Марк 9:2 - Гирами Китаб

² Йирхьуд йигълан Иса, Чахъди Петрна, Якьубна, Югьан гъадагъну, ягъли дагъдиина хъади гъягъюру. Душвʼин жара кас алдайи. Хъа Иса дурарин улихь дигиш шулу.

Марк 9:2 Referans Kwoze

Марк 5:37

Дугъу Петризна, Якьубдизна, Якьубдин чве ЮгьандизтӀан ктарди, сарун саризра Чахъди гъюз ихтияр тувундайи.

Марк 14:33

Дугъу Чахъди Петрна, Якьубна Югьан гъадагъуру. Дугъан кӀваъ дердна гъалабулугъ абхъру.

Коринф-2 13:1

Учвухьна шубубпи ражари гъюраза. «Тахсир кипруган, кьюр вая шубур шагьид ади ккунду».

Паччагьлугъар-3 18:42

Ва Ахав ипӀуз ва убхъуз гъушнийи, хъа Илʼяс пайгъамбар Кармил дагъдин кӀакӀниина улдучӀвнийи. Душвʼин жилиина ис алахънийи ва чан кӀул кьамкьаригъ гъивнийи.

Ачмиш 20:11

Хъа узуз, зурба лизи тахт ва дидʼин Деънайир гъяркъзуз. Дугъан машнахьан вари жил ва зав гьергнийи, дурар дихъури имдайи!

Марк 16:12

Мидхъан Думу жара суратнаъди дурарикан кьюриз, чпи шагьриан удубчӀвурайи рякъюъ айиган, ачмиш гъахьнийи.

Филипп 3:21

Дугъу, ихь зяиф, аьжал хъайи жанар дигиш дапӀну, Чансиб нур тувру Бедендиз илтӀикӀиди. Дугъу ихь жанар вари дюнʼя Чаз мютӀюгъ апӀуз гъиту кьувватниинди илтӀикӀуз гъитди.

Рим агьларихьна вуйи кагъаз 12:2

Гъит, му дюнʼяйин гьюкмари учвʼин агъавал дарапӀри. Аллагьдин ужуб, рази ктаъру ва гьубкӀу ният фу вуш, аьгъю хьпан бадали, ичв фагьум цӀийи алапӀури, дигиш йихьай.

Югьан 1:14

Гаф Инсандиз илтӀикӀуру ва ухьухъди яшамиш шулу. Ухьуз Дугъан Аллагьвалин зурбавал ва кьувват гъябкъюнхьуз, масанвали ва гьякьвали ацӀнайидар – Дугъаз дурар, Адашдихъ хъайи сар Бай вуди хьпаз гъурукьну.

Лука 6:12

Гьадму йигъари Иса, ккарагбан бадали, дагъдиз удучӀвуру ва ярхи йишвди Аллагьдиз ккарагури шулу.

Матта 14:13

Му хабар гъеебхьу Иса, люткейиъ эъну, фужкӀа адру саб халват йишваз хъапӀну, гъягъюру, хъа мидкан хабар дубхьну, адмийир, чпин шагьрар гъитну, Дугъан кьяляхъди ликри гъягъюз хъюгъю.

Паччагьлугъар-3 18:33

Дугъу гакӀвлар албагнийи, йиц паяриз гъубкнийи ва гакӀвлариин дивнийи.