Марк 6:12 - Гирами Китаб

¹² Дурар гъягъюру ва, адмийир чпин гунгьариин швумал хьпан бадали, дурариз аьгъювалар улупуру.

Марк 6:12 Referans Kwoze

Матта 4:17

Думу вахтналанмина Исайи, аьгъювалар улупури, гьамци кӀуз хъюгъру: «Ичв гунгьар гардандиъ дидисну, уьмур дигиш апӀинай, фицики Аллагьдин Паччагьлугъ багахь дубхьна».

Ляхнар 20:21

Жугьдаризна грекариз узу Аллагьдин улихь тахсрар гардандиъ дисувалин ва ихь Агъа Исайихъ хъугъвалин жавабдарвалиинди шагьидвал гъапӀунза.

Ляхнар 11:18

Му гафар гъеерхьиган, дурари гьерхбар дерккру. – Рябкъюрайиганси, Аллагьди жугьуд дарударизра цӀийи уьмур бадали чпин тахсрар гардандиъ дисуз ихтияр тувну, – кӀури, дурари Аллагьдин ад апӀуру.

Ляхнар 2:38

Петри дурариз кӀуруки: – Ичв гунгьар гардандиъ дидисну, уьмур дигиш апӀинай. Ва ичв гунгьарилан хил алдабгъбан бадали, гьарсар кас Месигь Исайин ччвурнахъан штуан йихьай: гьадмуган учвуз Гирами Рюгь пешкеш хьиди.

Лука 13:3

Ваъ, кӀуразачвуз: эгер учву ичв гунгьар гардандиъ дидрисиш, тахсрар апӀури гъашиш, учвура вари гьаци йихидичву.

Лука 11:32

Гъиямат йигъан Ниневияйин агьалйир му наслин адмийирин дивандиз дуфну, дурарин тахсрар ачухъ апӀиди, фицики Юнусди улупу аьгъювалариинди дурари чпин гунгьар гардандиъ гъидисну. Хъа магьа мушвахь ЮнустӀан аьхюр Вуйир хьа!

Матта 3:8

Учву, ичв гунгьар гардандиъ дидисну, уьмур дигиш апӀуз шлуси, ичв ляхнариинди улупай.

Матта 3:2

«Ичв гунгьар гардандиъ дидисну, уьмур дигиш апӀинай, – кӀуйи дугъу, – фицики Аллагьдин Паччагьлугъ багахь шула».

Ляхнар 26:20

Хъа Дамаскдиъ, гьацира Ерусалимдиъ ва вари уьлкейиъ, хъасин жугьуд дарударин арайиъра, дурари, чпин тахсрар гардандиъ дидисну, Аллагьдихьинди илдицбан бадали ва чпин ляхнариинди му тасдикь апӀбан бадали, аьгъювалар улупуз хъюгъюнза.

Ляхнар 3:19

Гьаци вуйиган, ичв тахсрар гардандиъ дисай ва, ичв гунгьарилан хил алдабгъбан бадали, Агъайихьинди илтӀикай.

Лука 24:47

ва, вардари чпин гунгьар гардандиъ дисруси, Аллагьди чпилан хил алдабгъруси, Ерусалимдилан ккебгъну варишвариъ Йиз ччвурнахъан Ужувлан хабар рабгъиди.

Лука 15:10

Гьамци Аллагьдин малайикарра чан тахсрар гардандиъ гъидису сар гунагькриканра шад хьиди.

Лука 15:7

КӀуразачвузки, гьамци аьршариъра чан тахсрар гардандиъ гъидису гунагькрикан, урчӀвцӀурна урчӀвур гунгьар ктарзук кӀурайи марцци касарикантӀан, артухъ шад хьиди.

Лука 13:5

Ваъ, кӀуразачвуз: эгер учву ичв гунгьар гардандиъ дидрисди, тахсрар апӀури гъашиш, учвура вари гьаци йихидичву.

Марк 1:15

Дугъу кӀуйи: «Вахт улубкьна. Аллагьдин Паччагьлугъ багахь дубхьна! Ичв гунгьар гардандиъ дидисну, уьмур дигиш апӀинай, Ужувлан хабарнахъ хъугъай!»

Матта 11:20

Хъасин Исайи вартӀан гизаф Чав аьламатар улупу шагьрариз тягьнийир йивуз хъюгънийи, гьаз гъапиш дурари чпин гунгьар гардандиъ гъидисундайи.

Матта 9:13

Учву сабан «Гъурбан апӀуб ваъ, хъа рягьим апӀуб ккун апӀураза», – кӀуру гафарин мяна аннамиш апӀинай. Узу марцци касар ваъ, хъа гунагькрар дюз рякъʼина хуз Дуфнайир вуза.

Лука 9:6

Аллагьдин Паччагьлугъдикан Ужувлан хабар рабгъури ва аьзарлуйир сагъ апӀури, дурар гъулариъ лицуз рякъюъ учӀву.

Марк 1:3

ИчӀи чюлиъ дих атӀабгура, „Агъайиз рякъ ккабалгай. Дугъаз рякъяр-жилгъйир дишдар апӀинай!“»

Матта 11:1

Чан йицӀикьюр ученикдиз табшуругъар тувну ккудукӀиган, Иса, дилин удучӀвну, Галилей уьлкейин шагьрариз аьгъювалар улупуз гъягъюру.