Марк 5:7 - Гирами Китаб

⁷ ва аьхю дихниинди кӀуру: – Яв узухъди фу вуяв, ВаритӀанзаанур, Аллагьдин Бай Иса? Аллагьисан, Увуз миннат вуйиз: йиз зегьле мабхан!

Марк 5:7 Referans Kwoze

Матта 8:29

Ва сабпну дурари чӀигъар апӀуз хъюгъю: – Яв учухъди фу вуяв, Аллагьдин Бай?! Вахт хьайизра учуз жаза тувуз дуфнана?

Ляхнар 16:17

Павелинна ич кьяляхъди гъюри, дугъу, гьамци кӀури, чӀигъар апӀури гъахьну: – Му касар ВаритӀанзаану Аллагьдин гъуллугъчйир ву! Дурари ухьуз уьрхивалихьна рякъ улупура!

Ягьудайин 1:6

Узуз гьацира малайикариканра кӀваин апӀуз ккундузуз: дурарихьан чпиз туву гьюкум уьбхюз гъабхьундайи ва чпи яшамиш шулайишвар гатӀахьнийи. Агъайи дурар, суд апӀру зурба Йигъ гъяйиз, гьаммишандин зунжрарихьди мучӀушнаъ уьрхюра.

Матта 26:63

Исайи чӀалкьан гъапундайи. Маллйирин аьхюри гъудужвну Исайиз кӀуру: – Узу Аллагьдин улихь Увкан дишди пуб тӀалаб апӀураза: Аллагьдин Бай Месигь Уву вуна?

Ачмиш 12:12

Гьаци вуйиган шадвалин сес ипай, аьршар ва душван агьлар! Язухъ ву жилин ва гьюлин! Учвухьна яман хъял ади, чан вахт хъубкьнайиб аьгъяди, иблис дуфна».

Ляхнар 19:13

Шагьриан шагьриз гъягъюри, жинар утӀурккурайи бязи жугьдарин сюгьюрчйирра кмиди, жинар кайидариз гьамци кӀури, Исайин ччвур бисуз чалишмиш шули гъахьну: – Увуз Чан гаф Павели улупурайи Исайин ччвурниинди амур апӀураза: удубчӀв гьаму касдиан.

Лука 8:28

Жин гагь-гагьнак кубчӀвруган, дугъан хилар-ликар зунжрарихьди ва гьялкьйирихьди йитӀуйи, амма дерккуз даршули, дурар кьатӀар апӀуйи, жинди думу аьсси апӀуйи, хъа чӀурариз гьергуйи. Исайи чиркин рюгьназ, мугъʼан удубчӀв пну, амур апӀуру. Иса гъяркъиган, дугъʼан чӀигъ утӀубччвуру ва, Дугъан улихьна ккадакну, зарбди кӀуру: – Яв узухъди фу вуяв, ВаритӀанзаан Аллагьдин Бай Иса? Миннат вуйиз, йиз зегьле мабхан!

Марк 3:11

Гьар ражари жинариз Думу рякърубкьан, дурар Дугъан улихь машнахъди икрамназ дахьуйи ва гьамци кӀури чӀигъар апӀуйи: «Уву Аллагьдин Бай вува!»

Матта 4:3

Думуган иблисди, Дугъахьна дуфну, Дугъаз гьамци кӀуру: «Эгер Уву Аллагьдин Бай вуш, гьаму гъванарикан уьлер хьуз гъит».

Югьандин-1 3:8

Гунгьар апӀрур иблисдинур ву, фицики иблисдира, чан сифте бинайианмина гунгьар апӀуйи. Аллагьдин Бай жилариина магьа гьамциб метлеб ади гъафир ву: иблисдин тӀулар терг апӀуз.

Петрин-2 2:4

Аллагьди гьеле малайикаркьан гьяйиф гъапӀундар; дурари гунагь гъапӀиган, жегьеннемдиъ дурар уржнийи ва гьаммишандин мучӀушнан зунжрарихьди суддин Йигъ гъяйиз дитӀнийи.

Марк 1:24

– Учкан фу ккундувуз, Назаретдиан вуйи Иса? Учу пуч апӀуз дуфнана? Узуз Уву аьгъязуз – Аллагьдин гьаънайи Гирамир!

Матта 16:16

Петри: – Уву Месигь, чӀиви Аллагьдин Бай вува, – пну, жаваб тувру.

Паччагьлугъар-3 22:16

Амма паччагьди дугъаз гъапнийи: – РАББИЙИН амриинди вуйи гьякьтӀан фукӀа жараб дарпуз уву ху апӀуз швнубан мажбур апӀуза?

Эвел 3:15

Увуна дишагьли душмнар апӀидизачву, ва ичв насларра чиб-чпиз душмнар хьиди: дугъан насли яв кӀул уьбгъидияв, ва уву думу наслин швякьраз галам йивидива.

Жугьдариз 7:1

Гьадму Мелхиседек Салим шагьрин паччагь вуйи ва ВаритӀанзаану Аллагьдин гъуллугъчи вуйи. Дугъаз, дявйир дапӀну, паччгьариин гъалиб духьну гъюрайи Ибрагьим алахънийи ва Мелхиседекди дугъаз Аллагьдин ужувлакк ккахъриву, гъапнийи.

Жугьдариз 2:14

Хъа веледар йиккканна ифдикан духьнайидар вуйиган, Дугъу Чахъра гьациб беден хъивну. Дугъу дици, Чан аьжалниинди аьжалин зиин гьюкум али иблисдихьан гьюкум бисузди,

Ляхнар 8:36

Рякъ давам апӀури, дурар штухъна гъюру ва хасижвуву Филипдихьан гьерхру: – Магьа шидра: узуз штуан хьуз фти машат апӀидихъа? [

Югьан 20:31

Аммаки гьаму вари дибикӀнайиб, учву Иса Месигь вуйибдихъ, Думу Аллагьдин Бай вуйибдихъ хъугъри пну ва Дугъахъ хъугъбиинди учвуз зат ккудудубкӀру уьмур хьпан бадали дибикӀнайиб ву.

Лука 6:35

Хъа учву ичв душмнар ккун апӀинай, ужувлар апӀинай, кьяляхъ бисуб миж ктарди, буржназра тувай, ва учвуз зурба пешкеш хьибди, ва учву ВаритӀанзаанурин баяр хьидичва. Фицики чпиз гъапӀу ужʼвал аьгъю даршлударизра, пис касаризра Аллагь гъянир ву.

Лука 4:34

– Учухъ фу хъаяв, Назаретдиан вуйи Иса? Уву учу пуч апӀуз дуфнана? Уву фуж вуш, аьгъязуз, Аллагьдин Гирамир!

Лука 1:32

Думу зурба Кас хьиди, ва Дугъаз ВаритӀанзаанурин Бай пиди. Агъа Аллагьди Дугъаз Чан аба Давудрин паччагьвалин тахт тувди.

Марк 14:61

Амма Исайи, ккебехъну, жаваб туврадайи. Аьхюну маллайи хъана Дугъхьан гьерхру: – Уву Месигь вуна, ВаритӀанзаанурин Бай?

Рим агьларихьна вуйи кагъаз 16:20

Мясляаьт туврайи Аллагьди багарихьди иблис дармадагъин апӀиди ва думу ичв ликариккинди гатӀабхьиди. Гъит, учвуз Агъа Исайин ужʼвал ибшри.

Марк 5:6

Ярхлаан Иса гъяркъюбси, думу Дугъахьна жаргъну дуфну, икрам апӀури, кьамкьариинди дахъру

Марк 5:8

Исайи: «УдубчӀв гьаму адмийиан, чиркин рюгь!» – гъапиган, диди гьаци гъапнийи.

Якьубдин 2:19

Уву Аллагь сар вуйивалихъ хъугърана? Ужуйи апӀурава! Гьеле жинарра хъугъра ва гукӀунди йихура.