Марк 5:15 - Гирами Китаб

¹⁵ Дурар Исайихьна гъюру ва, фу лигурва: кьушумкьан жинар кади гъашир, палтар алди, чан фикрихъ хъади деъна. Дурарик гучӀ кабхъру.

Марк 5:15 Referans Kwoze

Колосс 1:13

Дугъу ухьу мучӀушнан гьюкмиккан ккадаъну, Чан масан Балин Паччагьлугъдиз гьаъну.

Тимофейиз-2 1:7

Аллагьдин Рюгьну ухьуз гучӀ туврадар, хъа кьувват, масанвал ва сагъ фикир тувру.

Лука 8:27

Иса гъирагъдихъна ктучӀвиган, Дугъахьна ухдихъанмина жинар кайи сар кас гъюру. Думу, учв шагьриан вушра, палтар алалахьди, хулаъ ваъ, хъа накьварин хьарар-дюрхъяригъ яшамиш шулайир вуйи.

Марк 5:9

Хъа Исайи дугъхьан гьерхру: – Ччвур фуж вуяв? – Йиз ччвур кьушум вуйиз, гьаз гъапиш учу гизаф жинар вуча, – жаваб туву дугъу.

Лука 10:39

Дугъаз Марʼям кӀуру чи айи; думу, Исайин ликарихъ деъну, Дугъан гафарихъ хъпехъури гъахьну.

Паччагьлугъар-1 16:4

Шамуили, чаз РАББИЙИ амур гъапӀганси, гъапӀу. Думу Вифлеемдиз гъафиган, аьхюдар гъалабулугъ кади дугъан улихьна удучӀву. – Ислягьвалиинди уву учухьна гъафунва? – гьерху дурари.

Марк 5:18

Иса люткейиъ эърайиган, чакан жинар ктӀурккури учвра гъадагъуб ккун апӀуру.

Марк 5:16

Му аьламат гъябкъдари дурариз, жинар кайирикан ва силарикан фу гъабхьнуш, ктибтнийи.

Марк 5:4

Дугъан хилар-ликар зунжрарихьди швнуб-сабан гъийитӀнийи, аммаки дугъу зунжрар ва гьялкьйир кьатӀар апӀуйи – гьич сарихьанра думу дерккуз шулдайи.

Матта 12:29

Гьаци дарш сарихьанра, гуж кайирин хулаз дуфну, душв тӀараш апӀуз хьибдар – эгер эйси йитӀну адарш; гъийитӀган, хал тӀараш апӀуз шул.

Матта 4:24

Дугъан ад вари Сирия вилаят вуйиси абхънийи, Исайихьна гьар жюрейин уьзрар кайидар хуз хъюгъру: жинар кайидар, гьарза шлудар, паралич кайидар, – ва Дугъу дурар сагъ апӀуйи.

Матта 9:33

Жинар ктаубси, чӀал дибиснайир улхуз хъюгъю. Ва: «Израилиъ мициб ляхин саб вахтнара гъабхьиб дар!» – кӀури, халкь мюгьтал гъахьи.

Матта 26:53

Ваяки Узу Йиз Адашдикан тӀалаб гъапӀиш, Дугъу Узуз гьамусяаьт малайикарин йицӀикьюб кьушумтӀан артухъ тутрувур, кӀурана?

Марк 5:14

Силарин габнари, жаргъну душну, шагьриъ ва гъирагъариъ айи гъулариъ, гъабхьибдикан ктибтуру. Агьлар, фу гъабхьнуш, лигуз гъюру.