Марк 9:18 - Гирами Китаб

¹⁸ Жин алабхъруган, думу жилиина гатӀахьури шулу, кӀвантӀаригъна каф гъядапӀуру ва, сппар илчӀигури, жан дичӀибгну дебккру. Узу яв ученикарихьан думу жин утӀубккуб ккун гъапӀунза, хъа дурарихьан гъабхьундар.

Марк 9:18 Referans Kwoze

Марк 11:23

Гьякь кӀуразачвуз: эгер шли гьаму дагъдиз «Яв йишвʼлан улдубчӀвну, гьюлиъ убс!» гъапиш ва, кӀваъ шаклу даршиди, хъугъиш, гьадмура тамам хьибди.

Марк 9:26

Жин, балин жан яманди дутӀубччвну, чӀигъар апӀури, удубчӀвуру. Думу дукӀнайирси дитнайи, ва гизафдари думу гъакӀну кӀуйи.

Марк 9:20

Бай Дугъахьна хуру. Жинди, Иса гъяркъюбси, бай жилиина гатӀархьуз гъитру ва кӀвантӀаригъна каф гъютӀубччвну, мина-тина диргъуз гъитру.

Матта 17:16

Узу думу Яв ученикарихьна хъади гъафунза, амма дурарихьан думу сагъ апӀуз гъабхьундар.

Ляхнар 7:54

Му гафарихъ хъпехъурайи жугьдарин гьякимдрари хъюлу ургури, силбари жакьракьар апӀурайи.

Ягьудайин 1:13

Гьюлин вягьши лепйирси, дурар, чпин ягьсуз ляхнар, чиркин кафси, зиина алдаърудар ву. Дурар аьсрариан-аьсрариз пис мучӀушназ гьязур дапӀнайи, улдугну завариъ уьргънайи хядар ву.

Матта 15:22

Магьа Хананей уьлкейиан вуйи сар дишагьлийи, ишури дуфну, Исайиз кӀуру: – Я Агъа, Давудгъярин Бай, йиз язухъ апӀина! Йиз риш, жинар кучӀвну, аьхю балайикк кка.

Матта 8:12

Хъа Паччагьлугъдиз улупнайидар чӀатинди мучӀушназ утӀурккиди: душваъ зурба ишубна суза хьибди.

Марк 9:17

Халкьдигъян сар касди жаваб тувру: – Мялим! Увухьна йиз бай духназа. Дугъаъ чиркин рюгь а. Диди дугъахьди гафар апӀуз гъитрадар.

Марк 9:19

– Эй хътругъру инсанар! – кӀуру гьадмуган Исайи. – Узу учвухъди филадизкьан гъузди кӀурачва?! Узу учву филадиз аьгь апӀуза?! Думу Узухьна аькъинай!