Марк 8:17 - Гирами Китаб

¹⁷ Дурар фтикан улхураш аьгъяди, Исайи кӀуру: – Учву уьл хьтарчухь кӀури, гьаз гъалабулугънаъ ахъначва? Мегер учву гьамусра гъаври ахънаданчва? Ва учвуъ фукӀара убчӀвнадарин? Ичв юкӀвар гьамусра курди имийин?

Марк 8:17 Referans Kwoze

Марк 6:52

Уьлерихъди гъабхьи аьламатнан дурар гъавриъ ахъундайи, ва дурарин юкӀвар курди гъузнийи.

Марк 2:8

Хъа Исайи, Чан Рюгьнахьди дишла дурарин кӀван фикрар аьгъю дапӀну, кӀуру: – Гьаз дицдар фикрар ичв юкӀвариъ тӀаърачва?

Марк 3:5

Исайи хъял кади ул дурарилан илбицуру ва, дурарин инсафсуз юкӀвар вуйивалин хажалат зигури, гьадму адмийиз кӀуру: – Яв хил гьачӀабкк. Дугъу хил гьачӀабккуру, ва му хилра гьатмунубси сагъ шулу.

Ачмиш 2:23

Дугъан бицӀидарра аьжалихь гьирчдиза. Гьадмуган вари жямяаьтариз аьгъю хьибди: ичв юкӀвариъ ва фагьмариъ жиниди уьбхюрайиб вари аьгъюр Узу вуйиб, ва гьарсариз Узу, чан ляхнариз дилигну, тувдиза.

Югьан 21:17

Ва шубубпи ражарира Исайи дугъаз кӀуру: – Я Югьаннайин бай Симон, увуз Узу ккундунуз? Дугъу, Учв ккундунуз кӀури шубубпи ражнура гьерхиган, Петриз иццру апӀуру. – Я Агъа, Увуз вари аьгъявуз, – кӀуру дугъу Исайиз. – Узуз Уву ккуниб Увуз аьгъявуз. – Йиз марччар уьрх, – кӀуру Исайи. –

Югьан 16:30

Увуз вари аьгъюбдин учу гьамус гъавриъ ахъунча. Увхьан гьерхайизра кмиди Уву жавабар туврава. Магьа гьаддиз Уву Аллагьдихьан дуфнайибдихъ хъугърача.

Лука 24:25

Гьадмуган Исайи дурариз гъапи: – Агь, пайгъамбрари гъапидарихъ хътругъру ахмакьар ва кӀван кагьалсузар!

Марк 16:14

Аьхирки, йицӀисар ученик суфрайихъ деъну уьл ипӀурайиган, Иса Учв ачмиш шулу ва, кӀван курвализ ва хътругъувализ дилигну, Дугъу дурариз тягьна йивуру, гьаз гъапиш дурар Думу чӀиви духьну гъяркъдарихъ хъугъундайи.

Матта 15:17

Ушвниъ убчӀвуб вари фуниз рубкьрувалин ва дилинтина чӀатинди удубчӀвну гъябгърувалин гьаз гъавриъ ахърадарчва?

Матта 12:15

Хъа Исайиз мидкан аьгъю шулу ва дишла удучӀвну гъягъюру. Дугъан кьяляхъди гизафдар гъягъюру, ва Дугъу иццурайидар вари сагъ апӀуру.

Матта 16:7

Ученикар: «Му учу уьлер гъададагъиган кӀурайиб вуйкӀан», – кӀури, фикрик кахънийи.

Марк 8:16

Хъа дурари чиб-чпин арайиъ гъапи: «Мугъу мици, ухьухь уьл хьадруган, кӀурайиб ву».