариъ абхьди, хъа нахъвар хътрубгру цӀигъ гъяхьну ургиди.