Марк 6:2 - Гирами Китаб

² Султ йигъан Исайи мистаъ аьгъювалар улупуз хъюгъру. Дугъахъ хъпехъурайи гизафдари, мюгьтал духьну, кӀуйи: – Гьамгъан гьаму аьгъювалар наънан ву? Мугъаз мициб фагьум шли тувна? Гьамцдар аьламатнан ляхнар Гьамгъан хилариинди фици шула?!

Марк 6:2 Referans Kwoze

Югьан 6:42

– Му Юсуфдин бай Иса даринхъа? – кӀуйи дурари. – Ухьуз Мугъан адашна дада аьгъдарди айинхъа? Гьаз Мугъу мици: аьршариан гъафир Вуза, кӀурахъа?

Югьан 7:15

Жугьдар мидʼин мюгьтал духьнайи. – Мугъаз наънан гьамкьан аьгъяйкӀан? – кӀуйи дурари. – Дугъу наанкӀа дурхнадар, аьхир.

Матта 4:23

Исайи, вари Галилей уьлке вуйибси лицури, жугьдарин мистариъ аьгъювалар улупури, Аллагьдин Паччагьлугъдикан хабар туври, гьарсаб уьзрихьан халкь сагъ апӀури гъахьну.

Матта 7:28

Исайи, вари гьаму гафар дупну, ккудубкӀган, мушвахь хьайикьан халкь Дугъан улупбариин мюгьтал гъахьну,

Лука 4:15

Исайи мистариъ аьгъювалар улупуйи, ва вардари Думу адлу апӀуйи.

Марк 1:39

Гьамци Думу вари Галилей вуйибси, мистариъ аьгъювалар улупури ва жинар утӀурккури, лицуру.

Марк 10:1

Му йишвʼан Иса Ягьудия юрдназ ва Ярдан нирин тмуну жилариина гъягъюру. Дугъахьна хъана халкьар гъюйи, Дугъу, гьарганси, дурариз аьгъювалар улупуйи.

Лука 2:47

Исайихъ хъпехъурайидар вари Дугъан фагьумлувалиин ва Дугъан жавабариин мюгьтал духьнайи.