Марк 9:12 - Гирами Китаб

¹² Исайи дурариз жаваб тувру: – Ав, дугъридан, Илʼясди, улихьмиди дуфну, вари ккабалгну ккунду. Хъа Гирами китабариъ Инсаниятдин Балкан Дугъʼин гизаф аьзабар улуркьиди ва Думу ужуз апӀиди кӀури, гьаз дибикӀна?

Марк 9:12 Referans Kwoze

Лука 23:11

Гьиродна чан эскрар, Дугъʼина аьрвалар хури, кялхъру. Исайиин паччгьаринсдар палтар алахьну, Пилатдихьна кьяляхъ гьаъру.

Лука 1:76

Хъа увуз, йиз бай, ВаритӀанзаанурин пайгъамбар пиди, гьаз гъапиш уву Агъайин улихьди Дугъаз рякъяр ккабалгуз,

Лука 23:39

Исайихъди дариз дизигнайи гъачгъарикан сари Дугъаз чӀуру гафар апӀурайи: – Эгер Уву Месигь вуш, Увура, учура уьрх.

Матта 26:24

Гьамци, Гирами китабариъ улупнайиганси, Инсаниятдин Бай масу тувди, амма шли Инсаниятдин Бай масу тувраш, дугъаз бала хьибди: думу касдиз, учв бабкан гъахьундайиш, ужу шуйи!

Матта 16:21

Гьадму вахтналан хъюгъну, Исайи ученикариз Учв Ерусалимдиз душну ккуниваликан, душваъ аьхюдари, аьхюну маллйири, къанунчйири Учв гизаф аьзабарикк ккитруваликан ва Учв йивну йикӀруваликан, шубудпи йигъан чӀиви шлуваликан ктибтуз хъюгънийи.

Марк 9:13

Хъа Узу учвуз кӀуразачвуз: Илʼяс гъафну, ва дугъкан чпиз ккуниб гъапӀну. Гьаци дибикӀна Гирами китабариъра.

Марк 9:31

гьаз гъапиш Дугъаз Чан ученикариз аьгъювалар улупуз ккундийи. Дугъу дурариз гъапнийи: – Инсаниятдин Бай багарихьди инсанарин хилиз тувди ва йикӀиди. Думу йикӀиди, амма шубуд йигълан чӀиви хьиди.

Марк 10:33

– Магьа ухьу Ерусалимдиз гъягъюрахьа. Инсаниятдин Бай аьхю маллйиринна къанунчйирин хилиз тувди. Думу, карсну йикӀуз жаза адабтӀну, жугьуд дарударин хилиз тувди.

Ляхнар 1:6

Хъасин дурар вари сабишвʼина уч гъашиган, вакилари Исайихьан гьерхнийи: – Я Агъа! Уву гьамус Израилиз паччагьлугъвал дебккрадарнахъа?

Ляхнар 4:11

Думу, устйири нигь дапӀну ва хъасин мурччван кӀулин гъван гъаши, Гъван ву.