Марк 5:23 - Гирами Китаб

²³ ва, Дугъкан миннат апӀури, кӀуру: – Йиз риш йикӀура. Миннат вуйиз, дуфну дугъʼин хилар илив, думу сагъ хьиди, чӀивиди гъузди.

Марк 5:23 Referans Kwoze

Лука 13:13

Хъа Исайи дугъʼин хилар иливуру, дишагьли дишлади хъцӀакуру ва Аллагьдин ад за апӀуз хъюгъру.

Лука 4:40

Ригъ алабхъурайи вахтна, Исайин багахьна жюрбежюр иццрушнар кайидар хури гъахьну. Исайира, гьаруриин Чан хилар иливури, дурар сагъ апӀури гъахьну.

Марк 16:18

Эгер битӀ гъибисиш, ясана агъу гъубхъиш, дурариз саб зарарра хьибдар; иццрудариин хилар иливиди – ва дурар сагъ хьиди.

Ляхнар 28:8

Публийин адаш фунин гъагъи уьзур кади ахниъ ахънади шулу. Павел дугъʼина улукьуз гъягъюру ва, ккарагну, дугъʼин чан хилар иливну, думу сагъ апӀуру.

Лука 4:38

Мистʼан удучӀвну, Думу Симондин хулаз гъушу. Симондин сижарбабак пис убцрушнан уьзур кайи ва Исайикан думу сагъ апӀувал тӀалаб гъапӀнийи.

Марк 8:23

Исайи курин хилхъан дибисну, гъулʼан адауру, ва дугъан улар Чан шурушнахьди кьяши дапӀну, хилар кӀулʼин иливну, гьерхру: – ФукӀа рябкъюрануз?

Марк 7:32

Дугъахьна кар ва цӀибтӀан улхуз даршлу сар кас хъади гъюру, дугъʼин хилар иливуб ккун апӀуру.

Лука 7:12

Хъа Иса шагьрин урнарихьна багахь гъашиган, сар ачӀни хпирин айина-адру бай дукӀну, дугъан майит накьваригъна гъабхуз адабгъури шулу, ва майтихъ хайлин халкьра хъайи.

Марк 6:13

Дурари гизаф жинар утӀурккуру ва, хифарин ччим ктатури, хайлин иццурайидар сагъ апӀуру.

Матта 8:3

Исайи, хил гьачӀабккну, дугъак кубкӀну: – Ккундузуз, марцц йихь, – кӀуру, ва дугъан хам дишлади марцц шулу.

Паччагьлугъар-4 5:11

Амма Наамандик хъял кубчӀвнийи ва, гьамци кӀури, гъушнийи: – Узу фикир апӀуйза: «пайгъамбар узухьна чарасуз удучӀвиди, дийигъиди, чан Заанур вуйи РАББИЙИЗ ккарагиди, иццрушвлан хил алдатиди ва гъидкьин уьзрихьан узу сагъ апӀиди».

Ляхнар 9:17

Ананайи, душну, гьадму хулаъ Саулиин хил иливну, дугъаз кӀуру: – Саул чве, мина гъюру рякъюъ увуз гъяркъю Агъа Исайи узу, яв улар сагъ апӀбан ва Гирами Рюгьну ацӀбан бадали, гьаъназу.

Ляхнар 6:6

Мурар вакиларин улихь дерккнийи ва, Аллагьдиз ккарагну, дурариин хилар иливнийи.

Югьан 11:3

Чйири Исайихьна гьамци кӀури хабар дебккуз гьаънийи: «Агъа, гьадмунур, Увуз ккунирнур, кетӀерццна».

Марк 5:24

Иса дугъахъди гъягъюру. Дугъахъди гизаф халкьра гъябгъюрайи ва юкьуб тереф Думу кьялаъ тӀаънайи.

Ляхнар 8:17

Гьадмуган Петрина Югьанди дурариин хилар иливуру ва Гирами Рюгь кьабул апӀуру.

Ляхнар 9:12

Дугъаз аьжайиб рякъбиинди, дугъан улар сагъ апӀуз дуфну, дугъʼин хил иливури Ананай кӀуру кас рякъюру.