Марк 9:17 - Гирами Китаб

¹⁷ Халкьдигъян сар касди жаваб тувру: – Мялим! Увухьна йиз бай духназа. Дугъаъ чиркин рюгь а. Диди дугъахьди гафар апӀуз гъитрадар.

Марк 9:17 Referans Kwoze

Лука 11:14

Саб ражари Исайи чӀал дибиснайирикан жин ктапӀу ва думу улхуз хъюгъю, халкьра мидʼин мюгьтал гъахьи.

Марк 9:25

Халкь Чахьна гъюри дябкъну, Исайи чиркин рюгьназ буйругъ тувру: – Ебхьуз гъидритру ва чӀал бисру жин, Узу увуз буйругъ тувраза: удубчӀв дугъʼан ва сану муубчӀван!

Югьан 4:47

Иса Ягьудия уьлкейиан Галилейиз дуфнайибдикан деебхьну, думу Дугъахьна гъюру ва, чан йикӀру гьялнаъ айи бай сагъ апӀуз Кафернагьумдиз гъач, кӀури, Исайиз миннатар апӀуру.

Лука 9:38

Сабпну халкьдин арайигъян сари гьарай гъапӀну: – Мялим! Миннат вуйиз Увуз, дуфну йиз бализ лига, узухъ хъайир думу сар вуйиз!

Марк 10:13

Исайихьна, Дугъу кӀуллан карк алдатбан бадали, бицӀидар хуру, хъа ученикари хуз гъитри гъахьундар.

Марк 7:26

Хъа думу дишагьли жугьуд дайи, думу Сирофиникияйин миллетдикан вуйи. Дугъу Исайикан чан шурʼан жин утӀубккуб тӀалаб апӀурайи.

Марк 5:23

ва, Дугъкан миннат апӀури, кӀуру: – Йиз риш йикӀура. Миннат вуйиз, дуфну дугъʼин хилар илив, думу сагъ хьиди, чӀивиди гъузди.

Матта 17:15

кӀуру: – Я Агъа! Йиз балин язухъ апӀина! Думу гьарза шула ва читин аьзабарикк ккахъра, чӀур шули, цӀиъ ва штуъ урсрира шулу.

Матта 12:22

Дидин кьяляхъ Исайихьна, жинар кади, дярябкъру ва чӀал дибиснайи сар кас хуру, Дугъу думу кас сагъ апӀуру, гьаци думу чӀалниинара гъюру ва дугъан улариз рябкъюзра хъюгъру.

Матта 9:32

Уларихь акв гьибшдар удучӀвубси, магьа Дугъахьна жинар кучӀвнайивалиан чӀал дибиснайир хъади гъафи.

Марк 9:16

Исайи ученикарихьан гьерхру: – Фтин кӀуллан мурарихъди гьюжатар апӀурачва?

Марк 9:18

Жин алабхъруган, думу жилиина гатӀахьури шулу, кӀвантӀаригъна каф гъядапӀуру ва, сппар илчӀигури, жан дичӀибгну дебккру. Узу яв ученикарихьан думу жин утӀубккуб ккун гъапӀунза, хъа дурарихьан гъабхьундар.