Марк 9:41 - Гирами Китаб

⁴¹ Шли учвуз, Месигьдин ученикар вуди хьпаз лигну, саб кӀиф шид тувиш, хъугъай Узухъ, дугъаз чан пешкеш хьибди.

Марк 9:41 Referans Kwoze

Матта 10:42

Хъа шли, Йиз ученик хьпаз лигну, гьаму бицӀисдарикан сарнуриз саб кӀифкьан мичӀли шид тувиш, гьякьди кӀуразачвуз, дугъаз чан пешкеш хьибди.

Матта 25:40

Ва Паччагь вуйи Инсаниятдин Бали дурариз жаваб вуди пиди: – Дюзди кӀуразачвуз, учву гьаму Йиз бицӀи гъардшарикан саризкьан гьаци гъапӀнуш, гьадму учву Узуз гъапӀу мисал ву.

Коринф-2 10:7

Учву шейʼарин зиъланди лигурачва! Месигьдинур вуза кӀури, саб шак адарди фикир апӀурайириз гъит аьгъю ибшри, думуси учура Месигьдин адмийир вуча.

Коринф-1 15:23

Амма гьарсар чан къайдайиинди: сифте, сабпи бегьер, Месигь, хъасин, Думу кьяляхъ гъафиган, Месигьдиндар вари, ухьу, чӀиви хьиди.

Рим агьларихьна вуйи кагъаз 14:15

Хъа эгер уву ипӀруб яв гъардшиз кьабул шуладарш, яв ляхнариъ масанвал адар. Яв хураг бадали гъардаш пуч мапӀан, Месигь гьадгъухъандира гъакӀну.

Рим агьларихьна вуйи кагъаз 8:9

Эгер дугъридан учвуъ Аллагьдин Рюгь яшамиш шулаш, учву бедендин гьюкмиъ яшамиш шуладарчва, хъа Рюгьназ мютӀюгъ шулачва. Шлиъ Месигьдин Рюгь адарш, думу Месигьдинур дар.

Галат 5:24

Месигь Исайиндари, чпин гунагькар бедендин вари дерккуз даршлу ва чиркин тямягьяр хачрак карсна.

Галат 3:29

Сарун учву Месигьдиндар вуш, Ибрагьимдин наслар вучва ва, гаф тувнайиси, ирс рубкьрудар вучва.

Коринф-1 3:23

хъа учву Месигьдиндар вучва, Месигь – Аллагьдин.

Марк 4:10

Чпи ялгъузди гъузиган, йицӀикьюрид ученикарина Исайихъди хъайидари Дугъхьан, гьаз гьамци, тахалусариинди кӀураш, гьерхру.