Марк 6:41 - Гирами Китаб

⁴¹ Исайи, хьуб уьлна кьюб балугъ гъадагъну, завузди дилигну, Аллагьдин ужувлакк ккахьри, дупну, уьлер гьудутӀну, халкьдиз пай апӀуз ученикарихьна тувру. Дугъу варидаригъна кьюб балугъра пай апӀуру.

Марк 6:41 Referans Kwoze

Матта 14:19

Ва халкьдиз майдандиин деуб амур дапӀну, гьадму хьуб уьлна кьюб балугъ гъадагъну, завузди дилигну, Аллагьдин ужувлакк ккахьри, дупну, уьлер гьудутӀну, ученикарихьна тувру, хъа дурари халкьдиз тувру.

Марк 7:34

Хъа завузди дилигну, дериндиз ил хъадабгъну, кӀуру: – Эффата! (яна «Арцц!»)

Лука 24:30

Дурарихъди суфрайихъ гъюн йивну деънайиган, Исайи, уьл гъадабгъну, Аллагьдиз баркаллагь дупну, гьудубтӀуру ва дурариз пай апӀуру.

Лука 9:16

Исайи, хьуб уьлна кьюб балугъ гъадагъну, завузди дилигну, Аллагьдин ужувлакк ккахьри, дупну, гьудутӀну, ученикарихьна халкьдиз пай апӀуз тувру.

Паччагьлугъар-1 9:13

Шагьриъ учӀвубси, учвуз думу дишлади дихъидичвуз! Тядиди, думу ибадат апӀрушваъ шлу демдиз гъягъяйиз, думу хътарди, халкь ипӀуз хъюбгъидар, гъурбан гъапӀу йикк ипӀуз дугъу РАББИЙИХЬАН ипӀуз хъюгъюз ихтияр гъадабгъну ккунду аьхир, анжагъ гьаддин кьяляхътӀан хяларихьан ипӀуз шулдар. Кьан дарапӀди гъарахай, учвуз думу дишлади дихъидичвуз.

Коринф-1 10:31

Гьаддиз, учву ипӀурашра, убхъурашра, фу апӀури гъашишра, вари – Аллагьдин ад бадали апӀинай.

Югьан 17:1

Му гафар гъапиган, Исайи завузди кӀул за апӀру ва кӀуру: – Я Адаш! Йиз сяаьт улубкьну. Яв Бай адлу апӀин, Яв Бали Уву адлу апӀбан бадали.

Югьан 11:41

Гъван гьадабгъуру. Исайи улар зина заъру ва кӀуру: – Адаш, Увуз баркаллагь кӀураза, Увуз Узу ерхьбаз.

Марк 14:22

Дурари хураг ипӀурайи вахтна, Исайи уьл гъадабгъну, ужуб сяаьт ибшри дупну, думу гьудубтӀуру ва, ученикарихьна туври, кӀуру: – Ма гъадабгъай, му Йиз беден вуйиз.

Колосс 3:17

Вари ичв улхбарра, ичв ляхнарра Гьадгъулантина, Адаш Аллагьдиз чухсагъул кӀури, Агъа Иса бадали апӀинай.

Рим агьларихьна вуйи кагъаз 14:6

Сари йигъарикан сад йигъ, имбу йигъартӀан багьа ву кӀураш, дугъу гьаци Агъайин гьюрматназ апӀура, ва фунуб-вуш саб хураг ипӀрурира Агъа бадали гьаци апӀура, гьаз гъапиш, Аллагьдиз чухсагъул кӀура. Ва фунуб-вуш саб хураг дирипӀрурира Агъайин гьюрматназ гьаци апӀура, гьаци дугъура Агъайиз чухсагъул кӀура.

Югьан 6:23

Гьадмуган Тиверияйиан гъафи сякьюдар люткйир, Агъайи баркаллагь дупну, халкьди уьл гъипӀу йишвахьна гъюру.

Югьан 6:11

Исайи Аллагьдиз баркаллагь дупну, уьлер гьудутӀну, деънайидариз тувру. Ва балугъарра гьаци дапӀну, гьардиз чаз ккунибкьан тувру.

Матта 26:26

Дурари хураг ипӀурайи вахтна, Исайи уьл гъадабгъуру, ужуб сяаьт ибшри дупну, думу гьудубтӀуру ва, ученикарихьна туври, кӀуру: – Ма гъадабгъай, ипӀинай: му Йиз беден вуйиз.

Матта 15:36

гьаму ургуб уьлна балугъар гъадагъуру ва, Аллагьдиз чухсагъул кӀури ккарагну, уьлер гьудутӀну – ученикарихьна, хъа ученикари халкьдиз тувру.

Ляхнар 27:35

Гьамци дупну, дугъу уьл гъадабгъну, варидарин улихь Аллагьдиз чухсагъул дупну, кудубтӀну, ипӀуз хъюгъру.

Марк 6:40

Халкь хьу-хьуцӀур ва варж-варж кас ади, жергйириъди деъру.

Марк 6:42

Вари халкьди ипӀуру, тухъ шулу

Марк 8:19

Узу хьуб уьл хьуд агъзуригъна пай гъапӀиган, хъиригъу уьлерин швнуб тавра ацӀунчва? – ЙицӀикьюб, – жаваб тувру дурари.