Марк 7:14 - Гирами Китаб

¹⁴ Исайи, хъана Чахьна халкьдиз дих дапӀну, кӀуру: – Вари узухъ хъебехъай ва гъаври йихьай.

Марк 7:14 Referans Kwoze

Матта 15:10

Хъасин Исайи, халкьдиз дих дапӀну, кӀуру: – Узухъ хъебехъай ва аннамиш апӀинай:

Ляхнар 8:30

Дидихьна гъушиган, Филипди, дугъу Ишая пайгъамбрин китаб урхури деебхьну, гьерхру: – Урхурайибдин гъаври ахърана?

Насигьятар 8:5

Уьмрин тажруба цӀибди айидар, фагьум апӀуз дубгъай, абдлар, фикрихьди ацӀай!

Паччагьлугъар-3 22:28

Михейи гъапнийи: – Эгер уву ягъурлувалиинди кьяляхъ хътаркиш, РАББИЙИ йиз мелзналан дарпиб гьисаб ибшри. Ва дугъу хъана гъапнийи: – Гъит, вари халкьариз гьаму ебхьри!

Паччагьлугъар-3 18:21

Думуган Илʼяс пайгъамбар халкьдихьна удучӀвнийи ва гъапнийи: – Кьюб кусрийиин деъну гъузуз хъана фукьан чалашмиш хьидичва? Эгер РАББИ Заанур вуш, Дугъахъди гъарахай, хъа эгер Баал Заанур вуш – дугъахъди гъарахай. Халкьди дугъаз жаваб вуди гафкьан гъапӀундайи.

Лука 12:1

Му арайиъ, агъзрариинди халкь уч духьну, сари-сар хъуржуз хъюгъиган, Исайи сифте Чан ученикариз кӀуру: – Ихтият йихьай фарисйирин дунихьан. Думу кьюб маш гъяйивал ву.

Марк 7:13

Гьамци учву Аллагьдин гаф ичв аьдатназ илтӀибкӀунчва ва наслариз гьаци ктибтурачва. Гьаму мисалназ ухшар гизаф чӀуру ляхнар апӀури шулучва.

Марк 7:15

Инсандиъ чӀатан убчӀвру гьич сабдихьанра думу чиркин апӀуз даршул. Инсандиан удубчӀвруб – магьа думу чиркин апӀруб. [