Марк 6:6 - Гирами Китаб

⁶ Думу дурарин хътругърайивалиин мюгьтал духьнайи. Хъасин Думу гъулʼан-гъулаз гъягъюри, адмийириз аьгъювалар туври шулу.

Марк 6:6 Referans Kwoze

Матта 9:35

Иса, жугьдарин мистариъ аьгъювалар улупури, Аллагьдин Паччагьлугъдикан Ужувлан хабар рабгъури ва гьар жюрейин уьзрарна иццрушнар кайидар сагъ апӀури, шагьрарна гъулар вуйиси лицури гъахьну.

Матта 8:10

Му гафар гъеерхьиган, Иса мюгьтал шулу, Дугъу Чан кьяляхъди гъюрайидариз кӀуру: – Гьякьди кӀуразачвузки, Израилиъра Аллагьдихъ гьамкьан хъугърайи кас гъяркъюндарзуз.

Лука 13:22

Хъасин, гьамци аьгъювалар улупури, шагьриан шагьриз, гъулʼан гъулаз гъягъюри, Иса Ерусалимдиз рякъюъ учӀвру.

Ляхнар 10:38

Гирами Рюгь ва кьувват туву, Аллагьди Месигь гъапӀу Назаретлу Исайикан аьгъячвуз. Аллагь гьарган Исайихъди гъахьну ва Иса варишвариъ ужувлар апӀури ва иблисдин гьюкмикк ккайикьандар вари сагъ апӀури, лицури гъахьну.

Югьан 9:30

– Мюгьтал шлу ляхин вуки, учвуз Думу наънан вуш аьгъдарди хьуб, хъа Дугъу узуз рябкъювал тувунзуз, – жаваб вуди гъапи думу адмийи.

Матта 4:23

Исайи, вари Галилей уьлке вуйибси лицури, жугьдарин мистариъ аьгъювалар улупури, Аллагьдин Паччагьлугъдикан хабар туври, гьарсаб уьзрихьан халкь сагъ апӀури гъахьну.

Лука 4:44

Исайи Ягьудия уьлкейин мистариъ аьгъювалар улупувал давам апӀури гъахьну.

Лука 4:31

Хъа Галилейиъ айи Кафернагьум кӀуру шагьриз дуфну, Исайи халкьдиз султ йигъари аьгъювалар улупури гъахьну.

Марк 1:39

Гьамци Думу вари Галилей вуйибси, мистариъ аьгъювалар улупури ва жинар утӀурккури, лицуру.

Марк 10:1

Му йишвʼан Иса Ягьудия юрдназ ва Ярдан нирин тмуну жилариина гъягъюру. Дугъахьна хъана халкьар гъюйи, Дугъу, гьарганси, дурариз аьгъювалар улупуйи.