Марк 7:26 - Гирами Китаб

²⁶ Хъа думу дишагьли жугьуд дайи, думу Сирофиникияйин миллетдикан вуйи. Дугъу Исайикан чан шурʼан жин утӀубккуб тӀалаб апӀурайи.

Марк 7:26 Referans Kwoze

Матта 15:22

Магьа Хананей уьлкейиан вуйи сар дишагьлийи, ишури дуфну, Исайиз кӀуру: – Я Агъа, Давудгъярин Бай, йиз язухъ апӀина! Йиз риш, жинар кучӀвну, аьхю балайикк кка.

Колосс 3:11

Гьаци гъахьиган, грекна жугьуд миллетдин, суннат дапӀнайиринна адрурин, варваринна скифдин, лукӀранна азад вуйирин арайиъ фаркьвал адар. Месигь вариб ву, ва варибдиъ айир Гьадму ву!

Галат 3:28

Сарун жугьдаринна жара миллетарин фаркьлувал имдар, лукӀранна азад вуйирин фаркьлувал имдар, жилижвуванна дишагьлийин фаркьлувал имдар. Гьаз гъапиш учву вари, Месигь Исайихъди саб вучва.

Матта 4:24

Дугъан ад вари Сирия вилаят вуйиси абхънийи, Исайихьна гьар жюрейин уьзрар кайидар хуз хъюгъру: жинар кайидар, гьарза шлудар, паралич кайидар, – ва Дугъу дурар сагъ апӀуйи.

Марк 7:25

Исайикан чиркин рюгь убчӀвнайи сар шуран дадайиз аьгъю шулу. Думу дишла Дугъахьна гъюру ва ликарикк, икрам апӀури, ккархьру.

Марк 7:27

Исайи гъапи: – Сифте баяр-шубар ацӀри. Дурарихьан тадабгъну, уьл хуйириз ккипуз хай даршул.